រូបភាពជុំវិញពិភពលោក ០២ កុម្ភៈ ២០១៨
កងយោធាស្រីលង្កាដើរក្បួនដោយមានកាន់ទង់ជាតិនៅក្នុងព្យុហយាត្រាមួយដើម្បីសមត្រៀមខ្លួនសម្រាប់ទិវាឯករាជ្យជាតិលើកទី៧០ ក្នុងទីក្រុងកូឡុំបូ ប្រទេសស្រីលង្កា។
លោក Al Dereume សហអ្នកចាត់ការក្លឹប Groundhog កំពុងកាន់សត្វ groundhog ដែលគេដាក់ឈ្មោះថា Punxsutawney Phil ដែលជាសត្វមានសមត្ថភាពក្នុងការព្យាករណ៍អាកាសធាតុ ក្នុងពិធីអបអរលើកទី៣២ នៃទីវាសត្វ Groundhog នៅស្រុក Punxsutawney នៃរដ្ឋ Pennsylvania។
ខ្លាឃ្មុំទឹកកក២ក្បាល កំពុងហិតនំ doughnut ដែលកកធ្វើពីសាច់ត្រី បន្លែ និងផ្លែឈើ ដែលគេដាក់ឲ្យវាក្នុងពិធីបុណ្យខានីវ៉ាលសម្រាប់សត្វ នៅក្នុងសួន Budapest ក្នុងរដ្ឋធានីប៊ុយដាប៉ែស ប្រទេសហុងគ្រី។
កងព័ទសេណេហ្គាល់ ឈរនៅឯវិមានប្រធានាធិបតីក្នុងទីក្រុងដាកា នៅពេលប្រធានាធិបតីបារាំងបានមកដល់ ដើម្បីជួបជាមួយសមភាគីសេណេហ្គាល់។
សត្វស្វាពីរក្បាលកំពុងសម្រាកជាមួយគ្នានៅអាគាររដ្ឋសភាក្នុងទីក្រុងញូវដេលី ប្រទេសឥណ្ឌា។
កម្មករម្នាក់កំពុងចងខ្សែដើម្បីលាតរូបភាពមួយនៅលើអាគារក្នុងរដ្ឋធានីសេអ៊ូល ប្រទេសកូរ៉េខាងត្បូង។
សត្វអូដ្ឋដែលឈ្នះរង្វាន់ជាសត្វអូដ្ឋស្អាតជាងគេត្រូវបានគេចាប់លាបរមៀតក្នុងពិធីបុណ្យអូដ្ឋ Sheikh Sultan Bin Zayed al-Nahyan នៅទីលានប្រណាំង Shweihan នៅក្រុងមាត់សមុទ្រ al-Ain នៅជាយក្រុងអាប៊ុយដាប៊ី ប្រទេសអេមីរ៉ាតអារ៉ាប់រួម។
ស្បែកជើងសម្រាប់រាំរបាំបាឡេត្រូវគេព្យួរនៅលើផ្លូវដែលជាផ្នែកមួយនៃការធ្វើបាតុកម្មប្រឆាំងនឹងការសម្រេចថ្មីៗនេះ ក្នុងការកាត់បន្ថយប្រាក់មូលនិធីសម្រាប់ក្រុមហ៊ុនរបាំបាឡេដែលគាំទ្រដោយរដ្ឋាភិបាល ក្នុងទីក្រុងប៊ុយណូស៊ែ ប្រទេសអាហ្សង់ទីន។
កូនសត្វដំរីទឹកដែលមានអាយុ៣ថ្ងៃកំពុងដេកនៅលើពោះរបស់មេវាដែលមានអាយុ៩ឆ្នាំដែលគេដាក់ឈ្មោះថា Dashya នៅក្នុងសួនជីវៈ Bannerghatta នៅជាយក្រុង Bengaluru ប្រទេសឥណ្ឌា។
ស្ត្រីម្នាក់កំពុងត្រងទឹកនៅក្នុងសំណង់ស្នាក់នៅមួយក្នុងទីក្រុង Cape Town ប្រទេសអាហ្វ្រិកខាងត្បូង។
ក្មេងម្នាក់កំពុងដើរពេលមានធ្លាក់ព្រិលនៅលើផ្លូវសម្រាប់អ្នកថ្មើរជើងក្នុងទីក្រុងតូក្យូ ប្រទេសជប៉ុន។
យន្តហោះចម្បាំង F-15SG (កណ្ដាល) និងយន្តហោះចម្បាំង F-16 ពីរគ្រឿងទៀតនៅសងខាង ពីកងកម្លាំងទ័ពអាកាសសិង្ហបុរី កំពុងសម្តែងការហោះហើរដោយមានបញ្ចេញភ្លើង ក្នុងពេលបង្ហាញជំនាញហោះហើរនៅមុនការបង្ហាញផ្លូវការមកដល់។
បាតុករប៉ាឡេស្ទីនកំពុងគប់ដុំថ្មក្នុងពេលប៉ះទង្គិចគ្នាជាមួយកងកម្លាំងអ៊ីស្រាអែល នៅជិតព្រំដែនជាមួយប្រទេសអ៊ីស្រាអែល នៅខាងត្បូងទីក្រុង Khan Yunis នៃតំបន់ Gaza Strip។
លោក Meric Greenbaum ដែលជាអ្នកជំនាញកំពុងធ្វើការនៅជាន់ផ្ទាល់ដីនៅផ្សារភាគហ៊ុនក្នុងទីក្រុងញូវយ៉ក។
ព្រះចន្ទពេញវង់ចាំងឆ្លុះគ្នាជាមួយភ្នំភ្លើង Mayon នៅពេលវាបញ្ចេញកំអែរពេលមានការផ្ទុះដ៏ខ្លាំងមួយ ក្រោយពេលមានចន្ទគ្រាស នៅទីក្រុង Legazpi ប្រទេសហ្វីលីពីន។