រូបភាពជុំវិញពិភពលោក ២៣ កក្កដា ២០២០
កាឡាក់ស៊ីមីលគីវ៉េ នៅលើលំហមេឃនៅខាងលើក្រុមសកម្មប្រយុទ្ធស៊ីរី នៃក្រុមរណសិរ្សរំដោះជាតិគាំទ្រដោយប្រទេសតួកគី ខណៈពួកគេកំពុងយាមនៅទីក្រុង Taftanaz នៅជិតតំបន់ជួរមុខខេត្ត Idlib ដែលកាន់កាប់ដោយពួកឧទ្ទាម។
ដំណក់ញើសនៅលើថ្ងាសនៃបុគ្គលិកសុខាភិបាលម្នាក់ ដែលកំពុងស្ថិតក្នុងសម្លៀកបំពាក់ការពារខ្លួន នៅឯលំនៅឋានអាផាតមិនមួយ ក្នុងទីក្រុង Ahmedabad ប្រទេសឥណ្ឌា។
រ៉ុក្កែត Long March-5 ដែលដឹកយានអវកាសទៅក្នុងលំហ ក្នុងបេសកកម្ម Tianwen-1 ទៅកាន់ភពអង្គារ កំពុងហោះចេញពីមជ្ឈមណ្ឌលបង្ហោះយានអវកាស Wenchang ក្នុងខេត្ត Hainan ប្រទេសចិន។
អភិបាលក្រុង Portland លោក Ted Wheeler ថ្លែងទៅកាន់ពួកបាតុករគាំទ្រសិទ្ធិជនស្បែកខ្មៅ (Black Lives Matter) កាលពីថ្ងៃទី ២២ កក្កដា ២០២០ នៅទីក្រុង Portland រដ្ឋ Oregon សហរដ្ឋអាមេរិក។ លោក Wheeler ត្រូវបានគេវាយជាច្រើនដងដោយប្រើសារធាតុគីមី ដែលប្រព្រឹត្តឡើងដោយមន្ត្រីសហព័ន្ធដែលព្យាយាមបំបែកពួកបាតុករ។
អ្នកស្រី Mary Hubert ដែលជាសមាជិកម្នាក់នៃក្រុមស្ត្រីដែលហៅខ្លួនឯងថា «wall of moms» កាន់សញ្ញាសន្តិភាព ក្នុងពេលបាតុកម្មគាំទ្រសិទ្ធិជនស្បែកខ្មៅ Black Lives Matter កាលពីថ្ងៃទី ២២ កក្កដា ២០២០ នៅទីក្រុង Portland រដ្ឋ Oregon។
បុគ្គលិកសុខាភិបាលម្នាក់ស្ថិតក្នុងសម្លៀកបំពាក់ការពារខ្លួន កំពុងរុញរទេះដឹកសាកសពបុរសម្នាក់ដែលស្លាប់ពីជំងឺកូវីដ១៩ នៅខាងក្រៅមន្ទីរពេទ្យ General Hospital ក្នុងទីក្រុងឡាប៉ាស ប្រទេសបូលីវី។
ភ្លើងកំពុងឆេះនៅជិតភូមិ Galataki នៅពេលដែលអាជ្ញាធរកំពុងជម្លៀសពលរដ្ឋនៅជិតក្រុង Corinth ប្រទេសក្រិក កាលពីខែកក្កដា ២២ ឆ្នាំ ២០២០។
បុរសម្នាក់ជិះទូកនៅក្នុងទន្លេ Yamuna ដែលរងការបំពុល នៅជាយទីក្រុង New Delhi ប្រទេសឥណ្ឌា។
រុយមួយកំពុងទំលើមុខលោក Horst Seehofer រដ្ឋមន្ត្រីមហាផ្ទៃអាល្លឺម៉ង់ នៅពេលលោកថ្លែងក្នុងសន្និសីទរួមគ្នាជាមួយរដ្ឋមន្ត្រីមហាផ្ទៃអូទ្រី Karl Nehammer នៅទីក្រុងវីយ៉ែន ប្រទេសអូទ្រីស។
មេដឹកនាំជនជាតិភាគតិច Yawalapiti លោក Aritana ដែលឆ្លងជំងឺកូវីដ១៩ កំពុងត្រូវបានជួយដោយលោកវេជ្ជបណ្ឌិត Celso Correia Batista នៅខាងក្រៅមន្ទីរពេទ្យ Sao Francisco de Assis នៅទីក្រុង Goiania ប្រទេសប្រេស៊ីល កាលពីថ្ងៃទី២២ កក្កដា ២០២០។
បុគ្គលិកសុខាភិបាលម្នាក់កំពុងពិនិត្យសាកសពបុរសម្នាក់នៅលើផ្លូវក្នុងទីក្រុង Cucuta ប្រទេសកូឡុំប៊ី ខណៈដែលក្រុងនេះមានការរាតត្បាតសាជាថ្មីជំងឺកូវីដ១៩។
គ្រូបង្រៀនម្នាក់ចូលរួមជាមួយនឹងបុគ្គលិកសុខាភិបាល ក្នុងពេលបាតុកម្មទាមទារសម្លៀកបំពាក់ការពារខ្លួន នៅមន្ទីរពេទ្យ Kindred Hospital Westminster ដែលជាអាគារមានគ្រែសម្រាកព្យាបាលចំនួន ១០៩ ក្នុងពេលមានការផ្ទុះឡើងនៃជំងឺកូវីដ១៩ នៅទីក្រុង Westminster រដ្ឋកាលីហ្វ័រញ៉ា សហរដ្ឋអាមេរិក។
គ្រួសារមួយដែលគោរពសាសនាគ្រិស្ត កំពុងធ្វើដំណើរដោយជិះរទេះសេះ នៅលើផ្លូវ ក្នុងក្រុង New Albion ទីក្រុងញូវយ៉ក សហរដ្ឋអមេរិក។
អ្នកបង្ហាញម៉ូតកំពុងស្លៀកសម្លៀកបំពាក់ម៉ូត ក្នុងពេលបង្ហាញម៉ូត Dior 2021 នៅទីក្រុង Lecce ស្ថិតនៅភាគខាងត្បូងនៃប្រទេសអ៊ីតាលី។
ពលករម្នាក់កំពុងទូលធុងប្រេងដែលគ្មានប្រេង នៅក្រុង Dharavi នៃទីក្រុង Mumbai ប្រទេសឥណ្ឌា។