រូបភាពជុំវិញពិភពលោក ១០ កក្កដា ២០១៦
លោក Andy Murray របស់ប្រទេសអង់គ្លេសថើបពានរបស់លោក បន្ទាប់ពីទទួលបានជ័យជម្នះលើកីឡាករ Milos Raonic របស់ប្រទេសកាណាដា នៅក្នុងវគ្គផ្តាច់ព្រ័ត្រនៃវិញ្ញសាបុរស នៅថ្ងៃទី១៤នៃជើងឯក Wimbledon Tennis Championships នៅក្នុងក្រុងឡុងដ៍។
សមាជិករបស់ក្រុមសម្តែងក្បួនអាកាស Red Arrows ឬត្រូវបានគេស្គាល់ថា Royal Air Force របស់រាជ្យវង្សអង់គ្លេស ធ្វើការសម្តែងមុនពេលប្រកួត Formula One Grand Prix របស់អង់គ្លេស នៅទីលានប្រណាំងឡាន Silverstone នៅក្នុងភូមិ Silverstone ប្រទេសអង់គ្លេស។
អ្នកចូលរួមម្នាក់លោតចូលទៅក្នុងទឹក ហើយក្របី១ក៏បានលោតបានពីក្រោយ ក្នុងពីការប្រកួតក្របី Bous a la mar ឬគេហៅថា ជាការប្រកួតក្របីនៅក្នុងទឹក នៅកំពង់ផែ Denia ប្រទេសអេស្ប៉ាញ កាលពីថ្ងៃទី៩ ខែកក្កដា ឆ្នាំ២០១៦។
បុរសម្នាក់អង្គុយនៅក្បែរកន្លែងបញ្ចុះសពបណ្តោះអាសន្ននៅក្នុងបន្ទប់បែកបាក់ដោយសារការបំផ្ទុះគ្រាប់បែកដ៏ខ្លាំងមួយកាលពីថ្ងៃទីអាទិត្យ សបា្តហ៍មុន នៅក្នុងសង្កាត់ Karada ក្នុងក្រុងបាកដាដ ប្រទេសអ៊ីរ៉ង់។ ក្រុមរដ្ឋឥស្លាមបានអះអាងទទួលខុសត្រូវលើការវាយប្រហារនេះ ហើយបានសម្លាប់មនុស្សយ៉ាងហោចណាស់ ១៨៦នាក់។
នេះជាទិដ្ឋភាពពីលើអាកាសនៃចម្ការឈូកមួយនៅក្នុងក្រុង Quzhou ខេត្ត Zhejiang ប្រទេសចិន កាលពីថ្ងៃទី៩ ខែកក្កដា ឆ្នាំ២០១៦។
បុគ្គលិកអគ្គិសនីជួសជុលបង្គោលអគ្គិសនីនៅតំបន់លិចទឹកមួយ នៅពេលដែលខ្យល់ព្យុះ Nepartak បោកបក់លើក្រុង Xuancheng ខេត្ត Anhui ប្រទេសចិន កាលពីថ្ងៃទី៩ ខែកក្កដា ឆ្នាំ២០១៦។
លោក Narendra Modi នាយករដ្ឋមន្រ្តីឥណ្ឌា (រូបឆ្វេង) និងលោកJohn Pombe Magufuli ប្រធានាធិបតីរបស់ប្រទេសតង់សានី (រូបស្តាំ) វាយស្គរនៅច្រកចូលវិមាន State House ក្នុងពិធីស្វាគមន៍ជាផ្លូវការសម្រាប់លោក Modi នៅក្នុងរដ្ឋធានីដាអេសសាឡឹម (Dar es Salaam) ប្រតេសតង់សានី។
មនុស្សម្នានាំគ្នាប្រមូលផ្តុំគ្នាក្នុងអាងហែលទឹក Caribbean Bay នៅពេលពួកគេព្យាយាមគេចពីកម្តៅ នៅក្នុងក្រុង Yongin ប្រទេសកូរ៉េខាងត្បូង។
ខ្លាឃ្មុំ Le Bao របស់ចិនស៊ីនំខួបកំណើតរបស់វា ក្នុងពេលប្រារព្ធខួបកំណើត៤ឆ្នាំរបស់វា នៅឧទ្យាន Everland នៅក្នុងក្រុង Yongin ប្រទេសកូរ៉េខាងត្បូង។
អ្នកធ្វើដំណើរចូលរួមពីធី Nashestvie របស់ក្រុមតន្រ្តីរ៉ុករបស់រុស្ស៊ី នៅក្នុងតំបន់ Tver ប្រទេសរុស្ស៊ី កាលពីថ្ងៃទី៩ ខែកក្កដា ឆ្នាំ២០១៦។