រូបភាពជុំវិញពិភពលោក ១៤ មិថុនា ២០១៥
ជនជាតិស៊ីរីដែលគេចចេញពីសង្គ្រាម កំពុងព្យាយាមឆ្លងកាត់ព្រំដែនកាត់របងដែលខូចបាក់បែក ទៅកាន់ប្រទេសតួកគីដោយខុសច្បាប់ ក្នុងក្រុង Akcakale ខេត្ត Sanliurfa ប្រទេសតួកគី។
Hassan Aliyev កីឡាករចំបាប់មកពីប្រទេសអាហ្ស៊ែរបៃហ្សង់ (Azerbaijan) និង Aleksander Maksimovic មកពីប្រទេសស៊ែប៊ី នៅក្នុងការប្រកួតចំបាប់ greco-roman ផ្នែកបុរស ទម្ងន់៦៦គីឡូក្រាម នៅក្នុងការប្រកួតកីឡាអ៊ឺរ៉ុប ឆ្នាំ២០១៥ ក្នុងក្រុងបាគូ (Baku) ប្រទេសអាហ្ស៊ែរបៃហ្សង់។
ប្រជាជននាំគ្នាជួយសត្វដំរីទឹក ចាកចេញពីសួនសត្វដែលរងការលិចទឹកក្នុងរដ្ឋធានី Tbilisi ប្រទេស Georgia ។ សត្វខ្លា តោ ដំរីទឹក ហើយនិងសត្វដទៃទៀត កំពុងតែគេចចេញពីសួនសត្វក្នុងរដ្ឋធានីរបស់ប្រទេស Georgia បន្ទាប់ពីទឹកជំនន់បំផ្លាញរបងក្នុងសួនសត្វ ហើយអាជ្ញាធរបានដាស់តឿនប្រជាជនឲ្យស្ថិតនៅក្នុងលំនៅដ្ឋានរបស់ពួកគេ។
ស្រ្តីជាម្តាយម្នាក់ បីកូនរបស់ខ្លួននៅខាងក្រៅមជ្ឈមណ្ឌលទេសន្តរប្រវេសន៍ Baobab ដែលនៅក្បែរស្ថានីយរថភ្លើង Tiburtina ក្នុងទីក្រុងរ៉ូម ប្រទេសអ៊ីតាលី។
អ្នកចូលរួមបានបង្ហោះគោមទៅលើមេឃ ក្នុងពិធីបុណ្យបង្ហោះគោមក្នុងទីក្រុងបេរូត (Beirut) ប្រទេសលីបង់ កាលពីថ្ងៃទី១៣ ខែមិថុនា ឆ្នាំ២០១៥។
សម្តេចសង្ឃកាតូលិក ប៉ាប ហ្រ្វង់ស៊ីស (Pope Francis) ប្រសិទ្ធិពរឲ្យទារកម្នាក់ នៅពេលដែលទ្រង់បានមកដល់នៅក្នុងពិធី Rome's diocese convention នៅព្រះវិហារ St. Peter's Square នៅក្នុងបុរីវ៉ាទីកង់។
ពលរដ្ឋដែលមានមុខប្រលាក់ដោយផេះចេញពីភ្នំភ្លើង ជិះម៉ូតូ ខណៈពេលដែលភ្នំភ្លើង Mount Sinabung បានផ្ទុះក្នុងភូមិ Sukandebi នៅក្នុងតំបន់ Karo Regency ភាគខាងជើងកោះស៊ូម៉ាត្រា ប្រទេសឥណ្ឌូនេស៊ី កាលពីថ្ងៃទី១៣ ខែមិថុនា ឆ្នាំ២០១៥ ។ រូបថតផ្តល់ដោយ ៖ Antara Foto ។
លោកស្រី Hillary Clinton បេក្ខភាពប្រធានាធិបតីមកពីគណបក្សប្រជាធិបតេយ្យ បានអញ្ជើញមកដល់សួនច្បារ Franklin D. Roosevelt Four Freedom Park ដើម្បីឡើងថ្លែងសុន្ទរកថាបើកយុទ្ធនាការជាផ្លូវការ នៅលើកោះ Roosevelt ក្នុងទីក្រុងញូវយ៉ក កាលពីថ្ងៃទី១៣ ខែមិថុនា ឆ្នាំ២០១៥។
កូនសិស្សពត់ខ្លួនក្នុងពេលហាត់ក្បាច់គុនបុរាណ Angampora ក្នុងទីក្រុងកូឡុំបូ ប្រទេសស្រីលង្កា។
ព្រះនាង Sofia និងព្រះអង្គម្ចាស់ Carl Philip រាំក្នុងពិធីរៀបការរបស់ទ្រង់ ក្នុងព្រះរាជវាំងក្នុងទីក្រុង Stockholm ប្រទេសស៊ុយអែត កាលពីថ្ងៃទី១៣ ខែមិថុនា ឆ្នាំ២០១៥។
Mason Williams កីឡាករមកពីក្លឹប New York Yankees បុកនឹងជញ្ជាំង បន្ទាប់ពីចាប់គ្រាប់បាល់ខុស ដែលវាយដោយកីឡាករ Nolan Reimold មកពីក្លឹប Baltimore Orioles ក្នុងអំឡុងពេលប្រកួតកីឡា Baseball កាលពីថ្ងៃទី១៣ ខែមិថុនា ឆ្នាំ២០១៥។
សត្វកំប៉្រុកឈោងចាប់យកគ្រាប់ផ្លែស្វាយ នៅលើដើមឈើមួយ ក្នុងសួនច្បារ Chapultepec ក្នុងទីក្រុង Mexico កាលពីថ្ងៃទី១៣ ខែមិថុនា ឆ្នាំ២០១៥។