រូបភាពជុំវិញពិភពលោក ០៥ ឧសភា ២០១៦
សត្វសេះមួយត្រូវអ្នកបង្វឹកដឹកទៅហ្វឹកហាត់នៅឯ Churchill Downs នៅក្រុង Lousiville រដ្ឋ Kentucky។
តំណាងគណបក្សអភិរក្សនៅប្រទេសអង់គ្លេសអង្គុយនៅខាងក្រៅមណ្ឌលបោះឆ្នោតនៅក្រុង Barnes ភាគនិរតីក្រុងឡុងដ៍។
ប៉ូលិសចរាចរណ៍ស្រ្តីជនជាតិកូរ៉េខាងជើងធ្វើសញ្ញាទៅកាន់រថយន្តនៅលើផ្លូវប្រសព្វគ្នា ហើយខាងក្រោយនាងមានទៅដោយទង់ជាតិគណបក្សពលករ ដែលជាគណបក្សដឹកនាំប្រទេសនៅក្រុង ព្យុងយ៉ាង ប្រទេសកូរ៉េខាងជើង។
ប្រជាជនអ៊ីស្រាអែលឈរនៅជិតរថយន្តរបស់ខ្លួន នៅស្របពេលដែលមានការបន្លឺសំឡេងសារ៉ែនរំឮកវិញ្ញាណក្ខន្ធជនរងគ្រោះនៃការសម្លាប់រង្គាល Holocaust នៅក្រុង Tel Aviv ប្រទេសអ៊ីស្រាអែល។
ឧទ្ធាម្ភាគចក្រយោធារុស្ស៊ីហោះពីលើអគារ Ivan the Great Bell និងវិមានក្រឹមឡាំងនៅក្រុងមូស្គូ នៅអំឡុងពេលពិធីហាត់សមសម្រាប់ការដង្ហែក្បួនយោធាថ្ងៃបុណ្យជ័យជម្នះ (Victory Day) ដែលនឹងត្រូវធ្វើឡើងនៅទីលាន Red Squareនៅថ្ងៃទី០៩ ខែឧសភា ដើម្បីអបអរសាទរគម្រប់ខួប ៧១ ឆ្នាំ បន្ទាប់ពីជ័យជម្នះនៅក្នុងសង្រ្គាមលោកលើកទីពីរ។
អ្នកភូមិមកពីបណ្តារដ្ឋមួយចំនួននៅប្រទេសឥណ្ឌាបានស្រែកពាក្យស្លោកនៅអំឡុងពេលបាតុកម្មប្រឆាំងមួយដើម្បីសង្កត់ធ្ងន់ពីកង្វះខាតទឹកនៅក្រុងញូវដេលី ប្រទេសឥណ្ឌា។
នាវាកំសាន្ត Viking Sea ត្រូវបានអូសពីមុខដោយទូកសណ្តោងមួយតាមបណ្តោយទន្លេ Thames ទៅកាន់ផែ Greenwhich នៅភាគខាងកើតក្រុងឡុងដ៍ នៅមុនពិធីប្រសិទ្ធនាមផ្លូវការ។
កីឡាករ Hanser Alberto ពាក់លេខ ២ របស់ក្រុម Texas Rangers ផ្លុំស្ករកៅស៊ូ នៅអំឡុងពេលប្រកួតកីឡាវាយកូនបាល់ MLB ជាមួយនឹងក្រុម Toronto Blue Jays កាលពីថ្ងៃទី០៤ ខែឧសភា ឆ្នាំ២០១៦ នៅឯកីឡាដ្ឋាន Rogers Center នៅក្រុង Toronto រដ្ឋ Ontario ប្រទេសកាណាដា។
តារាសម្តែងកម្មវីធីជីវិតពិតនាង Kim Kardashian ថតរូប Selfie នៅខណៈដែលនាងជិះរថយន្តក្លាស៊ីក នៅជិតស្វាមីរបស់នាង គឺតារាចម្រៀងរ៉េប Kanye West នៅក្រុងឡាហាវ៉ាន ប្រទេសគុយបា កាលពីថ្ងៃទី០៤ ខែឧសភា ឆ្នាំ២០១៦។
ប្រជាជនរត់ភៀសខ្លួនចេញពីភ្លើងឆេះព្រៃនៅតំបន់ Fort McMurray ពិនិត្យមើលទៅលើជំនួយ និងសំលៀកបំពាក់ដែលត្រូវបានឧបត្ថម្ភនៅក្រុង Lac la Biche ខេត្ត Alberta ប្រទេសកាណាដា។
សមាជិកក្រុមអ្នកគាំទ្រភាពយន្តភាគ Star Wars ស្លៀកពាក់ក្នុងឯកសណ្ឋាន Stormtrooper និយាយទៅកាន់ក្មេងស្រីម្នាក់នៅក្នុងមន្ទីរពេទ្យមួយនៅអំឡុងថ្ងៃអបអរសាទររឿងភាគ Star Wars នៅក្រុង Monterrey ប្រទេសម៉ិចស៊ិក កាលពីថ្ងៃទី០៤ ខែឧសភា ឆ្នាំ២០១៦។