រូបភាពជុំវិញពិភពលោក ០៦ ធ្នូ ២០១៥
ស្រមោលអ្នកទស្សនាជាច្រើនចាំងនឹងពន្លឺនៃពិធីបុណ្យប្រចាំឆ្នាំដែលមានឈ្មោះថា Winter Fantasia នៅឧទ្យាន Toshimaen ក្នុងក្រុងតូក្យូ ប្រទេសជប៉ុន។
សមាជិកនៃក្រុមសង្រ្គោះបន្ទាន់ជួយសង្រ្គោះអ្នកស្រុកដោយប្រើទូក ពីផ្លូវលិចទឹកមួយក្នុងក្រុង Carlisle ប្រទេសអង់គ្លេស។
មន្រ្តីប៉ូលិសស៊ើបអង្កេតកន្លែងកើតហេតុមួយនៅស្ថានីយ៍រថភ្លើងក្រោមដី Leytonstone នៅភាគខាងកើតនៃក្រុងឡុងដ៏ ប្រទេសអង់គ្លេស។ គេអំពាវនាវឲ្យប៉ូលិសរាយការណ៍ពីចំនួនមនុស្សដែលត្រូវបានចាក់សម្លាប់នៅស្ថានីយ៍នេះ និងបុរសម្នាក់ដែលបានប្រើកាំបិតគំរាមមនុស្សដទៃទៀត។ ប៉ូលិសបាននិយាយថា បុរសម្នាក់រងគ្រោះយ៉ាងខ្លាំង ហើយពីរនាក់ផ្សេងទៀតរងរបួសស្រាល។
អ្នកស្រុកម្នាក់ដើរស្ទើរមិនរួច នៅពេលដែលគាត់ដើរកាត់ទឹកជំនន់នៅលើផ្លូវមួយក្នុងក្រុង Carlisle ប្រទេសអង់គ្លេស។ ប៉ូលិសបានប្រកាសពីឧប្បត្តិហេតុដ៏ធំមួយនៅភាគខាងជើងនៃប្រទេសអង់គ្លេស បន្ទាប់ពីភ្លៀងធ្លាក់ខ្លាំងយ៉ាងយូរបានបង្កឲ្យមានទឹកជំនន់ និងបង្ខំឲ្យក្រុមសង្រ្គោះបន្ទាន់ជម្លៀសប្រជាជនចេញពីផ្ទះរបស់ពួកគេ។
សកម្មជនបរិស្ថានបានតំរៀបគ្នាបង្កើតជារូប ដែលតំណាងឲ្យសញ្ញាសន្តិភាព និងចេញជាអក្សរថា «100% renewable» នៅក្បែរកិច្ចប្រជុំកំពូលស្តីពីអាកាសធាតុរបស់អង្គការសហប្រជាជាតិនៅក្បែរអគារ Eiffel ក្នុងក្រុងប៉ារីស ប្រទេសបារាំង។
ប៉ូលិសកុប្បកម្មរបស់តួកគីប្រើម៉ាស៊ីនបាញ់ទឹកដើម្បីបំបែកបាតុករពីស្រុកប្រវត្តិសាស្រ្ត Sur ក្នុងក្រុង Diyarbakir ដែលត្រូវបានដាក់ឲ្យស្ថិតនៅក្រោមបម្រាមមួយ។ ជាងមួយសប្តាហ៍បន្ទាប់ពីមេធាវី Tahir Elci ដ៏ល្បីរបស់ក្រុម Kurd ត្រូវបានគេសម្លាប់នៅពេលថ្ងៃនៅតាមផ្លូវនៅភាគអាគ្នេយ៍នៃក្រុងសំខាន់មួយរបស់ប្រទេសតួកគី អាជ្ញាធរហាក់ដូចជាមិនមានបំណងដោះស្រាយឧក្រិដ្ឋកម្មនេះក្នុងពេលដែលមានការចោទប្រកាន់គ្នាទៅវិញទៅមក។
លោកMichael Read ប្រធាននៃប្រតិបត្តិការអាកាសរបស់ក្រុមហ៊ុន Martin Aircraft ដែលមានមូលដ្ឋាននៅក្នុងប្រទេសនូវែលសេឡង់ (New Zealand) ជិះយន្តហោះ Martin Jetpack ក្នុងពេលបង្ហាញផលិតផលនៅឧទ្យានទឹកមួយនៅក្នុងក្រុង Shenzhen ប្រទេសចិន។ បើយោងទៅតាមក្រុមហ៊ុននេះ ក្រុមហ៊ុន KuangChi Science Ltd ដែលជាក្រុមហ៊ុនចិន និងជាក្រុមហ៊ុនវិនិយោគលើក្រុមហ៊ុន Martin Aircraft នឹងលក់យន្តហោះនៅចិនដីគោក ក្នុងតម្លៃ២៤៩.៩០២ដុល្លារ។
អ្នកគាំទ្រស្លៀកពាក់ដូចតួអង្គក្នុងរឿងទេវកថារបស់សាសនាហិណ្ឌូ ថតរូបនៅកម្មវិធី Delhi Comic Con ក្រុងញូវដេលី ប្រទេសឥណ្ឌា កាលពីថ្ងៃទី៥ ខែធ្នូ ឆ្នាំ២០១៥។
អ្នកស្រុកបោកសម្លៀកបំពាក់ដែលយកបានពីផ្ទះលិចទឹករបស់ពួកគេនៅច្រាំងម្ខាងនៃទន្លេ Adyar នៅក្នុងក្រុង Chennai ប្រទេសឥណ្ឌា។
អ្នកសម្តែងសិល្បៈ Cosplay ស្លៀកពាក់ជាតួអង្គក្នុងរឿង Star Wars ចុះទៅសួរសុខទុក្ខអ្នកជំងឺក្នុងព្រឹត្តិការណ៍សប្បុរសធម៌មួយដែលរៀបចំឡើងដោយក្រុមមិនស្វែងរកកម្រៃឈ្មោះថា 501st Legion នៅមជ្ឈមណ្ឌល East Avenue Medical Center នៅក្នុងក្រុង Quezon ប្រទេសហ្វីលីពីន។
ក្រុមទ័ពអាកាសThe Al Fursan របស់ប្រទេសអេមីរ៉ាតអារ៉ាប់រួមសម្តែងឈុតមួយក្នុងការប្រកួតអាកាសពិភពលោក (World Air Games) ក្នុងក្រុង Dubai។
អ្នកជិះស្គី និងអ្នកជិះក្តារលើទឹកកកស្លៀកពាក់ដូច Santa រត់លេងនៅរមណីយដ្ឋានស្គី Sunday River នៅក្រុង Newry រដ្ឋ Maine សហរដ្ឋអាមេរិក។
មនុស្សម្នាដុតទៀនក្នុងពិធីបុណ្យ Butter Lamp Festival ដើម្បីគោរពដល់ព្រះ Tsong Khapa ដែលជាព្រះគ្រូក្នុងសាសនាព្រះពុទ្ធនៅតំបន់ទីបេ ក្នុងតំបន់ស្វយ័តទីបេ នៅខេត្ត Sichuan ប្រទេសចិន។
មនុស្សស្លៀកពាក់ជា Santa Claus ឆ្លងកាត់បឹង Aegerisee នៅក្បែរក្រុង Oberaegeri ប្រទេសស្វ៊ីស (Switzerland) កាលពីថ្ងៃទី៥ ខែធ្នូ ឆ្នាំ២០១៥។