រូបភាពជុំវិញពិភពលោក ០៦ មិថុនា ឆ្នាំ២០១៦
រថភ្លើងបើកកាត់វាលផ្កា Camomile ជិតក្រុង Bad Doberan ប្រទេសអាល្លឺម៉ង់។
អ្នកជិះបន្ទះក្តារលើទឹកហែលមកកាន់ច្រាំងវិញ នៅពេលមានរលកធំមួយនៅពីក្រោយខ្លួននៅឆ្នេរ Narrabeen ក្នុងរដ្ឋ New South Walesភាគខាងជើងប្រទេសអូស្រ្តាលី។
ទាហានមួយរូបមកពីកងកម្លាំងពិសេសរបស់យោធាកូរ៉េខាងត្បូងបំបែកក្តារថ្មដោយប្រើក្បាលនៅអំឡុងពេលបង្ហាញក្បាច់គុនមួយសម្រាប់ថ្ងៃបុណ្យ Memorial Day នៅឯសារមន្ទីរសង្រ្គាមកូរ៉េនៅក្រុងសេអ៊ូល។
សិស្សសាលាអង្គុយជារង្វង់នៅអំឡុងពេលរំឮកគម្ពីរកូរ៉ាន់ឡើងវិញនៅថ្ងៃដំបូងនៃខែបុណ្យ Ramadan នៅឯសាលារៀន Ar-Raudlatul Hasanah ក្នុងក្រុង Medan កោះស៊ូម៉ាត្រាខាងជើង ប្រទេសឥណ្ឌូនេស៊ី។
បាតុករជិះម៉ូតូ ដោយលើកបដាមានសរសេរអក្សរកាត់នៃឈ្មោះគណៈកម្មាការបោះឆ្នោតជាតិ ដោយកោះហៅឲ្យមានការរំសាយចោលនូវគណៈកម្មាការនេះ ពាក់ព័ន្ធនឹងបទចោទប្រកាន់ពីការលម្អៀង និងអំពើពុករលួយ ក្នុងក្រុងណៃរ៉ូប៊ី ប្រទេសកេនយ៉ា។
វិស្វករនៅក្នុងជើងដំណើរទៅកាន់អវកាស Expedition 47 លោក Tim Peake នៃទីភ្នាក់ងារអវកាសអឺរ៉ុប បានថតរូបពពកបញ្ចេញពន្លឺពេលយប់ដ៏កម្រមួយពីស្ថានីយអវកាសអន្តរជាតិកាលពីថ្ងៃទី២៩ ខែឧសភា ឆ្នាំ២០១៦។
توزیع بطری های آب معدنی توسط پرزیدنت ترامپ و بانوی اول در جریان بازدیدشان از مناطق آسیب دیده ناشی از توفان مایکل در فلوریدا
វាលស្រែរចនាឡើងនៅក្នុងទម្រង់ជារាជនីចិននៅក្រុង Shenyang ខេត្ត Liaoning ប្រទេសចិន។
កីឡាករ Starling Marte នៃក្រុម Pittsburgh Piartes លោតផ្ទប់ជញ្ជាំងដើម្បីចាប់កូនបាល់ ដែលត្រូវបានវាយដោយកីឡាករ Gregorio Petit នៃក្រុម Los Angeles Angel នៅអំឡុងពេលប្រកួតកីឡា វាយកូនបាល់នៅក្រុង Pittsburgh រដ្ឋ Pennyslvania សហរដ្ឋអាមេរិក កាលពីថ្ងៃទី០៥ ខែមិថុនា ឆ្នាំ២០១៦។
នាង Deshauna Barber (កណ្តាល) មកពី District of Columbia ធ្វើការអបអរសាទរជាមួយនឹងបេក្ខនារីដទៃទៀត បន្ទាប់ពីបានទទួលតំណែងជាបវរកញ្ញាប្រចាំសហរដ្ឋអាមេរិកឆ្នាំ ២០១៦ នៅឯទីលាន T-Mobile Arena ក្រុង Las Vegas រដ្ឋ Nevada សហរដ្ឋអាមេរិក កាលពីថ្ងៃទី០៥ ខែមិថុនា ឆ្នាំ២០១៦។
ក្រុមអ្នកជួយសង្រ្គោះស្វែងរកមនុស្ស ដែលបានបាត់ខ្លួននៅកន្លែងដែលមានការក្រឡាប់ទូក បន្ទាប់ពីមានខ្យល់បក់ខ្លាំងនៅលើបឹងមួយ ក្នុងក្រុង Guangyuan ខេត្ត Sichuan ប្រទេសចិន កាលពីថ្ងៃទី០៥ ខែមិថុនា ឆ្នាំ២០១៦។
សត្វពីងពីងឈ្មោះ Maratus Bubo ដែលទើបនឹងត្រូវបានរកឃើញនៅក្នុងពេលថ្មីៗ បង្ហាញពីផ្នែកពោះដ៏សម្បូរទៅដោយពណ៌របស់វា។