អឺរ៉ុបនិងអង្គការអូតង់អំពាវនាវឲ្យមានការអត់ធ្មត់ខណៈដែលអ៊ីរ៉ង់ប្តេជ្ញាសងសឹកអាមេរិក
Your browser doesn’t support HTML5
សម្ព័ន្ធមិត្តរបស់សហរដ្ឋអាមេរិកនៅអឺរ៉ុបបានអំពាវនាវឲ្យភាគីទាំងអស់បន្ធូរភាពតានតឹង បន្ទាប់ពីអ៊ីរ៉ង់បានប្តេជ្ញាថានឹងសងសឹកចំពោះការសម្លាប់ឧតម្តសេនីយ៍ជាន់ខ្ពស់របស់ខ្លួន ដែលធ្វើឡើងដោយសហរដ្ឋអាមេរិក។ Qassem Soleimani ត្រូវបានសម្លាប់នៅក្នុងការវាយប្រហាររបស់យាន Drone មួយគ្រឿង នៅអាកាសយានដ្ឋាននៃទីក្រុង Baghdad កាលពីថ្ងៃសុក្រសប្តាហ៍មុន។ បាតុកម្មបានផ្ទុះឡើងនៅពាសពេញតំបន់មជ្ឈឹមបូពា ស្របពេលដែលអ្នកឆ្លើយឆ្លងព័ត៌មាន VOA លោក Henry Ridgwell រាយការណ៍ពីទីក្រុងឡុដ៍ថាអង្គការអូតង់បានផ្អាកបេសកកម្មហ្វឹកហាត់របស់ខ្លួនក្នុងប្រទេសអ៊ីរ៉ាក់ ដោយសារមានការភ័យខ្លាចថានឹងមានអំពើហិង្សាកើនឡើង។ លោក ប៉ូច រាសី សូមជូនសេចក្តីប្រែសម្រួល។