រូបភាពជុំវិញពិភពលោក ១៦ កុម្ភៈ ២០១៨
កីឡាការនី Xu Mengtao របស់ប្រទេសចិនបានប៉ះទង្គិចក្នុងវគ្គផ្តាច់ព្រ័ត្រនៃវិញ្ញាសារជិះស្គីលើអាកាសនៅទីលាន Phoenix Snow នៅក្នុងការប្រកួតកីឡាអូឡាំពិករដូវរងាឆ្នាំ២០១៨ នៅទីក្រុង Pyeongchang ប្រទេសកូរ៉េខាងត្បូង។
ក្មេងៗកំពុងបង្ហោះខ្លែងក្នុងពិធីបុណ្យចូលឆ្នាំតាមចន្ទគតិ នៅទីលាន Kim Il Sung ក្នុងទីក្រុងព្យុងយ៉ាង ប្រទេសកូរ៉េខាងជើង។
ក្រុមប៉ូលិសនិងអ្នកជួយសង្គ្រោះកំពុងស្វែងរកអ្នករស់រានមានជីវិតនៅក្នុងគំនរសំរាម នៅឯសំណង់មួយដែលបានដួល នៅទីក្រុង Bengaluru ប្រទេសឥណ្ឌា។
មនុស្សម្នាចូលរួមក្នុងពិធីអុជភ្លើងទៀនបួងសួងដល់ជនរងគ្រោះនៃការបាញ់ប្រហារកាលពីថ្ងៃពុធ នៅវិទ្យាល័យ Marjory Stoneman Douglas នៅក្រុង Parkland រដ្ឋ Florida។
Joe Zevuloni កំពុងកាន់ទុក្ខនៅមុខរូបឈើឆ្កាងដែលគេដាក់នៅក្នុងសួន ដើម្បីឧទ្ទិសដល់ជនរងគ្រោះនៃការបាញ់ប្រហារនៅវិទ្យាល័យ Marjory Stoneman Douglas ក្នុងក្រុង Parkland រដ្ឋ Florida។
ស្ត្រីជនជាតិចិនស្លៀកពាក់សម្លៀកបំពាក់ប្រពៃណីសម្រាប់កូនក្រមុំ ថតរូបក្នុងពិធីអាពាហ៍ពិពាហ៍ ដែលជាផ្នែកមួយនៃពិធីបុណ្យ She Huo ដើម្បីអបអរបុណ្យចូលឆ្នាំចន្ទគតិ ដែលជាការចាប់ផ្តើមនៃឆ្នាំច នៅក្រុង Hancheng ខេត្ត Shaanxi ប្រទេសចិន។
មនុស្សកំពុងបួងសួងដោយមានកាន់ធូបដើម្បីអបអរបុណ្យចូលឆ្នាំចន្ទគតិ នៅព្រះវិហារ Longhua ក្នុងទីក្រុងសៀងហៃ។
ជនជាតិឥណ្ឌាម្នាក់ដែលជាអ្នកគាំទ្រគណបក្សសមាជ កំពុងស្រែកពាក្យស្លោកនៅខណៈដែលប៉ូលិសចាប់ខ្លួនគាត់ នៅពេលគាត់តវ៉ាប្រឆាំងនឹងមហាសេដ្ឋី Nirav Modi ក្នុងទីក្រុងញូវដេលី។
កីឡាករ Nathan Chen របស់សហរដ្ឋអាមេរិក កំពុងសម្តែងក្នុងកម្មវិធីប្រកួតផ្នែកបុរស។
ក្មេងជនជាតិកូសូវ៉ូម្នាក់ស្លៀកពាក់ជាប៉ូលិស កាន់ទង់ជាតិកូសូវ៉ូ នៅទីក្រុងព្រីស្ទីណា មួយថ្ងៃមុនការប្រារពទិវាឯករាជ្យជាតិលើកទី១០ របស់ប្រទេសកូសូវ៉ូ។
ចរាចរណ៍ដ៏មមាញឹកនៅលើដងផ្លូវមួយក្នុងទីក្រុងកូឡុំបូ ប្រទេសស្រីលង្កា។