រូបភាពជុំវិញពិភពលោក ១៤ មីនា ២០១៩
បព្វជិតនិកាយ Orthodox ជនជាតិរុស្ស៊ី កំពុងប្រសិទ្ធិពរដល់យានអវកាស Soyuz MS-12 នៅឯកន្លែងបាញ់បង្ហោះយានអវកាសដែលរុស្ស៊ីជួលនៅអវកាសយានដ្ឋាន Baikonur ក្នុងប្រទេសកាហ្សាក់ស្ថាន។
លោក Christina Hammock Koch អ្នកបើកយានអវកាសរបស់ណាសា និងជាសមាជិកនៃស្ថានីយ៍អវកាសអន្តរជាតិ ក្នុងដំណើរទី៥៩ក្នុងចំណោម៦០ លើកដៃពីក្នុងឡានក្រុងនៅក្នុងពិធីលាគ្នានៅខាងក្រៅសណ្ឋាគារ Cosmonaut មុនពេលចាប់ផ្ដើមការបង្ហោះយាន Soyuz MS-12 ពីអវកាសយានដ្ឋាន Baikonur ដែលរុស្ស៊ីជួលនៅប្រទេសកាហ្សាក់ស្ថាន។
តារាចម្រៀងកូរ៉េខាងត្បូង Jung Joon-young មកដល់កន្លែងសាកសួរលើការចោទប្រកាន់ថាបានថតដោយខុសច្បាប់និងចែករំលែកវីដេអូអាសអាភាសនៅលើបណ្ដាញសង្គម នៅប៉ុស្តិ៍ប៉ូលិសក្នុងទីក្រុងសេអ៊ូល ប្រទេសកូរ៉េខាងត្បូង។
ស្ត្រីម្នាក់បញ្ចេញកាយវិការក្នុងពេលធ្វើសន្និសីទសារព័ត៌មាន បន្ទាប់ពីមានការប្រកាសថា អតីតទាហានអង់គ្លេសម្នាក់នឹងត្រូវផ្ដន្ទាទោសរឿងឃាតកម្ម ពាក់ព័ន្ធនឹងការសម្លាប់រង្គាលជនស៊ីវិលដោយទាហានអង់គ្លេសនៅទីក្រុង Londonderry ប្រទេសអៀវឡង់ខាងជើង កាលពី៥០ឆ្នាំមុន។
អ្នកឈរមើលនិងអ្នកធ្វើការនៅការិយាល័យប្រមូលផ្ដុំគ្នានៅជុំវិញមនុស្សដែលរងរបួស ក្រោយពេលស្ពានសម្រាប់ថ្មើជើងបានបាក់នៅខាងក្រៅស្ថានីយ៍រថភ្លើង Chhatrapati Shivaji Maharaj Terminus នៅទីក្រុងមុំបៃ (Mumbai) ប្រទេសឥណ្ឌា។
ស្ត្រីម្នាក់ថតរូបសែលហ្វ៊ីនៅអាងហែលទឹកនៅសណ្ឋាគារ Caracas។ រដ្ឋាភិបាលបានអំពាវនាវឲ្យមន្ត្រីរដ្ឋការវ៉េណេស៊ុយអេឡាត្រឡប់ទៅធ្វើការវិញបន្ទាប់ពីមានការដាច់ភ្លើងរយៈពេលមួយសប្ដាហ៍នៅទូទាំងប្រទេស។
បុរសម្នាក់រង់ចាំអាហារនៅកន្លែងចាក់សំរាមក្នុងស្រុក Las Minas de Baruta ទីក្រុងការ៉ាកាស ប្រទេសវ៉េណេស៊ុយអេឡា។
លោក Itamar Ben Gvir (ឆ្វេង) មកពីគណបក្សអំណាចជនជាតិជ្វីស (Jewish Power party) កំពុងប្រកែកជាមួយលោក Ata Abu Medeghem ជនជាតិអ៊ីស្រាអែលដើមកំណើតអារ៉ាប់នៃគណបក្ស Raam-Balad បន្ទាប់ពីសវនាការនៅតុលាការកំពូលអ៊ីស្រាអែល ក្នុងទីក្រុងហ្ស៊េរុយសាឡិម។
មនុស្សកំពុងចូលរួមក្នុងថ្នាក់រៀនហាត់យ៉ូហ្កាឆ្មា (yoga) នៅហាងកាហ្វេឆ្មា Brooklyn ក្នុងទីក្រុង Brooklyn រដ្ឋញូវយ៉ក សហរដ្ឋអាមេរិក។
រូបសិល្បៈដោយលោក Thomas Schutte ជនជាតិអាល្លឺម៉ង់ ដែលមានចំណងជើងថា «ព្រលឹងកែវ» ត្រូវបានដាក់បង្ហាញដល់បណ្ដាញផ្សព្វផ្សាយក្នុងការក្រលេកទៅមើលអតីតកាលនៃការងាររបស់លោក នៅ Monnaie de Paris ក្នុងទីក្រុងប៉ារីស ប្រទេសបារាំង។