រូបភាពជុំវិញពិភពលោក ២៧ មករា ២០១៩
អ្នកមានជីវិត ដែលរួចផុតពីការស្លាប់នៅជំរំណាស៊ីអាល្លឺម៉ង់ ចូលរួមក្នុងពិធីបុណ្យខួបលើកទី៧៤ នៃការរួចផុតពីជំរំនេះ និងទិវាចងចាំជនរងគ្រោះ Holocaust អន្តរជាតិ ឬ International Holocaust Victims Remembrance Day នៅក្នុងក្រុង Oswiecim ប្រទេសប៉ូឡូញ។
បុគ្គលិកជួយសង្គ្រោះមួយរូបព្យាយាមទៅជិតគោមួយក្បាល ដែលជាប់នៅក្នុងភក់មួយ ២ថ្ងៃបន្ទាប់ពីទំនប់មួយបានបាក់ នៅក្នុងក្រុង Brumadinho ប្រទេសប្រេស៊ីល។
ទាហានអ៊ីស្រាអែលបាញ់កំប៉ុងឧស្ម័នទឹកភ្នែកទៅលើពលរដ្ឋប៉ាឡេស្ទីន នៅក្នុងពេលប៉ះទង្គិចគ្នា បន្ទាប់ពីពិធីបុណ្យសពរបស់ Hamdi Naasan នៅក្នុងភូមិ al-Mughair។ ពលរដ្ឋប៉ាឡេស្ទីនបាននិយាយថា Nassan ត្រូវបានគេបាញ់សម្លាប់នៅក្នុងពេលប៉ះទង្គិច ជាមួយនឹងអ្នកតាំងទីលំនៅរបស់អ៊ីស្រាអែល។
អ្នកប្រកួតប្រជែងម្នាក់ធ្លាក់ចូលទៅក្នុងអាងភក់នៅក្នុងព្រឹត្តិការណ៍ Tough Guy ក្បែរក្រុង Wolverhampton ប្រទេសអង់គ្លេស។
មនុស្សម្នាសប្បាយរីករាយជាមួយនឹងសាច់អាំងរបស់ខ្លួន នៅពេលពួកគេទ្រាំទឹកក្តៅ ដែលមានផ្លែឈើ និងបន្លែនៅក្នុងទឹកនោះផងដែរ នៅក្នុងក្រុង Hangzhou ខេត្ត Zhejiang ប្រទេសចិន។
បុរសពីរនាក់ជិះរទេះប្រពៃណីមួយដែលគេហៅថា Schnabler ពីលើជម្រាលភ្នំនៅក្នុងការប្រកួតមួយ ក្នុងក្រុង Gaissach ប្រទេសអាល្លឺម៉ង់។
បាឡុងនានានឹងត្រូវបង្ហោះនៅក្នុងកម្មវិធី International Hot Air Balloon Week លើកទី៤១ នៅក្នុងក្រុង Chateau-d'Oex ប្រទេសស្វ៊ីស កាលពីថ្ងៃទី២៦ ខែមករា ឆ្នាំ២០១៩។
មនុស្សម្នាដែលរត់គេចពីសង្គ្រាមរវាងកងកម្លាំងប្រជាធិបតេយ្យស៊ីរី និងយុទ្ធជនរបស់រដ្ឋឥស្លាម នៅក្នុងភូមិ Baghouz នៃប្រទេសស៊ីរី បានធ្វើដំណើរទៅដល់តំបន់ជនបទមួយក្នុងខេត្ត Deir Ezzor កាលពីថ្ងៃទី២៦ ខែមករា ឆ្នាំ២០១៩។
ប៉ូលិសបារាំងតម្រង់កាំភ្លើងគ្រាប់ជ័រម៉ាក LBD40 ដាក់លើក្រុមបាតុកម្ម ក្នុងពេលបាតុកម្មចលនាអាវក្រៅពណ៌លឿង នៅក្នុងក្រុង Nantes កាលពីថ្ងៃទី២៦ ខែមករា ឆ្នាំ២០១៩។
ក្រុមរបាំឈ្មោះ Kukeri សម្តែងនៅក្នុងពិធីបុណ្យអន្តរជាតិ International Festival of the Masquerade Games នៅក្នុងក្រុង Pernik ប្រទេសប៊ុលហ្គារី។
កីឡាករ Manuel Schmid របស់អាល្លឺម៉ង់ប្រកួតនៅក្នុងការជិះស្គីដើម្បីដណ្តើមយកពានរង្វាន់ World Cup super-G នៅក្នុងក្រុង Kitzbuehel ប្រទេសអូទ្រីស។
ជ្រូកដែលមានអាយុ៣ខែរត់កាត់របាំងមួយ នៅក្នុងកសិដ្ឋានឈ្មោះ Green Island Holiday Farm ដើម្បីអបអរពិធីបុណ្យចូលឆ្នាំចិននៅក្នុងក្រុង Zhangjiakou ខេត្តHebei ប្រទេសចិន។
បុរសម្នាក់ឡើងជញ្ជាំងទឹកកកសិប្បនិម្មិតនៅក្នុងក្រុង Liberec សាធារណរដ្ឋឆែក។
បុរសម្នាក់ជាមួយនឹងសុនខរបស់លោកប្រកួតនៅក្នុងការប្រណាំងរទេះមួយ នៅក្នុងកម្មវិធី Aviemore Sled Dog Rally លើកទី៣៦ ឆ្នាំ២០១៩ នៅក្នុងក្រុង Aviemore ប្រទេសស្កុតលែន កាលពីថ្ងៃទី២៦ ខែមករា ឆ្នាំ២០១៩។