បទសម្ភាសន៍៖ សហគមន៍ខ្មែរ​នៅឡូវែល ឆ្លងឧបសគ្គច្រើន តែសព្វថ្ងៃ​ជោគជ័យច្រើន

ឡូវែលជាទីក្រុងមួយក្នុងរដ្ឋ Massachusetts នៅភាគខាងកើត​សហរដ្ឋ​អាមេរិក ដែលមានពលរដ្ឋដើមកំណើតខ្មែរ រស់នៅ​ច្រើនជាងគេ​ទី២ ​បន្ទាប់ពីទីក្រុង Long Beach នៅក្នុងរដ្ឋ California ដែលស្ថិតនៅភាគខាងលិច។ តើពលរដ្ឋ​ដើមកំណើតខ្មែរ នៅ Lowell ជួបប្រទះបញ្ហាអ្វីខ្លះ ទំរាំបានដូចសព្វថ្ងៃ ហើយតើទៅថ្ងៃអនាគត សហគមន៍នេះ មានគម្រោងអ្វីខ្លះ ដើម្បីលើកស្ទួយ​ជីវភាព​របស់ខ្លួន? កាលពីពេល​ថ្មីៗនេះ​លោក ប៉ូច រាសី នៃវីអូអេ បានសំណេះសំណាល​ជាមួយ​សកម្មជន ២រូប ដែលបានដើរ​តួនាទី​យ៉ាងសំខាន់​ក្នុង​សហគមន៍​ខ្មែរ​នៅទីក្រុងឡូវែល តាំងពីដើម​មកដល់សព្វថ្ងៃ គឺលោក សំខាន់ ឃឿន និង អ្នកស្រី Audria Chea ដើម្បីស្វែងយល់​អំពីសហគមន៍នេះ។