ប្រជាពលរដ្ឋចេញទៅបោះឆ្នោតក្នុងការប្រកួតប្រជែងមួយដែលអវត្តមានគណបក្សជំទាស់

នាព្រឹកថ្ងៃអាទិត្យនេះ ប្រជាពលរដ្ឋនៅរាជធានីភ្នំពេញ បាននាំគ្នាចេញទៅបោះឆ្នោត នៅក្នុងការបោះឆ្នោតមួយដែលអវត្តមានគណបក្សជំទាស់ដ៏ធំ គឺគណបក្សភ្លើងទៀន។ នេះជាការបោះឆ្នោតជ្រើសតាំងតំណាងរាស្រ្ត ១២៥រូប ឬ ១២៥អាសនៈ ក្នុងរដ្ឋសភាជាតិ ដែលក្នុងនោះមណ្ឌលរាជធានីភ្នំពេញ មាន ១២អាសនៈ។ ដំណើរការបោះឆ្នោតចាប់ផ្តើមពីម៉ោង ៧ ព្រឹក ដល់ម៉ោង ៣ រសៀល ហើយលទ្ធផលបឋមនៃការបោះឆ្នោតនេះត្រូវបានគេរំពឹងថានឹងប្រកាសនៅយប់ថ្ងៃអាទិត្យនេះ៕