រូបភាពជុំវិញពិភពលោក ០៤ ធ្នូ ២០១៧
សមាជិកម៉ារីនឥណ្ឌាម្នាក់ចូលរួមក្នុងការសមយុទ្ធយោធាមួយក្នុងការប្រារព្ធទិវា Navy Day នៅក្នុងក្រុង Mumbai។
ជម្រាលភ្នំ Saana ត្រូវបានគេបំពាក់ភ្លើង ដែលជាផ្នែកមួយនៃគម្រោង Luminous Finland ១០០។ នេះជាព្រឹត្តិការណ៍សិល្បៈពន្លឺដែលធ្វើឡើងដើម្បីសាទរដល់ខួប១០០ឆ្នាំនៃឯករាជ្យរបស់ហ្វាំងឡង់ នៅក្នុងក្រុង Kilpisjarvi ប្រទេសហ្វាំងឡង់។
បាតុករប្រឆាំងនឹងរដ្ឋាភិបាលបានប្រមូលផ្តុំជុំវិញរបាំង ក្នុងពេលបាតុកម្មមួយពេលដែលរដ្ឋាភិបាលដាក់បំរាមគោចរណ៍ពីព្រលឹមដល់ព្រលប់មួយនៅក្នុងក្រុង Tegucigalpa ប្រទេសហុងឌូរ៉ាស (Honduras) កាលពីថ្ងៃទី៣ ខែធ្នូ ឆ្នាំ២០១៧។ មេដឹកនាំប្រឆាំងបានអំពាវនាវឲ្យមានការដើរក្បួនដ៏ធំមួយប្រឆាំងនឹងការបន្លឹការបោះឆ្នោតកាលពីថ្ងៃអាទិត្យ និងសម្រាប់ការបោះឆ្នោតប្រធានាធិបតីដែលនឹងត្រូវធ្វើឡើងម្តងទៀត បន្ទាប់ពីប្រទេសនេះមានបាតុកម្មដ៏ប្រល័យទាក់ទងនឹងការផ្អាករាប់សន្លឹកឆ្នោត។
លោក Alexander Yaroshenko ដែលជាសមាជិកនៃក្លឹបហែលទឹកក្នុងរដូវរងា Cryophile យកព្រិលរុំខ្លួន បន្ទាប់ពីហែលទឹកនៅក្នុងទន្លេ Yenisei នៅក្នុងក្រុង Krasnoyarsk ប្រទេសរុស្ស៊ី កាលពីថ្ងៃទី៤ ខែធ្នូ ឆ្នាំ២០១៧។
មនុស្សម្នាចូលរួមនៅក្នុងការដើរក្បួនប្រចាំឆ្នាំ ដើម្បីសាទរដល់ខួបថ្ងៃប្រសូត្ររបស់សាវ័ក Muhammad នៅក្នុងក្រុង Sale ប្រទេសមារ៉ុក។
មនុស្សម្នាកាន់រូបថតរបស់លោក Fidel Castro អតីតមេដឹកនាំគុយបាក្នុងការដើរក្បួនមួយដើម្បីប្រារព្ធខួបមួយឆ្នាំ ចាប់តាំងពីពេលលោក Castro ត្រូវបានគេបញ្ចុះ នៅក្នុងក្រុង Santiago។
អ្នកទេសចរណ៍ដើរនៅក្នុងព្រះវិហារ Sheikh Zayed Grand នៅក្នុងក្រុង Abu Dhabi នៃប្រទេសអេមីរ៉ាតអារ៉ាប់រួម។
ស្ត្រីម្នាក់រុញរទេះមួយកាត់ព្រិលនៅក្នុងក្រុង Yantai ខេត្ត Shandong ប្រទេសចិន។
មនុស្សម្នាចូលរួមក្នុងវគ្គទី៥នៃការរត់ម៉ារ៉ាតុន Marathon des Sables Peru ពីតំបន់ Barloveto ដល់តំបន់ Mendieta កាលពីថ្ងៃទី៣ ខែធ្នូ ឆ្នាំ២០១៧។
អ្នកលោតឆ័ត្រយោងម្នាក់ហ្វឹកហាត់ចុះចតនៅលើព្រិល នៅក្បែរក្រុង Semsales ប្រទេសស្វ៊ីស កាលពីថ្ងៃទី៣ ខែធ្នូ ឆ្នាំ២០១៧។