រូបភាពជុំវិញពិភពលោក ១៨ កុម្ភៈ ២០១៨
មនុស្សម្នាលេងនៅលើឧបករណ៍យោលដ៏ធំមួយនៅក្នុងពិធីបុណ្យ Spring Festival ដើម្បីប្រារព្ធការចូលឆ្នាំថ្មីនៅក្នុងឧទ្យាន Happy Valley ក្រុងប៉េកាំង ប្រទេសចិន។
កីឡាករ Lukas Runggaldier មកពីអ៊ីតាលីលោត ក្នុងពេលហាត់សមសម្រាប់ការប្រកួត Nordic នៅក្នុងការប្រកួតកីឡាអូឡាំពិករដូវរងាឆ្នាំ២០១៨ នៅក្នុងក្រុង Pyeongchang ប្រទេសកូរ៉េខាងត្បូង។
មនុស្សម្នាចូលរួមក្នុងកម្មវិធីដុសខាត់រូបសំណាកព្រះ Gomateshwara ដែលមានកម្ពស់៥៨,៨ហ្វីត (ប្រមាណជា១៨ម៉ែត្រ) នៅក្នុងក្រុង Shravanabelagola ប្រទេសឥណ្ឌា។ រូបសំណាកដែលមានវ័យ១.០៣៧ឆ្នាំនេះត្រូវបានគេដុសខាត់ជាមួយនឹងទឹកដោះគោ រមៀត ម្សៅពណ៌ កម្ទេចចន្ទន៍ក្រស្នា ម្សៅថ្នាំ និងកាក់មាស។
ក្មេងៗស៊ីរីលេងនៅខាងក្រៅសាលាបែកបាក់មួយនៅក្នុងភូមិ Frikeh ប្រទេសស៊ីរី។
នេះជាទិដ្ឋាភាពពីលើអាកាសដែលមើលឃើញកម្ទេចឧទ្ធម្ភាគចក្រយោធាមួយដែលធ្លាក់នៅក្នុងក្រុង Santiago Jamiltepec រដ្ឋ Oaxaca ប្រទេសម៉ិកស៊ិក កាលពីថ្ងៃទី១៧ ខែកុម្ភៈ ឆ្នាំ២០១៨។ រញ្ជួយដីដែលមានកម្លាំង៧,២ បានវាយប្រហារលើប្រទេសម៉ិកស៊ិក កាលពីថ្ងៃសុក្រ ដោយបានបង្កឲ្យមានការខូចខាតតិចតួច ប៉ុន្តែបានបង្កឲ្យមានសោកនាដកម្មមួយនៅពេលដែលឧទ្ធម្ភាគចក្ររបស់រដ្ឋមន្ត្រីមួយរូបចុះចតនៅតាមផ្លូវទៅកាន់រដ្ឋ Oaxaca។ គ្រោះរញ្ជួយដីនេះបានសម្លាប់មនុស្ស១៣នាក់ រួមមានទាំងក្មេងៗ៣នាក់ផងដែរ។
ពលករហ្វីលីពីនដែលត្រឡប់ទៅស្រុកកំណើតវិញ ដោយចាកចេញពីប្រទេសកូវ៉ែត ទៅដល់ព្រលានយន្តហោះអន្តរជាតិម៉ានីល។ បន្ទាប់ពីមានឃាតកម្មដ៏អាក្រក់មួយកើតឡើងលើអ្នកបម្រើការតាមផ្ទះជនជាតិហ្វីលីពីនម្នាក់នៅក្នុងប្រទេសកូវ៉ែត ស្ត្រីរាប់រយនាក់បានសម្រុកត្រឡប់ទៅស្រុកកំណើតវិញ ដោយបានរៀបរាប់ពីការរំលោភបំពាន និងការលំបាករបស់ខ្លួន ប៉ុន្តែពួកគេនិយាយថា ពួកគេបានត្រៀមខ្លួនទៅធ្វើការនៅបរទេសម្តងទៀត។
មនុស្សម្នាក់ចូលរួមក្នុងការដើរក្បួនផ្កាក្នុងពិធីបុណ្យ Nice Carnival លើកទី១៣៤ កាលពីថ្ងៃទី១៧ ខែកុម្ភៈ ឆ្នាំ២០១៨ នៅក្នុងក្រុងNice ប្រទេសបារាំង។
កីឡាករ Sverre Lunde Pedersen មកពីន័រវែសដឹកនាំក្រុមរបស់ខ្លួននៅក្នុងការប្រកួតជិះស្គីក្នុងល្បឿនលឿនក្នុងការប្រកួតកីឡាអូឡាំពិករដូវរងាឆ្នាំ២០១៨ នៅក្នុងក្រុង Gangneung ប្រទេសកូរ៉េខាងត្បូង។
អាកាសយានិកអ៊ីស្រាអែលចាប់ផ្តើមបេសកកម្មរបស់ពួកគេនៃគម្រោង D-MARS Project នៅភាគខាងត្បូងនៃក្រុង Mitzpe Ramon នៃវាលខ្សាច់ Negev ក្នុងប្រទេសអ៊ីស្រាអែល។ ទីតាំងនេះត្រូវបានគេជ្រើសរើសដោយសារតែភាពស្រដៀងគ្នានៃភពព្រះអង្គារ ទៅលើកត្តាភូគព្ភសាស្ត្រ ភាពរហោឋាន និងការនៅដាច់ពីគេ។