រូបភាពជុំវិញពិភពលោក ០៦ កក្កដា ២០១៦
រថក្រោះ K-1 របស់ប្រទេសកូរ៉េខាងត្បូងបាញ់គ្រាប់ផ្សែងសិប្បនិមិត្តនៅអំឡុងពេលលំហាត់សមយោធាមួយរវាងកងទាហានម៉ារីនសហរដ្ឋអាមេរិក និងកូរ៉េខាងត្បូងនៅឯផែ Pohang ភាគអាគ្នេយ៍ ប្រទេសកូរ៉េខាងត្បូង។
ព្រះសង្ឃពុទ្ធសាសនាជ្រកនៅក្រោមតង់កៅស៊ូមួយនៅពេលភ្លៀង ខណៈពេលរង់ចាំប្រារព្ធពិធីចម្រើនព្រះជនមេដឹកនាំជំនឿនៅតំបន់ទីបេលោក Dalai Lama នៅឯវិហារ Drepung Loseling ក្នុងក្រុង Mundgod រដ្ឋ Karnataka ភាគខាងត្បូង ប្រទេសឥណ្ឌា។
ក្រុមអ្នកផ្លុំត្រែខ្យល់ និងអ្នកវាយស្គរជាមួយនឹងមនុស្សរាប់សិបពាន់នាក់ ដើម្បីអបអរសាទរការចាប់ផ្តើមនៃពិធីបុណ្យ Sanfermines ឆ្នាំ២០១៦ ក្នុងក្រុង Pamplona ភាគខាងជើងប្រទេសអេស្ប៉ាញ។
តារាម៉ូដែលមួយរូបស្លៀកពាក់សំលៀកបំពាក់ច្នៃដោយលោក Jean-Paul Gaultier ក្នុងពិធីបង្ហាញម៉ូដសំលៀកបំពាក់រដូវស្លឹកឈើជ្រុះ និងរដូវរងាឆ្នាំ២០១៦ និង២០១៧ Haute Couture នៅក្រុងប៉ារីស ប្រទេសបារាំង។
សត្វចាបបញ្ចុកចំណីគ្នានៅក្នុងព្រៃមួយនៅទីក្រុងរមណីយដ្ឋាន Gangneung ក្នុងប្រទេសកូរ៉េខាងត្បូង។
ក្មេងស្រីម្នាក់សម្ងួតស្នាមសាក់ Henna នៅលើដៃរបស់នាង មុនពេលពិធីបុណ្យ Eid al-Fitr នៃសាសនាមូស្លីម ដើម្បីកំណត់នូវការបញ្ចប់ពិធីបុណ្យរ៉ាម៉ាឌន ក្នុងក្រុងការ៉ាឈី ប្រទេសប៉ាគីស្ថានកាលពីថ្ងៃទី០៥ ខែកក្កដា ឆ្នាំ២០១៦។
កីឡាការនី Nafissatou Thiam នៃប្រទេសប៊ែលហ្ស៊ិមចូលរួមនៅក្នុងការប្រកួតជម្រុះផ្នែកលោតកម្ពស់អំឡុងពេលការប្រកួតជើងឯកកាយវប្បកម្មអឺរ៉ុបនៅឯកីឡាដ្ឋាន Olympic ក្នុងក្រុងអាំស្ទែដាំ។
រលកបោកប៉ះខ្នងបុរសម្នាក់នៅឯសមុទ្រអារ៉ាប់ក្នុងក្រុង Mumbai ប្រទេសឥណ្ឌា។