រូបភាពជុំវិញពិភពលោក ១២ មីនា ២០២០
ប្រធានសភាសហរដ្ឋអាមេរិក លោកស្រី Nancy Pelosi និងសមាជិកព្រឹទ្ធសភា លោក Mitch McConnell មេដឹកនាំមតិភាគច្រើននៃព្រឹទ្ធសភា ជល់កែងដៃនៅពេលពួកគេចូលរួមទទួលទានអាហារថ្ងៃត្រង់ជាមួយនាយករដ្ឋមន្ត្រីអៀវឡង់ Leo Varadkar នៅវិមានរដ្ឋសភា នៅរដ្ឋធានីវ៉ាស៊ីនតោន។
តារាសម្ដែងជនជាតិក្រិក នាង Xanthi Georgiou (កណ្ដាល) ដែលដើរតួជាមេដឹកនាំសាសនាជាន់ខ្ពស់កំពុងអុជភ្លើងគប់សម្រាប់កីឡាអូឡាំពិកទីក្រុងតូក្យូ ឆ្នាំ ២០២០។ ភ្លើងនេះត្រូវបានកាន់ដោយកីឡាការនីជើងឯកបាញ់កាំភ្លើងជនជាតិក្រិក នាង Anna Korakaki ដែលជាមនុស្សទី១កាន់ភ្លើងគប់នេះ ក្នុងពិធីដុងភ្លើងគប់ នៅឯទីលាន Ancient Olympia ដែលបិទទ្វារ នៅភាគខាងជើងនៃប្រទេសក្រិក។
មនុស្សម្នាមកពីប្រទេសវេណេស៊ុយអេឡាដោយមានពាក់ម៉ាសការពារការចម្លងមេរោគកូរ៉ូណាវីរុស ឬ កូវីដ១៩ បង្ហាញឯកសាររបស់ពួកគេនៅឯព្រំដែន នៅស្ពាន Simon Bolivar International Bridge ទីក្រុង Cucuta ប្រទេសកូឡុំប៊ី។
អ្នកជិះទូក និងអ្នកចែវទូកកំពុងជិះនៅពេលមានរលកនៅ Severn Bore ដែលជាបាតុភូតធម្មជាតិដែលមានរលកបក់ច្រាននៅច្រាំង ទន្លេ Severn និងនៅផ្ទៃទឹកផ្នែកខាងលើ ហើយជាបាតុភូតធំបំផុតនៅអយនកាល ឬនៅពេលថ្ងៃនិងយប់មានរយៈពេលស្មើគ្នា ដែលបានតុភូមិតនេះកើតមាននៅទីក្រុង Newnham ចក្រភពអង់គ្លេស។
គូស្រករមួយគូថើបគ្នានៅឯព្រលានយន្តហោះ Barcelona ប្រទេសអេស្ប៉ាញ។ លោក ដូណាល់ ត្រាំ ប្រធានាធិបតីសហរដ្ឋអាមេរិក បានរឹតបន្តឹងការធ្វើដំណើរចូលសហរដ្ឋអាមេរិក នៃពលរដ្ឋមកពីទ្វីបអឺរ៉ុប ដែលមានការក្អក និងក្ដៅខ្លួន បន្តិចបន្តួច ដោយភ័យខ្លាចជំងឺកូរ៉ូណា។
កងសន្តិសុខកិត្តិយសសហរដ្ឋអាមេរិក គោរពដល់មឈូសដែលមានរុំទៅដោយទង់ជាតិអាមេរិក ក្នុងពិធីមាតុភូមិនិវត្តន៍នៅឯព្រលានយន្តហោះអន្តរជាតិ Mandalay នៅភាគកណ្ដាលប្រទេសមីយ៉ាន់ម៉ា។ យោធាសហរដ្ឋអាមេរិកបានធ្វើមាតុភូមិនិវត្តន៍អដ្ឋិធាតុចុងក្រោយនៃទ័ពដែលបានបាត់ខ្លួនក្នុងពេលបំពេញការងារនៅសម័យសង្គ្រាមលោកលើកទី២។
និស្សិតម្នាក់ពាក់ម៉ាសធ្វើពីសម្ភារៈកែច្នៃឡើងវិញ និងអាចរលាយបាន ដែលជាទម្រង់មួយនៃការធ្វើបាតុកម្មប្រឆាំងនឹងការខ្វះម៉ាសដែលប្រើប្រាស់សម្រាប់ឱសថស្ថាន ដើម្បីការពារការរីករាលដាលនៃជំងឺកូវីដ១៩ នៅសាលារៀន Julio Cesar Turbay ក្នុងទីក្រុង Soacha ប្រទេសកូឡុំប៊ី។
ឡានក្រុងមួយគ្រឿងត្រូវបានបាញ់សម្អាតដោយកាំរស្មីអ៊ុលត្រាវីយ៉ូឡែត (ultraviolet) ដែលជាវិធានការមួយប្រឆាំងនឹងមេរោគកូវីដ១៩ ឬកូរ៉ូណាវីរុស នៅទីក្រុងសៀងហៃ ប្រទេសចិន។
Foxton Hardin (ឆ្វេង) និង Adison Pucci ដែលទាំងពីរនាក់មានអាយុ១២ឆ្នាំដូចគ្នា ហើយបានចូលរៀននៅសាលា Northshore Middle School នៅស្រុក Northshore School កំពុងធ្វើលំហាត់ឯផ្ទះរបស់គេនៅទីក្រុង Bothell រដ្ឋវ៉ាស៊ីនតោន។ សាលារបស់ពួកគេបានប្ដូរការសិក្សាពីការសិក្សានៅថ្នាក់រៀន ទៅជាការរៀនតាមអនឡាញ កាលពី២សប្ដាហ៍មុន ដោយសារតែមានក្ដីបាម្ភអំពីជំងឺកូរ៉ូណា។
ក្រុមការងារដែលមានស្លៀកពាក់សម្លៀកបំពាក់ការពារកំពុងបាញ់ថ្នាំសម្លាប់មេរោគនៅវិមាន Dolmabahce ដោយសារការភ័យខ្លាចជំងឺកូរ៉ូណា នៅទីក្រុងអ៊ីស្តង់ប៊ុល ប្រទេសតួកគី កាលពីថ្ងៃទី១១ មីនា ២០២០។