លោកស្រីគ្លីនតុនផ្អែកលើចំណង​នឹង​ក្រុង Scranton រដ្ឋ Pennsylvania ដើម្បីឈ្នះការបោះឆ្នោតនៅខែវិច្ឆិកា

ឪពុករបស់លោកស្រីបានកើតនៅទីនេះ ហើយកាលពីតូចលោកស្រីធ្លាប់នៅទីនោះនៅរដូវក្តៅ។ ប៉ុន្មានសប្តាហ៍បន្ទាប់ពីបានទទួលការតែងតាំងជាបេក្ខជនប្រធានាធិបតីខាងគណបក្សប្រជាធិបតេយ្យមក លោកស្រី Hillary Clinton នឹងវិលត្រឡប់ទៅកាន់ទីក្រុង Scranton ភាពឦសាន្តរដ្ឋ Pennsylvania នៅថ្ងៃទី១៥ ខែសីហាដើម្បីធ្វើយុទ្ធនាការណ៍ឃោសនាបោះឆ្នោតជាមួយលោកJoe Biden អនុប្រធានាធិបតីដែលជាអ្នកស្រុក Scranton។ អ្នកស្រី Aru Pande អ្នកឆ្លើយឆ្លងព័ត៌មានរបស់ VOA បានធ្វើដំណើរទៅកាន់ទីតាំងប្រពៃណីរបស់គណបក្សប្រជាធិបតេយ្យដែលនៅទីនោះ លោកស្រី គ្លីនតុនសង្ឃឹមថា នឹងប្រើប្រាស់ឬសគល់របស់លោកស្រីឲ្យបានទទួលសន្លឹកឆ្នោតនៅខែវិច្ឆិកា។ លោក ជឹង ប៉ូជីន ប្រែសម្រួលសេចក្តីរាយការណ៍នេះជូនដូចតទៅ។