រូបភាពជុំវិញពិភពលោក ១៥ កុម្ភៈ ២០១៨
ក្រុមសិស្សនិស្សិតកំពុងមានទុក្ខនៅខាងក្រៅមជ្ឈមណ្ឌល Pines Trail ជាកន្លែងដែលទីប្រឹក្សាជាច្រើនត្រូវបានដាក់នៅទីនោះ ក្រោយពេលមានការបាញ់ប្រហារនៅឯវិទ្យាល័យ Marjory Stoneman Douglas ក្នុងទីក្រុង Parkland រដ្ឋ Florida។ ឈ្មោះ Nikolas Cruz ត្រូវបានចោទប្រកាន់ពីបទ«ឃាតកម្មគិតទុកមុន» ចំនួន១៧ករណី។
កីឡាការនី Lydia Lassila របស់ប្រទេសអូស្ត្រាលីចូលរួមប្រកួតកីឡាជិះស្គីលោតពីលើអាកាសផ្នែកនារី ក្នុងកម្មវិធីប្រកួតកីឡាអូឡាំពិករដូវរងាឆ្នាំ២០១៨ នៅទីលានប្រកួត Phoenix Park ក្នុងទីក្រុង Pyeongchang ប្រទេសកូរ៉េខាងត្បូង។
បាតុករប៉ាឡេស្ទីនកំពុងរត់គេចក្នុងពេលប៉ះទង្គិចគ្នាមួយជាមួយទាហានអ៊ីស្រាអែល ក្នុងពេលបាតុកម្មប្រឆាំងនឹងការចូលមករស់នៅរបស់ជនជាតិជ្វីសក្នុងភូមិ Beita ជិតក្រុង Nablus ក្នុងតំបន់ West Bank។
ក្រុមសិល្បករសម្ដែងការរាំច្រៀងដោយមានរូបនាគកើតចេញពីភ្លើងនៃអាចម៍ដែក នៅមុនថ្ងៃចូលឆ្នាំចិន ក្នុងទីក្រុង Shangqiu ខេត្ត Henan ប្រទេសចិន។
ក្រុមអ្នកគាំទ្រមេដឹកនាំគណបក្សប្រឆាំងស៊ីមបាវ៉េ គឺគណបក្សចលនាសម្រាប់ការផ្លាស់ប្តូរបែបប្រជាធិបតេយ្យ កំពុងយំនៅខាងក្រៅស្នាក់ការកណ្ដាលគណបក្ស ក្នុងទីក្រុងហារ៉េរ៉េ ក្រោយពេលអ្នកនយោបាយប្រឆាំងជើងចាស់ម្នាក់បានស្លាប់។
អាគារបាក់បែកមួយនៅក្នុងទីក្រុង Benghazi នៃប្រទេសលីប៊ី នៅជិតតុលាការក្រុង Benghazi។ កន្លែងនេះធ្លាប់មានបាតុកម្មកើតឡើងកាលពីឆ្នាំ២០១១។
សិស្សសាលាកំពុងពួនក្រោមតុ ក្នុងពេលហ្វឹកហាត់ការពារខ្លួនពេលមានគ្រោះរញ្ជួយដី នៅឯសាលាបឋមសិក្សាមួយក្នុងក្រុង Paranaque ចំណុះឲ្យទីក្រុង Metro Manila ប្រទេសហ្វីលីពីន។
លោក Joe lodato សុំស្នេហ៍នាង Emily Gambarella នៅថ្ងៃបុណ្យនៃសេចក្តីស្រឡាញ់ នៅ Times Square ក្នុងទីក្រុងញូវយ៉ក សហរដ្ឋអាមេរិក។
ជនជាតិកូរ៉េខាងត្បូងកំពុងអបអរសាទរនៅពេលដែលកីឡាករ Lee Seung-hoon នៃប្រទេសរបស់ខ្លួន ប្រកួតក្នុងវិញ្ញាសារជិះស្គីល្បឿនលឿនចម្ងាយ១០០០ម៉ែត្រ នៅកីឡដ្ឋាន Gangneung Oval ក្នុងកម្មវិធីប្រកួតកីឡារអូឡាំពិករដូវរងា ឆ្នាំ២០១៨ នៅទីក្រុង Gangneung ប្រទេសកូរ៉េខាងត្បូង។
កីឡាការនី Kong Fanyu មកពីប្រទេសចិន កំពុងហាត់សមសម្រាប់វិញ្ញាសារជិះស្គីសេរីផ្នែកនារី នៅទីក្រុង Pyeongchang ប្រទេសកូរ៉េខាងត្បូង។
ស្ត្រីជនជាតិដើម Mayan ដែលមានគូររូបឈើឆ្កាងពីផេះនៅលើចិញ្ចើម កំពុងចូលរួមក្នុងពីធីជួបជុំគ្នាមួយឈ្មោះថា Ash Wednesday នៅសាលាក្រុង San Juan Sacatepequez ប្រទេសក្វាតេម៉ាឡា។
ផ្លូវសម្រាប់អ្នកជិះកង់បានបាក់ខូច ក្រោយពេលមានភ្លៀងធ្លាក់យ៉ាងខ្លាំងមួយនៅទីក្រុង Rio de Janeiro ប្រទេសប្រេស៊ីល។