Your browser doesn’t support HTML5
ភាពមិនប្រក្រតីប៉ះពាល់លទ្ធផលបោះឆ្នោត
វ៉ាស៊ីនតោន - អង្គការឃ្លាំមើលការបោះឆ្នោតក្នុងប្រទេសកម្ពុជាបានអះអាងថា បញ្ហាភាពមិន ប្រក្រតីក្នុងពេលបោះឆ្នោតនាំឲ្យប៉ះពាល់ដល់លទ្ធផលនៃការបោះឆ្នោត។ នេះបើតាមការអះអាងរបស់កញ្ញាគង់ រ៉ាវីន ប្រធានក្រុមអ្នកសង្កេតការណ៍នៃអង្គការខុមហ្វ្រែល និងលោកសម គន្ធាមី ប្រធានក្រុមអ្នកសង្កេតការណ៍នៃអង្គការនិចហ្វិចដែលជាវាគ្មិនក្នុងកម្មវិធីហេឡូវីអូអេកាលពីថ្ងៃព្រហស្បតិ៍ទី២២ ខែសីហា ឆ្នាំ២០១៣។ក្រុមវាគ្មិនទាំងពីរបានអះអាងថា សំឡេងឆ្នោតខុសគ្នាតែមួយសន្លឹកឬច្រើនសន្លឹកក្នុងការិយាល័យនីមួយៗធ្វើឲ្យមានការប្រែប្រួលចំនួនអាសនៈយ៉ាងច្រើនក្នុងមណ្ឌលបោះឆ្នោតមួយ។
អង្គការឃ្លាំមើលការបោះឆ្នោតបានរកឃើញភាពមិនប្រក្រតីជិត២ម៉ឺនករណីនៅតាមបណ្តាខេត្តចំនួន១៣ ឬចំនួនពាក់កណ្តាលនៃការិយាល័យបោះឆ្នោត១៩.០០០ ទូទាំងប្រទេស៕