រូបភាពជុំវិញពិភពលោក ១៤ កុម្ភៈ ២០១៨
កុមារម្នាក់លោតចេញពីសួនកម្សាន្តសាធារណមួយបន្ទាប់ពីព្យាយាមលក់ប៉េងប៉ោងរាងបេះដូងទៅកាន់គូស្នេហ៍មួយគូនៅក្នុងថ្ងៃបុណ្យនៃក្តីស្រឡាញ់ (Valentine's Day) ក្នុងទីក្រុង Mumbai ប្រទេសឥណ្ឌា។
ប្រជាជនដើរនៅក្នុងសួនវង្វេងមួយនៅសួនកម្សាន្តឋានសួគ៍ Tang Paradise ក្នុងទីក្រុង Xi'an ខេត្តShaanxi ប្រទេសចិនមុននឹងពិធីបុណ្យចូលឆ្នាំចិន។
អគារត្រូវបានរលំខ្ទេចខ្ទីនៅភាគខាងជើងទីក្រុង Mosul។ ប្រទេសអ៊ីរ៉ាក់បានសន្យាផ្តល់ទឹកប្រាក់ចំនួន៣០ប៊ីលានដុល្លារនៅក្នុងសន្និសីទអន្តរជាតិមួយសម្រាប់សាងសង់ប្រទេសដែលបានខូចខាតដោយសង្រ្គាមនេះឡើងវិញ។
អ្នកដំណើរបានប្រញាប់ប្រញាល់ចេញពីរថយន្តក្រុងមួយបន្ទាប់ពីមានការបំផ្ទុះគ្រាប់បែកផ្សែងដោយប៉ូលិសទៅកាន់ក្រុមបាតុករនៅក្បែរនោះដែលពួកគេធ្វើការតវ៉ាទាមទារការកែលម្អសេវាកម្មដឹកជញ្ជូនសាធារណនៅក្នុងទីក្រុង Bogota ប្រទេសកូឡុំប៊ី។
ប្រជាពលរដ្ឋស្លៀកពាក់ជា Momotxorros ពាក់កណ្តាលគោ ពាក់កណ្តាលមនុស្សពាក់ស្បែកចៀមពោរពេញដោយឈាម ហើយចូលរួមក្នុងការប្រារព្ធពិធីហែក្បួនក្នុងទីក្រុង Alsasua ប្រទេសអេស្ប៉ាញកាលពីថ្ងៃទី១៣ កុម្ភៈ ២០១៨។
ក្រុមអ្នកជិះកង់ជិះនៅតាមផ្លូវ al-Wadi al-Kabir ក្នុងជុំទីពីរនៃការប្រកួតជិះកង់ឆ្នាំ២០១៨នៃប្រទេសអូម៉ង់។
ក្រុមប្រជាពលរដ្ឋបានដោះលែងសត្វមាន់មួយក្បាលពីទ្រុងបន្ទាប់ពីឡើងលើបង្គោលលាបប្រេងរំអិលក្នុងពិធី Faquetaique Courir de Mardi Gras ក្នុងទីក្រុង Eunice រដ្ឋ Louisiana កាលពីថ្ងៃទី១៣ កុម្ភៈ ២០១៨។