រូបភាពជុំវិញពិភពលោក ២០ កក្កដា ២០១៦
ភ្នំ Bromo បញ្ចេញផេះ នៅស្របពេលដែលអ្នកភូមិ និងអ្នកចូលរួមកាន់សាសនាហិណ្ឌូប្រមូលផ្តុំនៅខាងមុខពិធីបុណ្យ Kasada ខណៈដែលអ្នកភូមិ និងអ្នកបួងសួងបោះសំនែនដូចជា មាន់ទា និងដំណាំដទៃទៀតចូលទៅក្នុងរណ្តៅភ្នំភ្លើងក្នុងក្រុង Probolinggo។
ក្រុមជនភៀសខ្លួន និងជនចំណាកស្រុកនៅអនុតំបន់សាហារ៉ា ដែលជាប់គាំងនៅក្នុងទូកពោង រង់ចាំការជួយសង្រ្គោះពីក្រុមអង្គការក្រៅរដ្ឋាភិបាល Proactiva Open Arms របស់អេស្ប៉ាញ ដែលស្ថិតនៅចម្ងាយ ២៤ម៉ាយ (៣៨,៦២ គីឡូម៉ែត្រ) ភាគខាងជើងក្រុង Sabratha ជិតប្រទេសលីប៊ី កាលពីថ្ងៃទី១៩ ខែកក្កដា ឆ្នាំ២០១៦។
សិល្បករ Roxana Casilla ជាសិល្បករម្នាក់នៅពីក្រោយ Trump Hut ដែលជា ជំរុំតង់មួយ ដែលមានរាងដូចម៉ូតសក់របស់បេក្ខជនប្រធានាធិបតីគណបក្សសាធារណរដ្ឋលោក Donald Trump។ តង់នេះត្រូវបានដាក់នៅជិតកន្លែងមហាសន្និបាតជាតិរបស់គណបក្សសាធារណរដ្ឋក្នុងក្រុង Cleveland រដ្ឋ Ohio កាលពីថ្ងៃទី១៩ ខែកក្កដា ឆ្នាំ២០១៦។
ស្រ្តីម្នាក់ដើរកាត់លោក Micah Naziri និងលោក Jaimes Campbell នៅស្របពេលដែលបុរសទាំងពីរនាក់នេះដើរល្បាតដងតាមដងផ្លូវនានាក្នុងក្រុង Cleveland ជាមួយនឹងកាំភ្លើង អំឡុងពេលមហាសន្និបាតជាតិរបស់គណបក្សសាធារណរដ្ឋក្នុងក្រុង Ohio កាលពីថ្ងៃទី១៩ ខែកក្កដា ឆ្នាំ២០១៦។
ក្រុមអ្នកចូលរួមរំលែកទុក្ខលើកសាកសពរបស់កុមារា Muhey al-Tabakhi អាយុ ១២ អំឡុងពេលបុណ្យសពរបស់កុមារារូបនេះនៅក្រុង Al-Ram តំបន់ West Bank ជិតរដ្ឋធានីហ្ស៊េរុយសាឡិម។ មន្រ្តីពីមន្ទីរពេទ្យប៉ាឡេស្ទីនមួយរូប បាននិយាយថា កុមារានេះត្រូវបានសម្លាប់ បន្ទាប់ពីការប៉ះទង្គិចគ្នាបានកើតឡើងរវាងកងកម្លាំងអ៊ីស្រាអែល និងបាតុករនៅតំបន់ West Bank។
កសិករឥណ្ឌាមួយរូបលើកថាសដាក់ម្ទេសពណ៌ក្រហមឆ្អៅ ដើម្បីដាក់សម្ងួតនៅលើដំបូលមួយ ក្នុងភូមិ Sanour ជាយក្រុង Patiala។
រថយន្តប៉ូលិស និងយានជំនិះដទៃទៀត ដែលនឹងត្រូវប្រើនៅអំឡុងពេលកិច្ចប្រជុំកំពូល G20 នាពេលខាងមុខ ត្រូវថតបាននៅកន្លែងចតយានយន្តមួយ ក្នុងក្រុង Hangzhou ខេត្ត Zhejiang ប្រទេសចិន។
ក្រុមអ្នកពន្លត់អគ្គីភ័យឈរនៅលើជំរាលភ្នំ ដែលរងការឆាបឆេះ ខណៈពេលមានភ្លើងឆេះព្រៃនៅផ្នែកមួយនៃជំរាលភ្នំ Hollywood Hills ក្នុងក្រុង Los Angeles រដ្ឋ California កាលពីថ្ងៃទី១៩ ខែកក្កដា ឆ្នាំ២០១៦។
កុមារី Olivia Coyte ឲ្យចំណីទៅសត្វព្រាបនៅសួន St.James's Park ក្នុងក្រុងឡុងដ៍ ប្រទេសអង់គ្លេស។
ស្ពាន Mohammed VI Bridge បញ្ចេញពន្លឺនៅវាលខ្សាច់ ខាងក្រៅរដ្ឋធានីរ៉ាបា ប្រទេសម៉ារ៉ុក។