រូបភាពជុំវិញពិភពលោក ៣០ កក្កដា ២០១៧
រថយន្តជាច្រើនឆេះ បន្ទាប់ពីមានការបំផ្ទុះគ្រាប់បែកក្នុងរថយន្តក្នុងក្រុង Mogadishu ប្រទេសសូម៉ាលី។ មន្ត្រីប៉ូលិសម្នាក់និយាយថា ការបំផ្ទុះគ្រាប់បែកក្នុងរថយន្តនៅក្បែរស្ថានីយប៉ូលិសក្នុងក្រុង Mogadishu បានសម្លាប់មនុស្សយ៉ាងហោចណាស់៥នាក់ និងធ្វើឲ្យមនុស្ស១៣នាក់ផ្សេងទៀតរងរបួស។
ទាហានរបស់បេឡារុសសម្តែងក្នុងទិវា Day of the Paratrooper ក្នុងក្រុងមីនស្កិ៍ ប្រទេសបេឡារុស កាលពីថ្ងៃទី២៩ ខែកក្កដា ឆ្នាំ២០១៧។
កីឡាករ Orlando Duque របស់កូឡុំប៊ីប្រកួតនៅក្នុងជុំទី៣នៃការប្រកួតការលោតកម្ពស់សម្រាប់ជើងឯក FINA World Championships ក្នុងក្រុង Budapest ប្រទេសហុងគ្រី។
កំអែលភ្នំភ្លើងដ៏ក្តៅហូរចុះពីភ្នំ Sinabung ក្នុងក្រុង Karo ប្រទេសឥណ្ឌូនេស៊ី។
ស្ត្រីដែលស្លៀកសំពត់ឆ្នូតៗត្រូវបានគេថតបាននៅក្នុងទីលានប្រណាំង Hungaroring ក្នុងក្រុង Budapest មុនពេលប្រកួត Formula One Hungarian Grand Prix។
ក្បួនរថយន្តធ្វើដំណើរកាត់ជនបទនៅចន្លោះក្រុង Ericeira និងក្រុង Mafra ក្នុងកិច្ចប្រជុំ World 2017 2CV Meeting ប្រទេសប័រទុយហ្គាល់។
ស្ត្រីម្នាក់ដួលនៅពេលដែលខ្យល់ព្យុះ Nesat បោកបក់ទៅលើក្រុងតៃប៉ិ កោះតៃវ៉ាន់ កាលពីថ្ងៃទី២៩ ខែកក្កដា ឆ្នាំ២០១៧។
កងទ័ពរំដោះប្រជាជានចិនត្រៀមខ្លួនសម្រាប់ការដើរក្បួនយោធាដើម្បីប្រារព្ធខួប៩០ឆ្នាំនៃការបង្កើតកងទ័ពនេះ នៅមូលដ្ឋានហ្វឹកហាត់ទាហាន Zhurihe ក្នុងតំបន់ស្វយ័ត Inner Mongolia។
មនុស្សម្នាប្រមូលផ្តុំជុំវិញរថយន្តចែកទឹកដើម្បីបំពេញកាដុងទឹករបស់ពួកគេនៅក្នុងក្រុង Bajil ខេត្ត Hodeidah ប្រទេសយេម៉ែន កាលពីថ្ងៃទី២៩ ខែកក្កដា ឆ្នាំ២០១៧។
លោក Michael Berna ប្រើប្រាស់អង់តែនភ្ជាប់ទៅនឹងមួករបស់គាត់ដើម្បីគ្រប់គ្រងបណ្តាណអ៊ីនធឺណិតក្នុងសន្និបាតអ្នកលបចូលក្នុងប្រព័ន្ធអ៊ីនធឹណិតហៅថា Def Con ក្នុងក្រុង Las Vegas រដ្ឋ Nevada កាលពីថ្ងៃទី២៩ ខែកក្កដា ឆ្នាំ២០១៧។
មេអំបៅដ៏ស្រស់មួយក្រេបលម្អងផ្កានៅក្នុងក្រុង Nauen ប្រទេសអាល្លឹម៉ង់ កាលពីថ្ងៃទី២៩ ខែកក្កដា ឆ្នាំ២០១៧។
អ្នកស្ម័គ្រចិត្តឈរនៅជុំវិញសត្វក្រៀលដែលប្រមូលផ្តុំគ្នានៅក្នុងក្រោលមួយនៅជម្រកធម្មជាតិរបស់វាឈ្មោះ Fuente de Piedra ភាគខាងត្បូងនៃប្រទេសអេស្ប៉ាញ កាលពីថ្ងៃទី២៩ ខែកក្កដា ឆ្នាំ២០១៧។
ទាហានកូរ៉េខាងត្បូងត្រៀមធ្វើសមយុទ្ធយោធានៅក្នុងក្រុង Paju ប្រទេសកូរ៉េខាងត្បូង នៅក្បែរព្រំប្រទល់នឹងកូរ៉េខាងជើង។
យន្តហោះ PC-7 Pilatus របស់ក្រុមសម្តែងលើអាកាសរបស់ស្វ៊ីសហោះកាត់គ្នាក្នុងពេលបង្ហាញការហោះហើរមួយមុនពេលប្រកួត Swiss Open ATP 250 Tennis ក្នុងក្រុង Gstaad។
រថយន្ត Monster Jam សម្តែងការលោតត្រឡប់ក្រោយក្នុងព្រឹត្តិការណ៍របស់រថយន្តប្រភេទជាលើកដំបូងនៅក្នុងស្តាត Bird's Nest ក្នុងក្រុងប៉េកាំង ប្រទេសចិន កាលពីថ្ងៃទី២៩ ខែកក្កដា ឆ្នាំ២០១៧។