រូបភាពជុំវិញពិភពលោក ០៩ ធ្នូ ២០១៧
ទាហានអ៊ីស្រាអែលម្នាក់ឈរ ខណៈមានការប៉ះទង្គិចគ្នាជាមួយពួកប៉ាឡេស្ទីន ក្រោយពេលមានបាតុកម្មប្រឆាំងនឹងការសម្រេចរបស់លោក ដូណាល់ ត្រាំ ប្រធានាធិបតីសហរដ្ឋអាមេរិក ដែលបានទទួលស្គាល់ទីក្រុងហ្ស៊េរុយសាឡិម ជារដ្ឋធានីថ្មីរបស់ប្រទេសអ៊ីស្រាអែល។ ការប៉ះទង្គិចនេះកើតនៅទីក្រុង Nablus ចំណុះទីក្រុង West Bank City។
បុរសឈ្មោះ Alexis ជនជាតិបារាំង ដែលជាអ្នកស្រឡាញ់សត្វ កំពុងលេងជាមួយសត្វពស់របស់គាត់ នៅឯផ្ទះរបស់គាត់ក្នុងទីក្រុង Bordeaux ប្រទេសបារាំង។
បុរសម្នាក់កំពុងអានកាសែតក្នុងរថភ្លើងដែលធ្វើដំណើរពីក្រុងមួយទៅទីក្រុងមួយ ពេលមកដល់ក្នុងទីក្រុងញូវដេលី ប្រទេសឥណ្ឌា។
កសិករកំពុងបំពេញការងារនៅទីផ្សារលក់សំឡី ក្នុងភូមិ Soungalodaga នៅជិតទីក្រុង Bobo-Dioulasso ប្រទេសបូគីណាហ្វាសូ។
សមាជិកនៃកងទាហានជើងទឹកកំពុងហ្វឹកហាត់ (Fusiliers Marins) របស់បារាំងចូលរួមក្នុងពិធីគោរពដល់សមាជិកបណ្ឌិតសភាបារាំង លោក Jean d'Ormesson ដែលបានស្លាប់កាលពីពេលថ្មីៗ ក្នុងទីក្រុងប៉ារីស។
ស្ត្រីជនជាតិប៉ាឡេស្ទីន គូររូបទង់ជាតិប៉ាឡេស្ទីននៅលើថ្ពាល់របស់នាង ក្នុងពេលដើរបាតុកម្មក្នុងទីក្រុងបេរូត ប្រទេសលីបង់ ដើម្បីប្រឆាំងនឹងការទទួលស្គាល់ទីក្រុងហ្ស៊េរុយសាឡិម ជាទីរដ្ឋធានីរបស់អ៊ីស្រាអែល ដោយលោក ដូណាល់ ត្រាំ។
អ្នកកាន់សាសនាឥស្លាមនីកាយ Shitte នៅតំបន់កាស្មៀរស្រែកពាក្យស្លោកប្រឆាំងនឹងសហរដ្ឋអាមេរិក និងប្រទេសអ៊ីស្រាអែល នៅពេលពួកគេដុតរូបលោក ដូណាល់ ត្រាំ ក្នុងពេលបាតុកម្មក្នុងទីក្រុង Srinagar ក្រោយពេលលោក ត្រាំ ទទួលស្គាល់ទីក្រុងហ្ស៊េរុយសាឡិម ជារដ្ឋធានីរបស់អ៊ីស្រាអែល។
បុរសម្នាក់កំពុងជិះកង់ពេលមានធ្លាក់ទឹកកក នៅពេលដែលព្រះវិហារគ្រិស្តសាសនាមួយត្រូវបានគេបញ្ចាំងភ្លើងដើម្បីអបអរបុណ្យចូលឆ្នាំសាកល ក្នុងទីក្រុង Grozny នៃខេត្ត Chechnya របស់រុស្ស៊ី។
ក្រុមជនចំណាកស្រុក ដែលជាផ្នែកមួយនៃក្រុមដែលត្រូវបានគេបញ្ឈប់់ការធ្វើដំណើរនៅលើសមុទ្រមេឌីទែរ៉ានេ កំពុងសម្រាកក្រោយបានមកដល់កំពង់ផែទីក្រុង Malaga ប្រទេសអេស្ប៉ាញ ក្រោយពេលត្រូវបានជួយសង្គ្រោះ។
ស្ត្រី២នាក់កំពុងរង់ចាំដំណើរទស្សនកិច្ចរបស់ប្រធានាធិបតីតួកគី លោក Recep Tayyip Erdogan នៅឯព្រះវិហារឥស្លាម Kirmahalle Cammi ក្នុងទីក្រុង Komotini នៅភាគឦសាននៃប្រទេសក្រិក។
កុមារឥណ្ឌាម្នាក់ដោយមានគូររូបនៅលើដងខ្លួន កំពុងកាន់រូបលោកនាយករដ្ឋមន្ត្រីឥណ្ឌា Narendra Modi និងមាននិមិត្តសញ្ញាគណបក្សរបស់លោក គឺគណបក្ស Bharatiya Janata Party ក្នុងពេលធ្វើយុទ្ធនាការឃោសនាបោះឆ្នោតនៅ ទីក្រុង Ahmadabad ប្រទេសឥណ្ឌា។
ដុំពពកខ្មៅដំ៏ធំកំពុងមានវត្តមាននៅលើទីក្រុង Dalby រដ្ឋ Queensland របស់ប្រទេសអូស្ត្រាលី។
ការរៀបចំតុបតែងពន្លឺសម្រាប់បុណ្យណូអែល នៅលើកំពូលនៃវិចិត្រសាល Vittorio Emanuele II ក្នុងទីក្រុង Milan ប្រទេសអ៊ីតាលី។
កុមារឈ្មោះ Eden Allen អាយុ៣ឆ្នាំ និងឈ្មោះ Josiah Allen អាយុ៨ឆ្នាំ កំពុងមើលចេញពីបង្អួចរបស់ពួកគេ នៅពេលទឹកកកបានគ្របដណ្ដប់លើសួនខាងមុខនៃផ្ទះរបស់គេ នៅព្រឹកដែលមានការធ្លាក់ទឹកកកយ៉ាងខ្លាំងក្នុងទីក្រុង Brandon រដ្ឋ Mississippi សហរដ្ឋអាមេរិក។
នាង Madeleina Kay សកម្មជនប្រឆាំងនឹងការចាកចេញពីសហភាពអឺរ៉ុបរបស់ប្រទេសអង់គ្លេស ដែលដាក់ឈ្មោះខ្លួនឯងថា «ក្មេងស្រីដ៏អស្ចារ្យរបស់សហភាពអឺរ៉ុប» និងលោក Drew Galdron ដែលតែងខ្លួនជារដ្ឋមន្ត្រីការបរទេសអង់គ្លេសលោក Boris Johnson កំពុងសម្តែងនៅខាងក្រៅទីស្នាក់ការកណ្ដាលនៃសហភាពអឺរ៉ុប ក្នុងទីក្រុងប្រ៊ុចសែល ប្រទេសប៊ែលហ្ស៊ិក។
ក្មេងប្រុសប៉ាគីស្ថានម្នាក់កំពុងដើរពីក្រោយសត្វអូដ្ឋរបស់ខ្លួនក្នុងស្រុក Jaffarabad ខេត្ត Balochistan នៅភាគនិរតីនៃប្រទេសប៉ាគីស្ថាន។