លោក អ៊ូ វីរៈ ពិភាក្សាអំពីការកាត់ទោសលោកម៉ម សុណង់ដូ។ វីអូអេលើកពេលការពិភាក្សាអំពីការបោះឆ្នោតទៅខែក្រោយវិញ។
Your browser doesn’t support HTML5
ការកាត់ទោសលោកម៉ម សុណង់ដូ និងឥទ្ធិពលរបស់វាលើសិទ្ធិមនុស្សនៅកម្ពុជា
វ៉ាស៊ីនតោន៖ លោក ម៉ម សុណង់ដូ នាយកវិទ្យុសំបុកឃ្មុំនិងជាប្រធានសមាគមអ្នកប្រជាធិបតេយ្យត្រូវតុលាការក្រុងភ្នំពេញកាត់ទោសនៅថ្ងៃនេះ ឱ្យជាប់ពន្ធនាគារយៈពេល២០ឆ្នាំនិងពិន័យជាប្រាក់ចំនួន១០លានរៀលពីបទទាក់ទងនឹងការធ្វើចលនាអបគមន៍និងមានផែនការផ្តួលរំលំរដ្ឋាភិបាលស្របច្បាប់។
លោក ម៉ម សុណង់ដូ ស្ថិតក្នុងចំណោមសកម្មជនដីធ្លីនិងសិទ្ធិមនុស្សដទៃទៀតដែលត្រូវបានរដ្ឋាភិបាលប្រើប្រាស់ប្រព័ន្ធតុលាការដើម្បីដាក់ទោសនិងចោទប្រកាន់។
ដោយសារតែមានករណីវិវត្តន៍ទាក់ទងនឹងរឿងរ៉ាវរបស់លោក ម៉ម សុណង់ដូនេះ នៅថ្ងៃច័ន្ទនេះដែលជាកម្មវិធីហេឡូវីអូអេប្រចាំខែជាមួយនឹងលោកអ៊ូ វីរៈ ប្រធានមជ្ឈមណ្ឌលសិទ្ធិមនុស្សកម្ពុជា ដែលពិភាក្សាលើបញ្ហាទាក់ទងនឹងការបោះឆ្នោត នឹងត្រូវប្តូរទៅជាការពិភាក្សារបស់លោកអ៊ូ វីរៈអំពីផលប៉ះពាល់ដល់សិទ្ធិមនុស្សដែលបង្កឡើងពីការកាត់ទោសលោកម៉ម សុណង់ដូ វិញ។
វីអូអេនឹងលើកយកបញ្ហាបោះឆ្នោតទៅពិភាក្សាគ្នានៅខែក្រោយវិញ៕
តើប្រិយមិត្តយល់យ៉ាងណាដែរអំពីការកាត់ទោសចុងក្រោយនេះ?