រូបភាពជុំវិញពិភពលោក ០៧ កក្កដា ២០១៧
មនុស្សកំពុងរត់ពីមុខគោជល់ ក្នុងព្រឹត្តិការណ៍រត់ប្រណាំងជាមួយគោ នៅឯពិធីបុណ្យ San Fermin ក្នុងក្រុង Pamplona ភាគខាងជើងនៃប្រទេសអេស្ប៉ាញ។
ស្រមោលនៃស្ត្រីម្នាក់ដែលបាត់បង់ទីជម្រករបស់ខ្លួន នៅជំរំ Hassan Sham នៅភាគខាងកើតនៃក្រុងម៉ូស៊ូល ប្រទេសអ៊ីរ៉ាក់។
ផ្លែស្ត្ររប៊ឺរី ត្រូវបានគេដាក់លក់ នៅថ្ងៃទី៥នៃការប្រកួតជើងឯកពានរង្វាន់កីឡាតិន្នីស នៅទីក្រុងឡុងដ៍ ប្រទេសអង់គ្លេស។
ក្រុមនិស្សិតបានចូលរួមក្នុងការធ្វើបាតុកម្មមួយដើម្បីរំឭកខួបទី៥៥នៃការគាបសង្កត់របស់កងយោធាទៅលើសិស្សនិស្សិតកាលពីឆ្នាំ១៩៦២ នៅសាកលវិទ្យាល័យ Yangon ក្នុងក្រុង Yangon ប្រទេសមីយ៉ាន់ម៉ា។
ក្រុមប៉ូលិសបានប្រើប្រាស់ទឹកបាញ់ទៅលើក្រុមបាតុករដើម្បីបំបែកពួកគេនៅថ្ងៃទី១ នៃជំនួបកំពូល G-20 ក្នុងទីក្រុង Hamburg នៅភាគខាងជើងនៃប្រទេសអាល្លឺម៉ង់។
កងកម្លាំងស្វ័យការពារមួយរូបរបស់ជប៉ុន (ឆ្វេង) កំពុងឆ្លងកាត់ទន្លេមួយក្នុងតំបន់ដែលរងការខូចខាតយ៉ាងដំណំដោយសារទឹកជំនន់ដ៏ធំមួយ នៅក្រុង Asakura ស្រុក Fukuoka ប្រទេសជប៉ុន។
ក្មេងប្រុសម្នាក់កំពុងប្រមូលបេះផ្កាឈូកនៅក្នុងបឹងមួយនៅព្រំប្រទល់នៃតំបន់អភិរក្សសត្វព្រៃ ក្នុងឧទ្យានជាតិ Udawalawe ប្រទេសស្រីលង្កា។
ក្រុមអ្នកប្រណាំងកង ដែលមានលោក Chris Froome របស់ប្រទេសអង់គ្លេសស្លៀកសម្លៀកបំពាក់ពណ៌លៀងខ្ចី កំពុងជិះកាត់វាលនៅក្នុងវគ្គទី៧ នៃការប្រណាំងកង់ Tour de France ដែលមានចម្ងាយ២១៣.៥គីឡូម៉ែត្រ ចេញពីទីក្រុង Troyes និងត្រូវបញ្ចប់នៅទីក្រុង Nuits-Saint-Georges ប្រទេសបារាំង។
ទាហានម្នាក់កំពុងឈរមើលក្រុមបាតុករធ្វើបាតុកម្មប្រឆាំងនឹងការប្រកាសច្បាប់អាជ្ញាសឹករបស់ប្រធានាធិបតី Rodrigo Duterte ដែលច្បាប់នេះគឺសម្រាប់អនុវត្តនៅតំបន់ Mindanao ខាងត្បូង។ បាតុកម្មនេះធ្វើឡើងនៅជិតបញ្ជាការរដ្ឋាកងទ័ពហ្វីលីពីន ក្នុងទីក្រុង Quezon នៅភាគខាងត្បូងទីក្រុងម៉ានីល។
ទីរំឭក Hyde Park សម្រាប់ការវាយប្រហារកាលពីថ្ងៃទី៧ ខែកក្ដា នៅទីក្រុងឡុងដ៍ ប្រទេសអង់គ្លេស។
ខ្លាឃ្មុំទឹកកកលេងជាមួយដុំទឹកកកនៅក្នុងសួនសត្វ នៅពេលដែលអាកាសធាតុបានឡើងដល់៣០អង្សា នៅទីក្រុងប៊ុយដាប៉ែស ប្រទេសហុងគ្រី។
អ្នកគាំទ្រ Cosplay ថតរូបសែលហ្វីនៅក្នុងការតាំងពិព័រណ៍ Comics Games អន្តរជាតិរបស់ចិន នៅទីក្រុងសៀងហៃ ប្រទេសចិន។
អ្នកនេសាទក្នុងស្រុកម្នាក់កំពុងបង់សំណាញ់នៅបឹងតាមោក នៅជាយក្រុងភ្នំពេញ ប្រទេសកម្ពុជា។
កូនសត្វកន្ធាយសមុទ្រត្រូវបានគេផ្តល់ចំណីនៅក្នុងអាង Sea Life Sydney Aquarium ក្នុងទីក្រុងស៊ីដនី ប្រទេសអូស្ត្រាលី។
ក្មេងស្រីម្នាក់នៅលើស្មាឪពុករបស់នាង នៅពេលមនុស្សម្នាដើរនៅក្រោមក្រដាសពណ៌ដែលគេតុបតែងនៅលើផ្លូវលក់ទំនិញមួយ ដើម្បីប្រារពពិធីបុណ្យ Tanabata Star នៅក្រុង Hiratsuka ក្បែរទីក្រុងតូក្យូ ប្រទេសជប៉ុន។
សត្វស្លាបមួយកំពុងហើរនៅពេលថ្ងៃលិចដែលមានពពកបាំង នៅទីក្រុងហ្សាការតា ប្រទេសឥណ្ឌូនេស៊ី។