កម្រងរូបភាព៖ «អ្នកវិភាគឯករាជ្យមួយរូបត្រូវបានខ្មាន់កាំភ្លើងបាញ់សម្លាប់»

១០ កក្កដា ២០១៦

នៅ វណ្ណារិន

ឡេង ឡែន

ប្រជាពលរដ្ឋចោមរោមកន្លែងដែលលោក កែម ឡី ត្រូវបានខ្មាន់កាំភ្លើងបាញ់សម្លាប់នៅក្នុងការហាង Star Mart ស្ថានីយប្រេងឥន្ធនៈ Caltex ស្តុបបូកគោកាលពីព្រឹកថ្ងៃអាទិត្យ ទី១០ ខែកក្កដា ឆ្នាំ២០១៦។ (នៅ វណ្ណារិន/VOA)

មន្រ្តីប៉ូលិសសរសេរកំណត់ហេតុនៅហាង Star Mart ក្នុងស្ថានីយប្រេងឥន្ធនៈ Caltex ទីដែលអ្នកវិភាគនយោបាយឯករាជ្យលោកកែម ឡី ត្រូវបានខ្មាន់កាំភ្លើងបាញ់សម្លាប់។ (នៅ វណ្ណារិន/VOA)

ភរិយារបស់លោកកែម ឡីបង្ហូរទឹកភ្នែកនៅកន្លែងកើតហេតុក្នុងស្ថានីយប្រេងឥន្ធនៈ Caltex ស្តុបបូកគោ ក្រុងភ្នំពេញកាលពីព្រឹកថ្ងៃអាទិត្យ ទី១០ ខែកក្កដា ឆ្នាំ២០១៦។ (ឡេង ឡែន/VOA)

សមត្ថកិច្ចប្រមូលផ្តុំនៅហាង Star Mart នៅស្ថានីយប្រេងឥន្ធនៈ Caltex ស្តុបបូកគោ ក្រុងភ្នំពេញ កាលពីព្រឹកថ្ងៃអាទិត្យ ទី១០ ខែកក្កដា ឆ្នាំ២០១៦។ (នៅ វណ្ណារិន/VOA)

ប្រជាជនដាក់ផ្កានៅលើរថយន្តរបស់លោកកែម ឡី នៅស្ថានីយប្រេងឥន្ធនៈ Caltex ស្តុបបូកគោ ក្រុងភ្នំពេញ កាលពីព្រឹកថ្ងៃអាទិត្យ ទី១០ ខែកក្កដា ឆ្នាំ២០១៦។ (នៅ វណ្ណារិន/VOA)

ក្បួនដង្ហែសពរបស់លោកកែម ឡីត្រូវបានធ្វើឡើងនៅតាមបណ្តោយផ្លូវព្រះមុនីវង្ស ក្រុងភ្នំពេញ កាលពីថ្ងៃទី១០ ខែកក្កដា ឆ្នាំ២០១៦។ (នៅ វណ្ណារិន/VOA)

ភរិយារបស់លោកកែម ឡីយំពេលកំពុងជិះរថយន្តដឹកសពរបស់លោកកែម ឡីទៅកាន់វត្តក្តីចាស់។ (នៅ វណ្ណារិន/VOA)

ជនសង្ស័យជាឃាតករសម្លាប់លោកកែម ឡី ត្រូវបាននាំមកបង្ហាញដល់អ្នកសារព័ត៌មាន បន្ទាប់ពីជនសង្ស័យនេះបានបាញ់ប្រហារលោកកែម ឡី ជាមួយនឹងអាវុធម៉ាក Glock កាលពីថ្ងៃទី១០ ខែកក្កដា ឆ្នាំ២០១៦។ (ហ៊ុល រស្មី/VOA)

លោក កែម ឡី អ្នកវិភាគនិងជាអ្នកស្រាវជ្រាវសង្គម ដ៏ល្បីត្រូវបានខ្មាន់កាំភ្លើងបាញ់សម្លាប់កាលពីព្រឹកថ្ងៃអាទិត្យនេះ។ តាមការឲ្យដឹងពីសមត្ថកិច្ច លោកត្រូវបានជនសង្ស័យបាញ់ជាច្រើនគ្រាប់ និងបណ្តាលឲ្យស្លាប់នៅនឹងកន្លែង ក្នុងស្ថានីយប្រេងឥន្ធនៈមួយ។