រូបភាពជុំវិញពិភពលោក ១៣ មិថុនា ២០១៩
ក្រុមស្ត្រីកំពុងទូលធុងទឹកនៅលើក្បាលពីកន្លែងបើកទឹកនៅក្រុង Thane ប្រទេសឥណ្ឌា។
នាវាដឹកប្រេងមួយគ្រឿងបានឆេះនៅលើសមុទ្រនៃប្រទេសអូម៉ង់។ នាវាដឹកប្រេងពីរគ្រឿងនៅជិតដៃសមុទ្រយុទ្ធសាស្ត្រ Strait of Hormuz ត្រូវបានគេរាយការណ៍ថាបានរងការវាយប្រហារ ដែលព្រឹត្តិការណ៍នោះបានធ្វើឲ្យឆេះនាវា និងរសាត់ទៅឆ្ងាយ ខណៈដែលអ្នកបើកបរត្រូវបានជួយសង្គ្រោះ។
នាង Marta កីឡាការនីនៃប្រទេសប្រេស៊ីល កំពុងសប្បាយជាមួយមិត្តរួមក្រុមរបស់នាង ក្រោយពេលបានស៊ុតចូលគ្រាប់ដំបូងក្នុងព្រឹត្តិការណ៍បាលទាត់ពិភពលោកផ្នែកនារី ក្នុងពូល C ក្នុងការប្រកួតជាមួយប្រទេសអូស្ត្រាលី នៅកីឡដ្ឋាន Stade de la Mosson នៅទីក្រុង Montpellier ប្រទេសបារាំង។
អ្នកធ្វើការម្នាក់កំពុងបាញ់ទឹកដើម្បីធ្វើឲ្យខ្លួនគាត់ត្រជាក់នៅពេលរសៀលមួយដែលមានអាកាសធាតុក្ដៅ នៅទីក្រុង Prayagraj ខេត្ត Uttar Pradesh ប្រទេសឥណ្ឌា។
បាល់សម្រាប់វាយហ្គោលដែលបាត់ ត្រូវគេឃើញនៅក្នុងមហាសមុទ្រប៉ាស៊ីហ្វិក នៅឆ្នេរ Stillwater Cove ជិតទីវាលវាយកូនហ្គោល Pebble Beach Golf Links ក្នុងរដ្ឋកាលីហ្វ័រញ៉ា សហរដ្ឋអាមេរិក។
កូនកម្លោះក្រមុំថតរូបនៅខាងក្រៅព្រះវិហារមួយក្នុងរដ្ឋធានីលីសបោន ប្រទេសព័រទុយហ្គាល់ បន្ទាប់ពីពិធីអាពាហ៍ពិពាហ៍របស់ពួកគេ។
មនុស្សពីរនាក់ត្រូវបានសង្គ្រោះដោយសុវត្ថិភាពចេញពីឡានដែលកំពុងត្រូវបានស្ទូចដោយគ្រឿងចក្រក្រែន ក្នុងពេលមានភ្លៀងធ្លាក់ខ្លាំង នៅទីក្រុង Spluegen ប្រទេសស្វ៊ីស។
អ្នកបើកបរជនជាតិន័រវែស លោក Andreas Mikkelsen កំពុងកាច់ចង្កូតរថយន្ត Hyundai Shell Mobis WRT របស់លោកជាមួយនឹងអ្នកបើកបរជនជាតិន័រវែសម្នាក់ទៀតឈ្មោះ Anders Jaeger ក្នុងពេលប្រណាំងវគ្គ Shakedown នៃការប្រណាំងរថយន្ត Sardinia នៅជិតក្រុង Olmedo ប្រទេសអ៊ីតាលី។
ហ្វូងសត្វគោជាប់ក្នុងទឹកជំនន់ក្រោយពេលមានភ្លៀងធ្លាក់ខ្លាំងនៅក្រុង Jian ខេត្ត Jiangxi ប្រទេសចិន។
ស្ត្រីម្នាក់ថតរូបក្រោមឡានម៉ាក Bentley Continental GT ដែលត្រូវបានដឹកដោយឡានឈូសដីដែលត្រូវបានកែច្នៃដោយវិស្វករឡានជនជាតិរុស្ស៊ី ក្នុងពេលធ្វើបាតុកម្មនៅក្នុងទីក្រុង St. Petersburg ប្រទេសរុស្ស៊ី។