រូបភាពជុំវិញពិភពលោក ២១ មីនា ២០១៧
បុរសម្នាក់លក់ស្ករសំឡីនៅក្នុងក្រុងកាប៊ុល ក្នុងពេលចូលឆ្នាំថ្មីអាហ្វហ្គានីស្ថាន។
មនុស្សម្នាសែងក្តាមឈូសរបស់លោក Martin McGuinness តាមផ្លូវនៅក្នុងក្រុង Londonderry ប្រទេសអៀវឡង់ខាងជើង។ លោក McGuinness ជាថ្នាក់ដឹកនាំនៃកងទ័ពសាធារណរដ្ឋអៀវឡង់ ដែលបានដឹកនាំចលនាក្រោមដីដើម្បីផ្សះផ្សារជាមួយនឹងចក្រភពអង់គ្លេស និងជាអនុរដ្ឋមន្ត្រីទី១អស់រយៈពេល១ទសវត្សរ៍នៅក្នុងជួររដ្ឋាភិបាល។
ព្រះអាទិត្យរះចំទ្វារនៃប្រាសាទ Seven Dolls Temple នៅក្នុងរដ្ឋ Yucatan ប្រទេសម៉ិកស៊ិក កាលពីថ្ងៃទី២០ ខែមីនា ឆ្នាំ២០១៧។
ពលរដ្ឋ Kurd ក្នុងប្រទេសអ៊ីរ៉ាក់កាន់ភ្លើងនៅពេលពួកគេប្រារព្ធទិវា Nowruz Day ដែលជាពិធីបុណ្យមួយដើម្បីសាទររដូវផ្ការីក និងពិធីចូលឆ្នាំថ្មី នៅក្នុងក្រុង Akra កាលពីថ្ងៃទី២០ ខែមីនា ឆ្នាំ២០១៧។
ស្ត្រីម្នាក់អង្គុយនៅក្នុងកន្លែងដាំផ្កា Giant Tecolote Ranunculus នៅក្នុងក្រុង Carlsbad រដ្ឋ California សហរដ្ឋអាមេរិក នៅថ្ងៃទី១នៃរដូវផ្ការីក កាលពីថ្ងៃទី២០ ខែមីនា ឆ្នាំ២០១៧។
អ្នកប្រកួតធ្វើការសម្តែងក្នុងការប្រកួតរបាំប្រពៃណី Ingoma ប្រចាំឆ្នាំ នៅក្នុងក្រុង Durban ប្រទេសអាហ្វ្រិកខាងត្បូង។
មនុស្សម្នាលេងជាមួយនឹងទូកមួយប្រភេទនៅក្បែរឆ្នេរ Marina Bay ប្រទេសសិង្ហបុរី។
ស្ត្រីអ៊ីរ៉ង់ម្នាក់ធ្វើការអធិដ្ឋាននៅផ្នូររបស់ទាហានដែលគេមិនស្គាល់ឈ្មោះ និងត្រូវបានសម្លាប់នៅក្នុងសង្គ្រាមអ៊ីរ៉ាក់-អ៊ីរ៉ង់ចន្លោះឆ្នាំ១៩៨០ដល់១៩៨៨ នៅខាងក្រៅក្រុងតេហេរ៉ង់ កាលពីថ្ងៃទី២០ ខែមីនា ឆ្នាំ២០១៧ មុនមួយថ្ងៃនៃពិធីចូលឆ្នាំថ្មីរបស់អ៊ីរ៉ង់។
អ្នកបង្ហាញម៉ូដម្នាក់បង្ហាញម៉ូដដែលច្នៃដោយ Nguyen Cong Tri ជនជាតិវៀតណាមក្នុងពេលតាំងពិព័រណ៍សម្លៀកបំពាក់សម្រាប់រដូវរងា ឬរដូវស្លឹកឈើជ្រុះសម្រាប់ឆ្នាំ២០១៧ នៅក្នុងកម្មវិធី Tokyo Fashion Week ក្នុងក្រុងតូក្យូ ប្រទេសជប៉ុន។
អគារខ្ពស់ៗត្រូវបានគ្របដណ្តប់ដោយអ័ព្ទដ៏ក្រាស់នៅផែ Victoria ក្នុងក្រុងហុងកុង កាលពីថ្ងៃទី២០ ខែមីនា ឆ្នាំ២០១៧។
លោកយាយ Catherine Bloemen ជនជាតិប៊ែលហ្ស៊ិក វ័យ៨៦ឆ្នាំ អង្គុយជាមួយនឹងឧបករណ៍ក្មេងលេងចំនួន២០.០០០ ដែលគាត់បានប្រមូលអស់រយៈពេលជាង៦៥ឆ្នាំ នៅក្នុងផ្ទះរបស់គាត់នៅក្នុងក្រុងប្រ៊ុចសែល ប្រទេសប៊ែលហ្ស៊ិក។
អ្នកគាំទ្រឈោងចាប់បាល់ នៅពេលក្រុម Atlanta Braves ធ្វើការហាត់សម នៅមុនពេលប្រកួតជាមួយនឹងក្រុង Washington Nationals នៅក្នុងក្រុង West Palm Beach រដ្ឋ Florida សហរដ្ឋអាមេរិក។