រូបភាពជុំវិញពិភពលោក ២ កក្កដា ២០១៥
សត្វស្វាពូជក្រហមមួយក្បាល សំលឹងមើលការ៉េមកី ក្រោយពេលអ្នកថែសួនបានផ្តល់ការ៉េមឲ្យវាដើម្បីបន្ថយកម្តៅ បន្ទាប់ពីសីតុណ្ហភាពបានកើនឡើងនារដូវក្តៅ ក្នុងសួនសត្វទីក្រុងរ៉ូម Rome ប្រទេសអ៊ីតាលី។
កងល្បាតកិត្តិយសម្នាក់ ជួយសម្រួលឈុតសម្លៀកបំពាក់ដល់សហសេវិកខ្លួន មុនការចាប់ផ្តើមពិធីទទួលលោកអគ្គលេខាធិការ Jens Stoltenberg នៃអង្គការណាតូ (NATO) ក្នុងរដ្ឋធានី Bucharest ប្រទេសរ៉ូម៉ានី។
ក្មេងប្រុសម្នាក់ប្រមូលសំភារៈដែលអាចកែច្នៃឡើងវិញនៅក្នុងទន្លេកខ្វក់មួយ ក្នុងទីក្រុង Navotas ភាគខាងជើងនៃរដ្ឋធានីម៉ានីល ប្រទេសហ្វីលីពីន។
ការហាត់សមប្រណាំងសេះ ត្រៀមសម្រាប់ការប្រកួតប្រណាំងសេះ Palio di Siena ក្នុងទីក្រុង Siena ប្រទេសអ៊ីតាលី កាលពីថ្ងៃទី១ ខែកក្កដា ឆ្នាំ២០១៥។
ទាហានប៉ាគីស្ថាននិងបុគ្គលិកជួយសង្គ្រោះ ប្រមូលផ្តុំគ្នានៅទីតាំងដែលរទេះភ្លើងបានធ្លាក់ចូលព្រែកនៅក្បែរសង្កាត់ Gujranwala។ រទេះភ្លើងនេះមានផ្ទុកទាហានប៉ាគីស្ថាននិងក្រុមគ្រួសាររបស់ពួកគេជាច្រើនរយនាក់ ហើយធ្លាក់ចូលព្រែកមួយកាលពីថ្ងៃព្រហស្បតិ៍ ហើយទាហាន១២នាក់បានស្លាប់ដោយសារបាក់ស្ពាន។ ក្រុមមន្រ្តីសង្ស័យថា ការបាក់ស្ពាននេះជាទង្វើចេតនាបំផ្លិចបំផ្លាញមួយ។
ក្រុមរបាំ Friedrichstadt-Palast នៃការសម្តែងល្ខោន «The WYLD» ថតរូបសម្រាប់ការផ្សព្វផ្សាយមួយ នៅឯកន្លែងដែលជាអតីតស្ថានីយរលកសម្លេងរបស់ទីភ្នាក់ងារសន្តិសុខជាតិ (NSA) នៅលើទួល Teufelsberg ក្នុងទីក្រុងប៊ែរឡាំង ប្រទេសអាល្លឺម៉ង់។
ព្រះច័ន្ទរះពីនៅលើកំពូលព្រះវិហារមួយ លើកោះ Santorini ក្នុងប្រទេសក្រិក កាលពីថ្ងៃទី១ ខែកក្កដា ឆ្នាំ២០១៥។
ក្មេងប្រុសម្នាក់យកស្លឹកឈូកគ្របក្បាល និងយកស្លឹកមួយផ្ទាំងទៀតមកបាំង នារដូវក្តៅ ក្នុងទីក្រុងប៉េកាំង ប្រទេសចិន។
រូបថតពីលើអាកាសនៃសួនសិប្បនិម្មិត្តក្នុងទីក្រុង Utrecht ប្រទេសហូឡង់ នាថ្ងៃមួយក្នុងរដូវក្តៅ កាលពីថ្ងៃទី១ ខែកក្កដា ឆ្នាំ២០១៥ ។ រលកកម្តៅបានរីកសាយភាយពេញទ្វីបអ៊ឺរ៉ុប នាំឲ្យមានមនុស្សជាច្រើនសន្លប់នៅក្នុងប្រទេសបារាំង និងការភ័យខ្លាចនឹងការសន្លប់ដោយត្រូវកំដៅខ្លាំងពេកចំពោះអ្នកគាំទ្រការប្រកួតកីឡាតេនីស Wimbledon។
ខ្លាឃ្មុំញីតំបន់ប៉ូលលៀនក្បាលចេញមកក្រៅខណៈវាព្យាយាមរកភាពត្រជាក់នាពេលថ្ងៃក្នុងរដូវក្តៅមួយ នៅក្នុងសួនសត្វ Wuppertal ប្រទេសអាល្លឺម៉ង់។
ព្រះច័ន្ទរះឡើង ខណៈមនុស្សជាច្រើនអង្គុយនៅលើទោង ក្នុងមណ្ឌលកំសាន្ត State Fair Meadowlands ក្នុងទីក្រុង East Rutherford រដ្ឋ New Jersey កាលពីថ្ងៃទី១ ខែកក្កដា ឆ្នាំ២០១៥។
យន្តហោះ Su-27 របស់ក្រុមអាកាស Russkiye Vityasy ឬហៅថាកងអង្គរក្សរុស្ស៊ី សម្តែងនៅក្នុងអំឡុងពេលបង្ហាញការការពារដែនសមុទ្រអន្តរជាតិនៅក្នុងទីក្រុង St. Petersburg ប្រទេសរុស្ស៊ី។