រូបភាពជុំវិញពិភពលោក ៣០ កក្កដា ២០២០
រ៉ុក្កែត Atlas V នៃក្រុមហ៊ុន United Launch Alliance ដឹកយានយន្តសម្រាប់ធ្វើដំណើរលើភពព្រះអង្គារ ក្នុងឆ្នាំ២០២០ កំពុងហោះចេញពីបរិវេណបាញ់បង្ហោះ នៅស្ថានីយ៍ Cape Canaveral Air Force នៅរដ្ឋ Florida សហរដ្ឋអាមេរិក។
អតីតប្រធានាធិបតី បារ៉ាក់ អូបាម៉ា ថ្លែងសារកោតសរសើរដល់លោក John Lewis នៅព្រះវិហារ Ebenezer Baptist នៅទីក្រុង Atlanta រដ្ឋ Georgia សហរដ្ឋអាមេរិក។
មនុស្សម្នាកំពុងធ្វើដំណើរត្រឡប់ទៅផ្ទះវិញ មុនពេលចាប់ផ្ដើមពិធីបុណ្យនៃសាសនាឥស្លាម Eid al-Adha ឬពិធីបុណ្យបូជា នៅទីក្រុងដាកា ប្រទេសបង់ក្លាដែស។
អ្នកដើរក្បួនធម្មយាត្រាកាន់សាសនាឥស្លាម កំពុងស្ថិតនៅលើកំពូលកូនភ្នំមានថ្ម ដែលមានឈ្មោះថា «ភ្នំនៃក្ដីករុណា» នៅលើតំបន់ភ្នំ Arafat ក្នុងពេលដើរក្បួនធម្មយាត្រាប្រចាំឆ្នាំនៅជិតទីក្រុងពិសិដ្ឋ Mecca ប្រទេសអារ៉ាប៊ីសាអូឌីត។
អ្នកតុបតែងកំពុងបញ្ចប់ការលាបឲ្យរលោងរូបចម្លាក់ប្រធានាធិបតីសហរដ្ឋអាមេរិក ដូណាល់ ត្រាំ និងនាយករដ្ឋមន្ត្រីអង់គ្លេស Boris Johnson នៅពេលដែលសារមន្ទីរ Madame Tussauds នៅទីក្រុង Londres ចក្រភពអង់គ្លេស កំពុងត្រៀមបើកទ្វារស្វាគមន៍សាធារណជនឡើងវិញ។
មន្ត្រីអន្តោប្រវេសន៍សហរដ្ឋអាមេរិកម្នាក់ កំពុងរៀបចំការស្បថរបស់ Omar Abdalla ជនជាតិប៉ាឡេស្ទីន ក្នងពិធីស្បថចូលសញ្ជាតិអាមេរិកាំង នៅក្នុងចំណតឡានទំនេរមួយ នៅក្រុង Santa Ana រដ្ឋកាលីហ្វ័រញ៉ា សហរដ្ឋអាមេរិក កាលពីថ្ងៃទី២៩ កក្កដា ២០២០។
អ្នកដឹកអីវ៉ានចែកចាយកំពុងសម្រាកនៅលើម៉ូតូ នៅក្បែរកង់សម្រាប់ប្រើប្រាស់រួមគ្នា នៅកន្លែងសម្រាប់មនុស្សដើរ នៅទីក្រុងប៉េកាំង ប្រទេសចិន។
មនុស្សម្នានាំគ្នាបើកភ្លើងទូរស័ព្ទក្នុងពេលធ្វើបាតុកម្មប្រឆាំងនឹងភាពមិនស្មើគ្នានៃជាតិសាសន៍ និងអំពើហិង្សារបស់ប៉ូលិស នៅទីក្រុង Portland រដ្ឋ Oregon សហរដ្ឋអាមេរិក កាលពីថ្ងៃទី២៩ កក្កដា ២០២០។
ទិដ្ឋភាពពីលើអាកាសបង្ហាញពីក្រុមកម្មករកំពុងបែងចែកថូដាំស្ត្រប៊ែរី នៅទី Dahu ស្រុក Maioli កោះតៃវ៉ាន់។
ក្រុមអ្នកជួយសង្គ្រោះកំពុងស្ថិតនៅកន្លែងចតឡានមួយ នៅលំនៅឋានអាផាតមិនដែលជន់លិចដោយសារតែភ្លៀងធ្លាក់យ៉ាងខ្លាំង នៅទីក្រុង Daejeon សាធារណរដ្ឋកូរ៉េ។
វត្ថុសិល្បៈមួយដែលគេដាក់ឈ្មោះថា «ទីបញ្ចប់» រចនាឡើងដោយវិចិត្រករ Heather Phillipson ត្រូវបានគេដាក់បង្ហាញនៅទីលាន Trafalgar ក្នុងទីក្រុងឡុងដ៍ ចក្រភពអង់គ្លេស។
សត្វក្ដាន់កំពុងរត់កាត់ទីវាលមួយនៅភូមិ Kanjari នៅជាយក្រុង Ahmedabad ប្រទេសឥណ្ឌា។