រូបភាពជុំវិញពិភពលោក ១៤ មករា ២០១៦
ឆ្អឹងត្រីបាឡែនត្រូវបានដាក់តាំងនៅខាងក្រៅសារមន្ទីរ Wati El Hitan Fossils and Climate Change ដែលជាតំបន់បេតិកភណ្ឌធម្មជាតិពិភពលោករបស់អង្គការ UNESCO ក្នុងបើកសម្ពោធនៅឧទ្យានរមណីយ៍ Fayoum នៅប្រទេសអេហ្ស៊ីប។
មន្រ្តីប៉ូលិសស្ថិតនៅខាងក្រោយរថយន្តមួយនៅជិតកន្លែងដែលរងការផ្ទុះគ្រាប់បែកនៅក្រុងហ្សាកាតា ប្រទេសឥណ្ឌូណេស៊ី។ ការផ្ទុះគ្រាប់បែកកើតមាននៅច្រើនកន្លែង ហើយបាញ់ប្រហារកើតមានឡើងនៅកណ្តាលរដ្ឋធានី ដោយបណ្តាលឲ្យមនុស្សប្រាំពីរនាក់ស្លាប់ ហើយជនវាយប្រហារទាំងអស់ក៏ត្រូវបានសម្លាប់ផងដែរ។ ពួករដ្ឋឥស្លាមបានអះអាងទទួលខុសត្រូវពីការវាយប្រហារដោយគ្រាប់បែក និងកាំភ្លើងនេះ។
អ្នកភូមិម្នាក់រៀបចំសំណាញ់នៅអំឡុងពេលនេសាទជាលក្ខណៈសហគមន៍ជាផ្នែកមួយនៃការអបអរសាទរពិធីបុណ្យ Bhogali Bihu នៅឯបឹង Goroimari នៅភូមិ Panbari ដែលស្ថិតនៅចម្ងាយ ៥០ គីឡូម៉ែត្រ (៣១ម៉ាយ) ភាគខាងកើតក្រុង Gauhati ប្រទេសឥណ្ឌា។
អ្នកកាន់ទុក្ខម្នាក់យំសោកនៅឯពិធីបុណ្យសពលោក Lokman Acikgoz និងកូនប្រុសពីរនាក់របស់លោកនៅក្រុង Cinar នៅក្នុងខេត្ត Diyarbakir ដែលមានប្រជាជនភាគច្រើនជាជនឃឺដនៅភាគអាគ្នេយ៍ប្រទេសតួកគី។ សមាជិកគ្រួសារនោះស្ថិតនៅក្នុងចំណោមមនុស្សមួយចំនួន ដែលត្រូវបានសម្លាប់នៅពេលជនសកម្មប្រយុទ្ធឃឺដបានបំផ្ទុះគ្រាប់បែកក្នុងរថយន្តមួយនៅឯស្ថានីយប៉ូលិសនៅក្រុង Cinar។
ជនធម្មយាត្រាមូស្លីមដើរព័ទ្ធជុំវិញអគារ Kaaba ដែលជាអគាររាងគូបនៅឯវិហារ Grand Mosque នៅក្រុងពិសិដ្ឋ Mecca នៅប្រទេសអារ៉ាប៊ី សាអូឌីត អំឡុងពេលធម្មយាត្រាទ្រង់ទ្រាយតូចមួយ ដែលត្រូវបានស្គាល់ថា Umrah នៅថ្ងៃទី១៣ ខែមករា ឆ្នាំ២០១៦។
ផ្កា និងសាររំលឹកវិញ្ញាណក្ខន្ធត្រូវបានដាក់ជុំវិញរូបតារាចម្រៀង David Bowie ដោយសិល្បករ Jimmy C នៅក្រុង Brixton ភាគខាងត្បូងក្រុងឡុងដិ៍។ លោក Bowie វ័យ៦៩ឆ្នាំ បានស្លាប់ដោយសារជំងឺមហារីកនៅថ្ងៃទី១០ ខែមករា។
រូបស្រមោលឆ្លុះពីព្រអាទិត្យនៃការហោះរេរាំរបស់បក្សីមួយហ្វូង មុនពេលពួកវាចូលដេកនៅជិតភូមិ Tidha ភាគខាងត្បូងប្រទេសអ៊ីស្រាអែល នៅតំបន់ភាគខាងជើងវាលខ្សាច់ Negev។
បុគ្គលិកហាងលក់ទំនិញ 7-Eleven លោក M. Faroqui អបអរសាទរ បន្ទាប់ពីដឹងថា ហាងរបស់លោកឈ្នះសន្លឹកឆ្នោត Powerball នៅក្រុង Chino Hills រដ្ឋ California នាថ្ងៃទី១៣ ខែមករា ឆ្នាំ២០១៦។
ព្រះអាទិត្យលិចពីលើសមុទ្រមេឌីទែរ៉ានេនៅឯ Rawcheh Sea Rock នៅក្រុងបេរូត ប្រទេសលីបង់។
កីឡាករ Anders Fannemel មកពីប្រទេសណរវ៉េស ហាត់សមអំឡុងពេលហ្វឹកហាត់ជាផ្លូវការសម្រាប់ការប្រកួតជិះស្គីហោះនៅតំបន់ Kulm ក្រុង Bad Mitterndorf ប្រទេសអូទ្រីស។