រូបភាពជុំវិញពិភពលោក ០៥ កក្កដា ២០១៩
ទៀនរាប់ពាន់ដើមត្រូវបានគេរៀបចំធ្វើជារាង Milky Way ដើម្បីប្រារព្ធពិធី Tanabata ដែលជាពិធីបុណ្យតារារបស់ជប៉ុន នៅព្រះវិហារ Zojoji ក្នុងទីតូក្យូ ប្រទេសជប៉ុន។
ក្រុមបាតុករធ្វើការតវ៉ាប្រឆាំងនឹងការបញ្ជល់គោ នៅមុខសាលាក្រុង មួយថ្ងៃមុនព្រឹត្តិការណ៍ San Fermin ដ៏ល្បីល្បាញ នៅទីក្រុង Pamplona នៅភាគខាងជើងនៃប្រទេសអេស្ប៉ាញ។
កាំជ្រួចត្រូវបានគេបាញ់នៅទីរំលឹកការចងចាំអតីតប្រធានាធិបតីអាមេរិក Lincoln ដែលគេបាញ់នៅលើទន្លែ Potomac នៅថ្ងៃឯករាជ្យ ៤ កក្កដា ក្នុងរដ្ឋធានីវ៉ាស៊ីនតោន។
ក្រុមអ្នកចូលរួមលើកបដា ដែលបដាខ្លះមានសរសេរពាក្យថា «រង់ចាំអ្នកត្រឡប់មកផ្ទះវិញ» និងពាក្យថា «ហុងកុងមានអ្នក ម្ដាយមានសង្ឃឹម» ក្នុងពេលមានការប្រមូលផ្ដុំគ្នាមួយនៃម្ដាយជាច្រើនក្នុងទីក្រុងហុងកុង។
ពួកពាណិជ្ជករកូរ៉េខាងត្បូងឈរនៅលើប្រអប់ដែលមានផ្លាកយីហោផលិតផលជប៉ុន ក្នុងពេលធ្វើការប្រមូលផ្ដុំដើម្បីធ្វើពហិការផលិតផលជប៉ុន នៅទីក្រុងសេអ៊ូល ប្រទេសកូរ៉េខាងត្បូង។
ក្រុមការងារជួសជុលផ្លូររថភ្លើងកំពុងជួសជុលខ្សែរថភ្លើងដែលខូច ក្នុងពេលមានរញ្ជួយដីដ៏ខ្លាំងមួយដែលបានវាយប្រហារភាគខាងត្បូងនៃរដ្ឋ California សហរដ្ឋអាមេរិក នៅជិតចំណុចរញ្ជួយដី ស្ថិតនៅភាគឦសាននៃទីក្រុង Ridgecrest។
ឆ្កែហិតក្លិនកំពុងហិតលើកបាវដែលមានក្រដាសប្រាក់នៅក្នុងបរិវេណសភា នៅទីក្រុងញូវដែលី ប្រទេសឥណ្ឌា។
ជនជាតិលីប៊ីម្នាក់ជិះទូកក្ដោងប្រើភ្លើងអគ្គិសនី នៅក្នុងសមុទ្រមេឌីទែរ៉ានេ ក្នុងរដ្ឋធានីទ្រីប៉ូលី។
អ្នកចូលរួមស្លៀកពាក់ជាបុរសពីងពាង កំពុងរត់នៅក្នុងទឹករាក់ៗ ក្នុងព្រឹត្តិការណ៍មួយនៅក្នុងឧទ្យានជាតិ Jiulongjiang ក្នុងទីក្រុង Chenzhou ខេត្ត Hunan ប្រទេសចិន។