រូបភាពជុំវិញពិភពលោក ០៥ មិថុនា ២០១៧
ស្ត្រីឥណ្ឌាម្នាក់ប្រមូលវត្ថុប្រើប្រាស់ឡើងវិញនៅកន្លែងចាក់សំរាមនៅជាយក្រុង Hyderabad។
លោកស្រីនាយករដ្ឋមន្ត្រីអង់គ្លេស និងជាមេដឹកនាំគណបក្សអភិរក្សនិយមគឺលោកស្រី Theresa May ថ្លែងសុន្ទរកថាសម្រាប់យុទ្ធនាការបោះឆ្នោតសកល នៅវិទ្យាស្ថាន Rusi ក្នុងក្រុងឡុងដ៍។
ទាហានអ៊ីរ៉ាក់បើករថក្រោះកាត់កម្ទេចអគារមួយ បន្ទាប់ពីអគារនោះត្រូវបានយុទ្ធជនរដ្ឋឥស្លាមវាយកម្ទេច ក្នុងពេលប្រយុទ្ធមួយនៅក្នុងក្រុង Mosul។
កីឡាករ Adrian Buchan របស់អូស្ត្រាលីជិះក្តារលើទឹកក្នុងវគ្គទី១ នៃការប្រកួតជិះក្តារលើទឹក OuterKnown Fiji Pro នៅក្នុងកោះ Tavarua ប្រទេសហ្វីជី កាលពីថ្ងៃទី៤ ខែមិថុនា ឆ្នាំ២០១៧។
ខ្លោងទ្វារ Brandenburg ត្រូវបានបំពាក់ភ្លើងពណ៌នៃទង់ជាតិអង់គ្លេសដើម្បីបង្ហាញពីការរួបរួមគ្នាជាមួយនឹងជនរងគ្រោះនៃការវាយប្រហារនាពេលថ្មីៗនេះនៅក្នុងក្រុងឡុងដ៍។ ខ្លោងទ្វារនេះស្ថិតក្នុងក្រុងបែរឡាំង ប្រទេសអាល្លឺម៉ង់។
អ្នកចម្រៀង Ariana Grande សម្តែងក្នុងការប្រគុំតន្ត្រី One Love Manchester សម្រាប់ជនរងគ្រោះនៃការវាយប្រហារនៅតំបន់ Manchester Arena នៅស្តាត Emirates Old Trafford ចក្រភពអង់គ្លេស កាលពីថ្ងៃទី៤ ខែមិថុនា ឆ្នាំ២០១៧។
លោក Jo Kyung-ho ជនជាតិកូរ៉េខាងត្បូងគោរពបងប្រុសរបស់គាត់ដែលបានស្លាប់ក្នុងសម័យសង្គ្រាមកូរ៉េ ១ថ្ងៃមុនថ្ងៃរំឭកគុណូបការៈរបស់កូរ៉េខាងត្បូង នៅកន្លែងបញ្ចុះសព National Cemetery ក្នុងក្រុងសេអ៊ូល។
គេថតបានស្នាមផ្លូវយន្តហោះមួយ បន្ទាប់ពីវាហោះចេញពីព្រលានយន្តហោះស៊ីដនី ប្រទេសអូស្ត្រាលី។
គូស្នេហ៍ជាច្រើនចូលរួមនៅក្នុងការប្រកួតប្រជែងមួយក្នុងពេលរៀបអាពាហ៍ពិពាហ៍ដ៏ធំរបស់និស្សិតថ្នាក់បណ្ឌិតចំនួន៦៤គូ នៅវិទ្យាស្ថាន Harbin Institute of Technology ដែលជាសាកលវិទ្យាល័យមួយនៅក្នុងក្រុង Harbin ខេត្ត Heilongjiang ប្រទេសចិន កាលពីថ្ងៃទី៤ ខែមិថុនា ឆ្នាំ២០១៧។
នាវា Varyag ដឹកយន្តហោះចម្បាំងរបស់រុស្ស៊ី ចូលចតនៅផែ Kai Tak Cruise Terminal សម្រាប់ទស្សនកិច្ចក្រៅផ្លូវការរយៈពេល៥ថ្ងៃនៅក្រុងហុងកុង។