រូបភាពជុំវិញពិភពលោក ១៩ ធ្នូ ២០១៦
សិល្បករលោក Liu Bolin ពាក់អាវក្រោះជាមួយនឹងទូរស័ព្ទដៃចំនួន២៤គ្រឿងហើយដើរក្នុងអព្ទ ខណៈពេលដែលលោកកំពុងផ្សព្វផ្សាយពីការបំពុលខ្យល់នៅក្នុងទីក្រុងនៅថ្ងៃទីបួន បន្ទាប់ពីមានសញ្ញាក្រហមប្រាប់ដំណើរពីការបំពុលខ្យល់យ៉ាងធ្ងន់ធ្ងរនៅក្រុងប៉េកាំង ប្រទេសចិន។
អគ្គរដ្ឋទូតរុស្ស៊ីប្រចាំប្រទេសរុស្ស៊ីលោក Andrey Karlov ដេកដួលនៅលើឥដ្ឋ បន្ទាប់ពីត្រូវបានខ្មាន់កាំភ្លើង (ខាងស្តាំ) បាញ់អំឡុងពេលពិធីពិព័រណ៍ជាសាធារណៈមួយនៅក្រុងអង់ការ៉ា ប្រទេសតួកគី។ ខ្មាន់កាំភ្លើងនោះ ដែលបានស្រែកថា «Aleppo» និង «សងសឹក» បានបាញ់លោក Karlov ខណៈពេលលោកកំពុងចូលរួមក្នុងពិធីពិព័រណ៍សិល្បៈមួយក្នុងក្រុងអង់ការ៉ា។ នេះបើយោងទៅតាមសាក្សី និងបណ្តាញសារព័ត៌មាន។ ទីភ្នាក់ងារសារព័ត៌មានជាតិតួកគី Anadolu បាននិយាយថា ខ្មាន់កាំភ្លើងនោះត្រូវបានប៉ូលិស «បាញ់សម្លាប់» ហើយមិនបានផ្តល់សេចក្តីបញ្ជាក់លម្អិតបន្ថែមទៀតទេ។
បុរសម្នាក់តុបតែងលម្អព្រះវិហារមុនពេលពិធីអបអរសាទរបុណ្យណូអែលក្នុងក្រុង Ahmedabad ប្រទេសឥណ្ឌា កាលពីថ្ងៃទី១៨ ខែធ្នូ ឆ្នាំ២០១៦។
បវរកញ្ញា Puerto Rico នាង Stephanie Del Valle (កណ្តាល) បង្ហាញក្តីរំភើប បន្ទាប់ពីឈ្នះការប្រកួតបវរកញ្ញាពិភពលោកឆ្នាំ២០១៦ នៅឯមជ្ឈមណ្ឌល MGM National Harbor ក្នុងក្រុង Oxon Hill រដ្ឋ Maryland សហរដ្ឋអាមេរិក កាលពីថ្ងៃទី១៨ ខែធ្នូ ឆ្នាំ២០១៦។
ប្រជាជនប៉ះទង្គិចគ្នាជាមួយនឹងកងល្បាតជាតិវេណេស៊ុយអេឡា ស្របពេលដែលពួកគេព្យាយាមឆ្លងព្រំដែនទៅកាន់ប្រទេសកូឡុំប៊ីតាមស្ពាន Francisco de Paula Santander ក្នុងក្រុង Urena ប្រទេសវេណេស៊ុយអេឡា កាលពីថ្ងៃទី១៨ ខែធ្នូ ឆ្នាំ២០១៦។
នៅក្នុងរូបភាពដែលត្រូវបានចុះផ្សាយដោយទីភ្នាក់ងារសារព័ត៌មានផ្លូវការស៊ីរី SANA បង្ហាញពីផ្សែងផុលចេញពីឡានក្រុងពណ៌បៃតង ក្នុងខេត្ត Idlib កាលពីថ្ងៃទី១៨ ខែធ្នូ ឆ្នាំ២០១៦។ ក្រុមសកម្មជនបាននិយាយថា ពួកសកម្មប្រយុទ្ធបានដុតឡានក្រុងយ៉ាងហោចណាស់ប្រាំគ្រឿង ដែលត្រូវបានយកទៅជម្លៀសប្រជាជន ដែលរងរបួស និងធ្លាក់ខ្លួនឈឺពីភូមិចំនួនពីរនៅភាគខាងជើង ប្រទេសស៊ីរី។
អ្នកស្រី Ruth Fulton អាយុ ៤៤ឆ្នាំ ធ្វើការតវ៉ាប្រឆាំងនឹងប្រធានាធិបតីជាប់ឆ្នោតលោកដូណាល់ ត្រាំ ខាងអគារ Colorado Capitol នៅមុនថ្ងៃបោះឆ្នោត Electoral College ក្នុងក្រុង Denver រដ្ឋ Colorado កាលពីថ្ងៃទី១៨ ខែធ្នូ ឆ្នាំ២០១៦។
នារីមួយក្រុមថតសែលហ្វីក្រោមរោងមួយតុបតែងដោយភ្លើងពណ៌ដើម្បីអបអរសាទរថ្ងៃបុណ្យណូអែលនៅពេលខាងមុខនៅសួន Garden of Morning Calm ក្នុងក្រុង Gapyeong ប្រទេសកូរ៉េខាងត្បូង កាលពីថ្ងៃទី១៨ ខែធ្នូ ឆ្នាំ២០១៦។
ស្រ្តីពីរនាក់តុបតែងមុខជាតុក្កតា Minions ចូលរួមនៅក្នុងការប្រកួតហែលទឹក «Coupe de Noel» ក្នុងបឹង Lake Geneva ក្នុងក្រុងហ្សឺណែវ ប្រទេសស្វីស។
បុរសម្នាក់ និងកុមារម្នាក់ដើរអំឡុងពេលព្រះអាទិត្យលិចក្នុងរដ្ឋធានីណៃពិដោ ប្រទេសមីយ៉ាន់ម៉ា កាលពីថ្ងៃទី១៨ ខែធ្នូ ឆ្នាំ២០១៦។