រូបភាពជុំវិញពិភពលោក ២៨ មិនា ២០១៦
រលកបោកបក់ទៅលើខឿនការពាររលកសមុទ្ររបស់ភោជនីយដ្ឋានមួយ នៅខណៈដែលពពកលាតសន្ធឹងខ្មៅងងឹតពេញផ្ទៃមេឃពីលើរដ្ឋធានីបេរូត ប្រទេសលីបង់។
អ្នកលក់តាមដងផ្លូវលក់ប៉េងប៉ោងក្នុងអំឡុងពេលពិធីបុណ្យ Easter Monday នៅរដ្ឋធានីវ៉ាសូវី ប្រទេសប៉ូឡូញ។
ក្រុមនិស្សិតប៉ាឡេស្ទីនកាន់កាំភ្លើងធ្វើពីឈើ ខណៈដែលពួកគេចូលរួមនៅក្នុងពិធីសម្តែងបែបយោធានៅឯសាលាមួយនៅក្រុង Rafah ភាគខាងត្បូងតំបន់ Gaza Strip។
ក្រុមបុរសជះទឹកដាក់ស្រ្តីម្នាក់ជាផ្នែកមួយនៃការអបអរសាទរពិធីបុណ្យប្រពៃណី Easter នៅក្រុង Szenna ប្រទេសហុងគ្រី។
វត្ថុបុរាណរងការខូចខាតនៅខាងក្នុងសារមន្ទីរនៃក្រុងប្រវត្តិសាស្រ្ត Palmyra បន្ទាប់ពីកងកម្លាំងស្មោះស្ម័គ្រនឹងប្រធានាធិបតីស៊ីរីលោក Bashar al-Assad បានដណ្តើមក្រុងនេះមកវិញ នៅក្នុងរូបភាពផ្តល់ឲ្យដោយទីភ្នាក់ងារព័ត៌មាន SANA នៅថ្ងៃទី២៧ ខែមីនា ឆ្នាំ២០១៦។
នាយកសារមន្ទីរ Denver Art Museum លោក Christoph Heinrich បំពាក់កម្រងផ្កាម្លិះពីលើដងខ្លូនរូបបដិមារ៉ាម៉ា ដែលជារូបសំណាក់ថ្មពីសតវត្សរ៍ទី១០ ក្នុងពិធីប្រគល់រូបសំណាក់នៅរាជធានីភ្នំពេញ ប្រទេសកម្ពុជា។
ជនចំណាកស្រុកទទួលទានដំណេកនៅលើផ្លូវរថភ្លើងជិតជំរុំជនភៀសខ្លួននៅភូមិ Idomeni នៃភាគខាងជើងព្រំដែនប្រទេសក្រិក។
កុមារាម្នាក់ត្រូវបានគេចាប់បោះឡើងលើ ហើយចាប់ពេលធ្លាក់ចុះមកវីញ ខណៈពេលដែលជនចំណាកស្រុកបានប្រមូលផ្តុំ និងធ្វើពិធីជប់លៀងមួយនៅភូមិ Idomeni តាមបណ្តោយព្រំដែនប្រទេសក្រិក។
លោក Marcus Ehning មកពីប្រទេសអាល្លឺម៉ង់ជិះសេះឈ្មោះ Cornado នៅអំឡុងពេលការប្រកួតជិះសេះលោតរំលងឧបសគ្គ Equestrian-FEI World Cup Jumping Final III ក្នុងកម្មវិធី Gotenburg Horse Show នៅឯទីលាន Scandinavium Arena ក្រុង Gotenburg ប្រទេសស៊ុយអ៊ែត។
សមាជិកនៃអង្គការសង្គមស៊ីវិលមួយដុតទៀននៅអំឡុងពេលរំឮកវិញ្ញាណក្ខន្ធជនរងគ្រោះដោយសារការវាយប្រហារគ្រាប់បែកអត្តឃាតនៃក្រុង Karachi ប្រទេសប៉ាគីស្ថាន។
កុមារា Butler-Cole អាយុ ៩ឆ្នាំ លេងនៅក្នុងស្នោនៅអំឡុងពេលអាកាសធាតុមិនសូវល្អមួយនៅឆ្នេរ Newhaven ភាគខាងត្បូងប្រទេសអង់គ្លេស។