រូបភាពជុំវិពពិភពលោក ១២ កក្កដា ២០១៨
នាយករដ្ឋមន្ត្រីអង់គ្លេស Theresa May និងស្វាមីអ្នកស្រី លោក Philip ឈរជាមួយប្រធានាធិបតីសហរដ្ឋអាមេរិក ដូណាល់ ត្រាំ និងស្ត្រីទី១ Melania Trump នៅច្រកចូលទៅកាន់រាជវាំង Blenheim ទីដែលអស់លោកទទួលទានអាហាររួមគ្នាជាមួយភ្ញៀវពិសេស និងមេដឹកនាំជំនួញ នៅជិតទីក្រុង Oxford ចក្រភពអង់គ្លេស។
គោមួយក្បាលលោតពីលើអ្នកសប្បាយរីករាយក្នុងសង្វៀនគោជល់ នៃពិធី San Fermin នៅទីក្រុង Pamplona ភាគខាងជើងនៃប្រទេសអេស្ប៉ាញ។
ក្រុមអ្នកប្រណាំងកង់ជិះកាត់អណ្ដាតភ្លើង ក្នុងការប្រណាំងកង់ Tour de France ដែលមានចម្ងាយ១៨១គីឡូម៉ែត្រ ក្នុងវគ្គទី៦ ចេញពីទីក្រុង Brest ទៅកាន់ទីក្រុង Mur-de-Bretagne Guerleden។
ក្រុមបាតុករប្រឆាំងនឹងដំណើរទស្សនកិច្ចរបស់លោក ដូណាល់ ត្រាំ ប្រមូលផ្តុំគ្នានៅជិតច្រកចូលទៅនិវេសដ្ឋានរបស់ឯកអគ្គរដ្ឋទូតអង់គ្លេស នៅ Winfield House នៅឧទ្យាន Regents Park ក្នុងទីក្រុងឡុងដ៍។
នាង Consuello Jessop មកពីក្រុង Providence នៃរដ្ឋ Rhode Island កំពុងថតរូបថ្ងៃលិចនៅឧទ្យាន Ocean Park នៅឆ្នេរ Old Orchard ក្នុងរដ្ឋ Maine សហរដ្ឋអាមេរិក។
ស្ត្រីទីមួយរបស់ប្រទេសបារាំង Brigitte Macron (កណ្ដាល) ដើរនៅលើគ្រួសល្អិតដើម្បីទៅជួបអ្នកថតរូប ក្នុងកម្មវិធីគូស្វាមីរបស់អង្គការអូតង់ នៅសារមន្ទីរអាហ្វ្រិក នៅទីក្រុង Tervuren ប្រទេសប៊ែលហ្ស៊ិក។
សមាជិកនៃកងកម្លាំងការពារខ្លួនជប៉ុន កំពុងស្រាវជ្រាវរកអ្នកដែលបាត់ខ្លួននៅក្នុងកន្លែងដែលរងការកម្ទេចដោយទឹកជំនន់ នៅ Kure តំបន់ Hiroshima ។
កីឡាករនី Serena Williams របស់សហរដ្ឋអាមេរិក វាយបាល់ត្រឡប់ទៅកីឡាករនី Julia Gorges របស់អាល្លឺម៉ង់ នៅក្នុងការប្រកួតវគ្គពាក់កណ្ដាលផ្ដាច់ព្រាត់ នៅទីលានប្រកួត Wimbledon Tennis Championships ក្នុងទីក្រុងឡុងដ៍។
ក្រុមអ្នកពន្លត់អគ្គិភ័យកំពុងជួយសង្គ្រោះស្ត្រីម្នាក់ដែលជាប់នៅក្នុងផ្លូវជន់លិចមួយ ក្រោយពេលមានភ្លៀងធ្លាក់យ៉ាងខ្លាំងនៅក្រុង Chengdu ខេត្ត Sichuan ប្រទេសចិន។
សមាជិកវ័យក្មេងនៃក្រុម Loyalist Orders គប់ដំបងទៅលើ នៅពេលពួកគេចូលរួមក្នុងកម្មវិធី «១២ កក្កដា» នៅក្រុង Belfast ប្រទេសអៀឡង់ខាងជើង។
មនុស្សជាច្រើនចូលរួមក្នុងព្រឹត្តិការណ៍ហែលឆ្លងកាត់បឹង Zurich នៅទីក្រុង Zurich ប្រទេសស្វ៊ីស។
ក្រុមអ្នកគាំទ្របាល់ទាត់ក្រុមជម្រើសជាតិអង់គ្លេសនៅ Hyde Park ក្នុងទីក្រុងឡុងដ៍ មានអាម្មណ៍ក្តុកក្ដួលក្រោយពេលក្រុមអង់គ្លេសបានចាញ់ក្រុមប្រទេសក្រូអាស៊ី នៅទីក្រុងមូស្គូ ប្រទេសរុស្ស៊ី។
ក្រុមអ្នកថ្មើរជើងដើងកាត់រូបសិល្បៈរបស់លោក Mel Chin ដែលនិយាយអំពីការប្រែប្រួលអាកាសធាតុ នៅ Unmoored ក្បែរ Times Square ក្នុងទីក្រុងញូវយ៉ក។
ក្មេងម្នាក់កំពុងញញឹមនៅពេលគាត់ជិះលើក្បូនបាក់បែកដើម្បីឆ្លងទឹក ក្រោយពេលមានភ្លៀងធ្លាក់ខ្លាំងនៅទីក្រុង Bhaktapur ប្រទេសនេប៉ាល់។
ស្ពាន Chirajara ត្រូវបានវាយកម្ទេចក្នុងពេលមានការរំលំដោយប្រុងប្រយ័ត្ន ក្រោយពេលផ្នែកខ្លះនៃស្ពាននេះបានបាក់ហើយសម្លាប់មនុស្សជាច្រើននាក់នៅក្នុងឆ្នាំនេះ នៅ Guayabetal ប្រទេសកូឡំប៊ី។
ការសម្តែង «អ្នកជក់បារីមិនឈប់» ក្នុងពិធី Festival d'ete de Quebec នៅទីក្រុង Quebec ប្រទេសកាណាដា។
ក្រុមអ្នកប្រណាំងកង់ចាប់ផ្តើមវគ្គទី៦ នៃព្រឹត្តិការណ៍ទី១០៥ នៃការប្រណាំងកង់ Tour de France រវាងទីក្រុង Brest និងទីក្រុង Mur-de-Bretagne Guerledan ប្រទេសបារាំង។