រូបភាពជុំវិញពិភពលោក ១២ មិថុនា ២០១៧
ទូកជួយសង្គ្រោះមួយទៅជិតដល់រថយន្តដែលលិចទឹកនៅលើផ្លូវមួយ បន្ទាប់ពីមានភ្លៀងធ្លាក់ខ្លាំង នៅក្នុងក្រុង Guiyang ខេត្ត Guizhou ប្រទេសចិន។
អ្នកគាំទ្រដល់រដ្ឋាភិបាលរបស់លោកប្រធានាធិបតី Nicolas Maduro នៃប្រទេសវ៉េណេស៊ុយអេឡា និងសកម្មជនបក្សប្រឆាំងប្រឈមមុខដាក់គ្នានៅពីមុខតុលាការកំពូលក្នុងក្រុង Caracas។
នាង Mary Beth Nickerson ចុះហត្ថលេខាលើជញ្ជាំងខាងក្រៅនៃក្លឹបកម្សាន្តពេលរាត្រី Pulse នៅពេលទៅគោរពវិញ្ញាណក្ខន្ធនៃខួបមួយឆ្នាំនៃការបាញ់ប្រហារនៅក្នុងក្រុង Orlando រដ្ឋ Florida សហរដ្ឋអាមេរិក។
ខ្លែងដែលមានពណ៌ចម្រុះត្រូវបានគេបង្ហោះនៅលើឆ្នេរ Tam Thanh ក្នុងពិធីបុណ្យបង្ហោះខ្លែងអន្តរជាតិ នៅក្នុងខេត្ត Quang Nam ប្រទេសវៀតណាម កាលពីថ្ងៃទី១១ ខែមិថុនា ឆ្នាំ២០១៧។
កាលពីថ្ងៃទី២៩ ខែឧសភា ពលរដ្ឋនៅទីក្រុង Portland ដើរក្បួនធ្វើបាតុកម្មតវ៉ាចំពោះការស្លាប់របស់លោក George Floyd ពីសួន Peninsula ឆ្ពោះទៅកាន់មជ្ឈមណ្ឌល Justice នៅកណ្តាលក្រុង Portland រដ្ឋ Oregon។ (រូបថត AP)
ក្រុមតន្ត្រី Holdersberger Alp-Traum-Bläser សម្តែងនៅលើក្បូនអណ្តែតមួយនៅលើបឹង Elbsee នៅក្បែរក្រុង Aitrang ប្រទេសអាល្លឺម៉ង់ កាលពីថ្ងៃទី១១ ខែមិថុនា ឆ្នា២០១៧។
បាតុករម្នាក់ត្រូវបានគេទាញចុះពីបង្គោលភ្លើង ក្នុងពេលបាតុកម្មមួយនៅក្នុងក្រុងមូស្គូ ប្រទេសរុស្ស៊ី កាលពីថ្ងៃទី១២ ខែមិថុនា ឆ្នាំ២០១៧។
លោក Vladimir Putin ប្រធានាធិបតីរុស្ស៊ីស្ថិតក្នុងពិធីបុណ្យប្រគល់រង្វាន់ State Prize ដើម្បីអបអរបុណ្យឯករាជ្យជាតិរបស់រុស្ស៊ី នៅវិមាន Grand Kremlin ក្នុងក្រុងមូស្គូ។
អ្នកនេសាទទាញសំណាញ់ នៅពេលពួកគេចាប់ត្រីនៅតាមទន្លេ Indus ក្នុងក្រុង Hyderabad ប្រទេសប៉ាគីស្ថាន។
អ្នកបង្ហាញម៉ូដម្នាក់បង្ហាញម៉ូដដែលឆ្នៃដោយលោកស្រី Vivienne Westwood នៅក្នុងកម្មវិធី London Fashion Week Men's។
មនុស្សម្នាផឹកទឹកចេញពីរូបសំណាក Barcaccia ក្នុងសតវត្សរ៍ទី១៧រចនាដោយលោក Bernini នៅក្នុងក្រុងរ៉ូម។ សាលាក្រុងបានប្រកាសថា លោកស្រីអភិបាល Virginia Raggi បានចុះហត្ថលេខាលើបទបញ្ញត្តិមួយមានគោលបំណងការពារកន្លែងទឹកចេញជាលក្ខណៈប្រវត្តិសាស្ត្រចំនួន៤០។
អ្នកបង្ហាញម៉ូដម្នាក់បង្ហាញម៉ូដមួយនៅក្នុងការតាំងពិព័រណ៍ Craig Green ក្នុងកម្មវិធី London Fashion Week Men's។
លោក Alain Robert ដែលជាអ្នកលើកជញ្ជាំងជនជាតិបារាំងម្នាក់ ឬត្រូវបានគេស្គាល់ថា បុរសពីងពាងបារាំង ឡើងសណ្ឋាគារ Melia Barcelona Sky Hotel ដែលមានកម្ពស់១២០ម៉ែត្រ នៅក្នុងក្រុង Barcelona ប្រទេសអេស្ប៉ាញ។