រូបភាពជុំវិញពិភពលោក ១៤ មករា ២០១៨
អ្នកគោរពសាសនាឥស្លាមចាកចេញទៅផ្ទះវិញតាមរថភ្លើងដ៏ចង្អៀតមួយ បន្ទាប់ពី ចូលរួមថ្ងៃចុងក្រោយនៃថ្ងៃអធិដ្ឋាន Bishwa Ijtema ដែលជាថ្ងៃជួបជុំអ្នកគោរពសាសនាឥស្លាមទូទាំងពិភពលោក នៅក្នុងក្រុង Tongi ប្រទេសបង់ក្លាដែស។
យន្តហោះដឹកអ្នកដំណើរឈ្មោះ Pegasus Airlines Boeing 737 ជាប់នៅនឹងភក់នៅទំនប់ការពារទឹក មួយថ្ងៃបន្ទាប់ពីរអិលចេញពីផ្លូវចុះចត នៅព្រលានយន្តហោះ Trabzon នៅឆ្នេរ Black Sea ប្រទេសតួកគី។
អ្នកដើរព្យុះហយាត្រាឆ្លងកាត់ផ្លូវដ៏មមាញឹកមួយ បន្ទាប់ពីងូតទឹកអម្រិតនៅទន្លេ Hooghly River នៅថ្ងៃធ្វើពិធីបុណ្យ Makar Sankranti នៅក្នុងក្រុង Kolkata ប្រទេសឥណ្ឌា។
កីឡាករ Giniel De Villiers មកពីអាហ្វ្រិកខាងត្បូង និងកីឡាករ Dirk Von Zitzewitz មកពីអាល្លឺម៉ង់ ប្រកួតនៅក្នុងជុំទី៧នៃការប្រកួត Dakar Rally ឆ្នាំ២០១៨ ចាប់ពីក្រុង La Paz ដល់ក្រុង Uyuni ប្រទេសបូលីវី កាលពីថ្ងៃទី១៣ ខែមករា ឆ្នាំ២០១៨។
សាច់ញាតិកាន់ទុក្ខក្នុងពេលពិធីបុណ្យសពរបស់លោក Abdullah Zeidan ដែលជាអ្នកនេសាទវ័យ៣៣ឆ្នាំ នៅក្នុងក្រុង Gaza កាលពីថ្ងៃទី១៣ ខែមករា ឆ្នាំ២០១៨។ ក្រុមមន្ត្រីប៉ាឡេស្ទីនបាននិយាយថា លោក Abdullah ត្រូវបានបាញ់សម្លាប់ដោយទាហានអេហ្ស៊ីបនៅពេលរាត្រី ដោយមិនមានមូលហេតុច្បាស់លាស់ ហើយបានអំពាវនាវឲ្យមានការស៊ើបអង្កេតភ្លាមៗចំពោះឧប្បត្តិហេតុមួយនេះ។
គ្រូបង្វឹកម្នាក់ឈរនៅលើដើមឈើមើលការប្រកួត FIS Alpine World Cup Women នៅក្នុងក្រុង Bad Kleinkirchheim ប្រទេសអូទ្រីស។
បុរសម្នាក់ពិនិត្យមើលឆ្មា Bengal ក្នុងពេលតាំងបង្ហាញ Paris Animal Show នៅក្នុងក្រុងប៉ារីស ប្រទេសបារាំង។
កីឡាករ Diego Martin Duplessis មកពីអាហ្សង់ទីនជិះម៉ូតូហុងដារបស់ខ្លួនក្នុងជុំទី៧នៃការប្រកួត Dakar Edition លើកទី៤០ ចាប់ពីក្រុង La Paz ដល់ក្រុង Uyuni ប្រទេសបូលីវី កាលពីថ្ងៃទី១៣ ខែមករា ឆ្នាំ២០១៨។
ប្រុសៗចាក់ទឹកត្រជាក់លើខ្លួន ក្នុងពិធីទ្រាំនឹងទឹកត្រជាក់ប្រចាំឆ្នាំ ដើម្បីធ្វើឲ្យព្រលឹងរបស់ពួកគេមានភាពបរិសុទ្ធ និងបួងសួងឲ្យមានទ្រព្យធននៅក្នុងឆ្នាំថ្មី នៅកន្លែងទីសក្ការៈ Kanda Myojin នៅក្នុងក្រុងតូក្យូ ប្រទេសជប៉ុន កាលពីថ្ងៃទី១៣ ខែមករា ឆ្នាំ២០១៨។
បុរសម្នាក់តុបតែងជាបិសាចដើរក្បួនជាមួយនឹងអ្នកដទៃទៀតក្នុងពិធីបុណ្យបិទមុខ Iberian នៅក្នុងក្រុង Viana do Bolo ប្រទេសអេស្ប៉ាញ កាលពីថ្ងៃទី១៣ ខែមករា ឆ្នាំ២០១៨។
ប៉ូលិសធ្វើការស៊ើបអង្កេតនៅក្បែររូបសំណាក Christ of the Pacific ដែលឆេះពាក់កណ្តាល បន្ទាប់ពី មានការអគ្គិភ័យមួយនៅគ្រឹះខាងក្រោមរបស់រូបសំណាកនេះ នៅក្នុងក្រុង Lima ប្រទេសប៉េរូ កាលពី ថ្ងៃទី១៣ ខែមករា ឆ្នាំ២០១៨។