រូបភាពជុំវិញពិភពលោក ២១ កក្កដា ២០១៩
ប៉ូលិសបាញ់ឧស្ម័នទឹកភ្នែកដាក់បាតុករដើម្បីបំបែកពួកគេ បន្ទាប់ពីមានការដើរក្បួនប្រឆាំងនឹងសំណើច្បាប់បត្យាប័នដ៏ចម្រូងចម្រាសមួយនៅក្នុងក្រុងហុងកុង។
ពលរដ្ឋអ៊ុយក្រែនម្នាក់រៀនអានសន្លឹកបោះឆ្នោតនៅផ្ទះ ក្នុងពេលបោះឆ្នោតសភា ក្នុងភូមិ Krekhiv ក្នុងតំបន់ Lviv ប្រទេសអ៊ុយក្រែន។
អ្នកគាំទ្ររបស់អ្នកប្រដាល់ Manny Pacquiao ស្រែកហ៊ោ នៅពេលពួកគេមើលការប្រកួតប្រដាល់រវាងកីឡាករ Manny Pacquiao និងកីឡាករ Keith Thurman នៅក្នុងការផ្សាយបន្តផ្ទាល់ជាសាធារណៈមួយនៅក្នុងក្រុង Marikina ប្រទេសហ្វីលីពីន។
ស្ត្រីម្នាក់ជិះក្បូនមួយ ខណៈដែលក្មេងស្រីៗដើរកាត់ទឹក នៅក្នុងភូមិ Laharighat ស្រុក Morigaon រដ្ឋ Assam ប្រទេសឥណ្ឌា។
ប៉ូលិសនៅវិមានសភា Capitol Hill ជូតទឹកភ្នែក នៅពេលលោកឈរយាមវិមានសភា Capitol Hill ក្នុងរដ្ឋធានីវ៉ាស៊ីនតោន កាលពីថ្ងៃទី២០ ខែកក្កដា ឆ្នាំ២០១៩។ ទីភ្នាក់ងារទស្សន៍ទាយធាតុអាកាសជាតិបាននិយាយថា «រលកកម្តៅដ៏គ្រោះថ្នាក់មួយ» អាចនឹងកើតឡើងក្នុងកម្រិតខ្ពស់បំផុតដែលមិនធ្លាប់នៅកន្លែងមួយចំនួន ជាពិសេសនៅពេលយប់។
យាន Soyuz MS-13 របស់រុស្ស៊ីត្រូវបានគេបាញ់បង្ហោះទៅស្ថានីយអាកាសអន្តរជាតិ ចេញពីកន្លែងបាញ់ នៅក្នុងប្រទេសកាហ្សាក់ស្ថាន កាលពីថ្ងៃទី២០ ខែកក្កដា ឆ្នាំ២០១៩។
អ្នកជិះកង់ពាក់អាវមានរូប Union Jack ធ្វើកាយវិការផ្សេងៗ នៅពេលពួកគេរង់ចាំ អ្នកជិះផ្សេងទៀតនៅក្នុងក្រុង Foix Prat d'Albis ប្រទេសបារាំង ក្នុងពេលប្រកួតវគ្គ១៥ នៃ ការប្រណាំងជិះកង់ Tour de France លើកទី១០៦។
ស្រមោលដើមឈើត្រូវបានគេឃើញនៅពេលព្រះអាទិត្យលិច នៅក្នុងសង្កាត់ Baralle ប្រទេសបារាំង កាលពីថ្ងៃទី២០ ខែកក្កដា ឆ្នាំ២០១៩។
ក្របីទឹកចូលរួមក្នុងការប្រកួតមួយនៅក្នុងស្រុក Chonburi ប្រទេសថៃ កាលពីថ្ងៃទី២១ ខែកក្កដា ឆ្នាំ២០១៩។
មនុស្សម្នាចូលរួមនៅក្នុងការប្រកួតហែលទឹក Bosphorus Cross-Continental Swimming Race លើកទី៣១ កាត់ដៃសមុទ្រ Bosphorus ដែលស្ថិតនៅចម្លោះទ្វីបអាស៊ី និងអឺរ៉ុប ក្នុងប្រទេសតួកគី។
មនុស្សម្នាប្រមូលផ្តុំគ្នានៅទីលាន May 1st ក្នុងក្រុង Algiers ប្រទេសអាល់ហ្សេរី នៅពេលពួកគេស្វាគមន៍ក្រុមបាល់ទាត់ជំរើសជាតិ កាលពីថ្ងៃទី២០ ខែកក្កដា ឆ្នាំ២០១៩ បន្ទាប់ពីពួកគេឈ្នះពាន់រង្វាន់ Africa Cup of Nations ឆ្នាំ២០១៩។
នាវាចម្បាំង និងឧទ្ធម្ភាចក្ររុស្ស៊ីកំពុងធ្វើការហាត់សមសម្រាប់ការដើរក្បួនក្នុងទិវាកងទ័ពជើងទឹក នៅក្នុងក្រុង Kronstadt ប្រទេសរុស្ស៊ី។