រូបភាពជុំវិញពិភពលោក ០៥ ធ្នូ ២០១៧
ផ្សែងហុយចេញពីខាងក្រោយអគារបន្ទប់ស្នាក់នៅដែលត្រូវបានឆេះខ្ទេចខ្ទីដោយភ្លើងដែលឆេះយ៉ាងសន្ធោសន្ធៅនៅក្រុង Ventura រដ្ឋកាលីហ្វ័រញ៉ា។
មន្រ្តីសន្តិសុខអ៊ុយក្រែនចាប់ខ្លួនអតីតប្រធានាធិបតីលោក Georgia Mikheil Saakashvili នៅឯគេហដ្ឋានលោកក្នុងទីក្រុង Kyiv។ ទីភ្នាក់ងារចារកម្មអ៊ុយក្រែនចាប់ខ្លួនលោក Saakashvili ដែលជាអ្នកធ្វើយុទ្ធនាការប្រឆាំងនឹងអំពើពុករលួយ ប៉ុន្តែប្រឈមនឹងបាតុករជាច្រើនរយនាក់ដែលមិនអនុញ្ញាតឲ្យមន្រ្តីប៉ូលិសចាប់ខ្លួនលោក។
អ្នកពន្លត់អគ្គិភ័យម្នាក់កំពុងពន្លត់ភ្លើងដែលឆេះនៅជើងភ្នំក្នុងទីក្រុង Santa Paula រដ្ឋកាលីហ្វ័រញ៉ា។
ប៉ូលិសកូបកម្មម្នាក់របួសចេញឈាមក្នុងការប៉ះទង្គិចជាមួយបាតុករតវ៉ាប្រឆាំងនឹងការសម្រេចចិត្តរបស់រដ្ឋាភិបាលក្នុងការកែប្រែច្បាប់បាតុកម្មក្នុងទីក្រុង Athens ប្រទេសក្រិក។
ក្មេងប្រុសពីរនាក់តែងខ្លួនជាប្រធានាធិបតីសហរដ្ឋអាមេរិកដូណាល់ ត្រាំនិងអនុប្រធានាធិបតី Mike Pence ដើម្បីស្វាគមន៍ការមកដល់របស់លោកក្នុងទីក្រុង Salt Lake រដ្ឋ Utah កាលពីថ្ងៃទី០៤ ខែធ្នូ ឆ្នាំ២០១៧។
ក្រុមសកម្មប្រយុទ្ធ Houthi កំពុងត្រួតពិនិត្យការបំផ្លិចបំផ្លាញបន្ទាប់ពីការវាយប្រហារតាមអាកាសដឹកនាំដោយក្រុម Saudi សំដៅរកវិមានប្រធានាធិបតីក្នុងរដ្ឋធានី Sana'a ប្រទេសយេម៉ែន។
ប្រជាពលរដ្ឋនាំគ្នាកាន់ផ្លាកដែលសរសេរថា «សេរីភាពសម្រាប់អ្នកទោសនយោបាយ! យើងជាសាធារណរដ្ឋ» អំឡុងការប្រមូលផ្តុំមួយទាមទារឲ្យមានការដោះលែងមេដឹកនាំ Catalan ដែលកំពុងជាប់ឃុំនៅ Sant Jaume ទីក្រុង Barcelona ប្រទេសអេស្ប៉ាញកាលពីថ្ងៃទី០៤ ធ្នូ ២០១៧។
បុរសគង្វាលជនជាតិឥណ្ឌាម្នាក់ពីរដ្ឋ Rajasthan ភាគខាងលិចកំពុងឃ្វាលចៀមមួយហ្វូងនៅតាមផ្លូវ Greater Noida ជាយក្រុងញូវដែលី។