កម្ពុជាបានសម្តែងការគាំទ្រចំពោះការបង្កើតឲ្យមានសន្ធិសញ្ញាស្តីពីកម្មសិទ្ធបញ្ញាសម្រាប់បណ្តារដ្ឋជាសមាជិកអាស៊ានដើម្បីឲ្យមានប្រសិទ្ធភាពក្នុងការប្រកួតប្រជែងក្នុងទីផ្សារពិភពលោក។
ដោយ៖ វង់ ដារ៉ា
សៀមរាប៖ មន្ត្រីជាន់ខ្ពស់ក្រសួងពាណិជ្ជកម្ម ដែលជាប្រធាននៃកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៤៤បានថ្លែងថា កម្ពុជាបានសម្តែងការគាំទ្រចំពោះការបង្កើតឲ្យមានសន្ធិសញ្ញាស្តីពីកម្មសិទ្ធបញ្ញាសម្រាប់បណ្តារដ្ឋជាសមាជិកអាស៊ានដើម្បីឲ្យមានប្រសិទ្ធភាពក្នុងការប្រកួតប្រជែងក្នុងទីផ្សារពិភពលោក។
អនុរដ្ឋលេខាធិការក្រសួងពាណិជ្ជកម្ម ទទួលបន្ទុកកម្មសិទ្ធបញ្ញា លោក ឌិត ទីណា ថ្លែងថា ក្រោយពេលបញ្ចប់កិច្ចប្រជុំរវាងរដ្ឋមន្ត្រីសេដ្ឋកិច្ចអាស៊ានជាមួយអគ្គនាយកអង្គការកម្មសិទ្ធិបញ្ញាពិភពលោកហៅកាត់ថា(WIPO)កាលពីថ្ងៃអង្គារ ប្រទេសជាសមាជិកអាស៊ានឯទៀតក៏បានសម្តែងការគាំទ្រចំពោះគំនិតបង្កើតឲ្យមានកម្មសិទ្ធិបញ្ញានេះដែរ។
«ឥឡូវកំពុងរៀបចំនៅឡើយនៅ ហើយប្រទេសនីមួយៗយល់ព្រមចូលរួមឬទេគឺអាស្រ័យលើការចរចារយៈពេល១២ខែទៀតដើម្បីបង្កើតច្បាប់អន្តរជាតិនេះមួយ»។
លោក ហ្រ្វាស៊ីស ហ្គុរី (Fracis Gurry) អគ្គនាយកអង្គការកម្មសិទ្ធិបញ្ញាពិភពលោកបានថ្លែងថា ការដែលឲ្យបណ្តាប្រទេសអាស៊ានប្រើប្រាស់កម្មសិទ្ធិបញ្ញាគឺជាការជំរុញឲ្យអាស៊ានមានលក្ខណៈប្រកួតប្រជែងប្រកបដោយប្រសិទ្ធភាពនៅក្នុងទីផ្សារពិភពលោក និងជាយន្តការមួយដើម្បីឲ្យម្ចាស់កម្មសិទ្ធិទទួលបានផលប្រយោជន៍ពីកម្មសិទ្ធិបញ្ញារបស់ខ្លួន។
កាលពីពេលកន្លងមក អង្គការមួយនៅក្នុងប្រទេសឥណ្ឌាធ្លាប់បានប្រកាសថាគេនឹងធ្វើការកសាងប្រាសាទមួយនៅក្នុងប្រទេសនោះ ឲ្យមានរូបរាងដូចជាអង្គរវត្តរបស់កម្ពុជាដែរ តែគ្រោងការណ៍នោះត្រូវបានរាំងស្ទះដោយសារតែមានការជំទាស់ពីកម្ពុជា ដោយយល់ថា ការធ្វើដូច្នោះវានឹងនាំឲ្យបាត់តម្លៃប្រាសាទអង្គរវត្តដែលជាប្រាសាទបុរាណ មានអាយុកាលរាប់សតវត្សរ៍ជាស្នាដៃរបុព្វបុរសខ្មែរ។
សូមបញ្ជាក់ថា អង្គការកម្មសិទ្ធិបញ្ញាពិភពលោកគឺជាវេទិកានាំមុខរបស់ពិភពលោកសម្រាប់ផ្សព្វផ្សាយកម្មសិទ្ធិបញ្ញានៃការកែច្នៃ និងការច្នៃប្រឌិត ដើម្បីសម្រេចបានការផ្លាស់ប្តូរជាវិជ្ជមាន។ WIPO ជួយជ្រោមជ្រែងរដ្ឋជាសមាជិករបស់ខ្លួនក្នុងការអភិវឌ្ឍក្របខណ្ឌស្របច្បាប់ផ្នែកកម្មសិទ្ធិបញ្ញាអន្តរជាតិឲ្យមានតុល្យភាព ដើម្បីបំពេញសេចក្តីត្រូវការវិវត្តន៍របស់សង្គម។
អង្គការនេះផ្តល់សេវាអាជីវកម្មដើម្បីទទួលបានសិទ្ធិគ្រប់គ្រងកម្មសិទ្ធិបញ្ញា នៅក្នុងប្រទេសជាច្រើន និងការដោះស្រាយវិវាទ។ អង្គការនេះផ្តល់កម្មវិធីកសាងសមត្ថភាពជួយដល់ប្រទេសកំពុងអភិវឌ្ឍន៍ឲ្យទទួលបានប្រយោជន៍ពីការប្រើកម្មសិទ្ធិបញ្ញានេះ៕
សៀមរាប៖ មន្ត្រីជាន់ខ្ពស់ក្រសួងពាណិជ្ជកម្ម ដែលជាប្រធាននៃកិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៤៤បានថ្លែងថា កម្ពុជាបានសម្តែងការគាំទ្រចំពោះការបង្កើតឲ្យមានសន្ធិសញ្ញាស្តីពីកម្មសិទ្ធបញ្ញាសម្រាប់បណ្តារដ្ឋជាសមាជិកអាស៊ានដើម្បីឲ្យមានប្រសិទ្ធភាពក្នុងការប្រកួតប្រជែងក្នុងទីផ្សារពិភពលោក។
អនុរដ្ឋលេខាធិការក្រសួងពាណិជ្ជកម្ម ទទួលបន្ទុកកម្មសិទ្ធបញ្ញា លោក ឌិត ទីណា ថ្លែងថា ក្រោយពេលបញ្ចប់កិច្ចប្រជុំរវាងរដ្ឋមន្ត្រីសេដ្ឋកិច្ចអាស៊ានជាមួយអគ្គនាយកអង្គការកម្មសិទ្ធិបញ្ញាពិភពលោកហៅកាត់ថា(WIPO)កាលពីថ្ងៃអង្គារ ប្រទេសជាសមាជិកអាស៊ានឯទៀតក៏បានសម្តែងការគាំទ្រចំពោះគំនិតបង្កើតឲ្យមានកម្មសិទ្ធិបញ្ញានេះដែរ។
«ឥឡូវកំពុងរៀបចំនៅឡើយនៅ ហើយប្រទេសនីមួយៗយល់ព្រមចូលរួមឬទេគឺអាស្រ័យលើការចរចារយៈពេល១២ខែទៀតដើម្បីបង្កើតច្បាប់អន្តរជាតិនេះមួយ»។
លោក ហ្រ្វាស៊ីស ហ្គុរី (Fracis Gurry) អគ្គនាយកអង្គការកម្មសិទ្ធិបញ្ញាពិភពលោកបានថ្លែងថា ការដែលឲ្យបណ្តាប្រទេសអាស៊ានប្រើប្រាស់កម្មសិទ្ធិបញ្ញាគឺជាការជំរុញឲ្យអាស៊ានមានលក្ខណៈប្រកួតប្រជែងប្រកបដោយប្រសិទ្ធភាពនៅក្នុងទីផ្សារពិភពលោក និងជាយន្តការមួយដើម្បីឲ្យម្ចាស់កម្មសិទ្ធិទទួលបានផលប្រយោជន៍ពីកម្មសិទ្ធិបញ្ញារបស់ខ្លួន។
កាលពីពេលកន្លងមក អង្គការមួយនៅក្នុងប្រទេសឥណ្ឌាធ្លាប់បានប្រកាសថាគេនឹងធ្វើការកសាងប្រាសាទមួយនៅក្នុងប្រទេសនោះ ឲ្យមានរូបរាងដូចជាអង្គរវត្តរបស់កម្ពុជាដែរ តែគ្រោងការណ៍នោះត្រូវបានរាំងស្ទះដោយសារតែមានការជំទាស់ពីកម្ពុជា ដោយយល់ថា ការធ្វើដូច្នោះវានឹងនាំឲ្យបាត់តម្លៃប្រាសាទអង្គរវត្តដែលជាប្រាសាទបុរាណ មានអាយុកាលរាប់សតវត្សរ៍ជាស្នាដៃរបុព្វបុរសខ្មែរ។
សូមបញ្ជាក់ថា អង្គការកម្មសិទ្ធិបញ្ញាពិភពលោកគឺជាវេទិកានាំមុខរបស់ពិភពលោកសម្រាប់ផ្សព្វផ្សាយកម្មសិទ្ធិបញ្ញានៃការកែច្នៃ និងការច្នៃប្រឌិត ដើម្បីសម្រេចបានការផ្លាស់ប្តូរជាវិជ្ជមាន។ WIPO ជួយជ្រោមជ្រែងរដ្ឋជាសមាជិករបស់ខ្លួនក្នុងការអភិវឌ្ឍក្របខណ្ឌស្របច្បាប់ផ្នែកកម្មសិទ្ធិបញ្ញាអន្តរជាតិឲ្យមានតុល្យភាព ដើម្បីបំពេញសេចក្តីត្រូវការវិវត្តន៍របស់សង្គម។
អង្គការនេះផ្តល់សេវាអាជីវកម្មដើម្បីទទួលបានសិទ្ធិគ្រប់គ្រងកម្មសិទ្ធិបញ្ញា នៅក្នុងប្រទេសជាច្រើន និងការដោះស្រាយវិវាទ។ អង្គការនេះផ្តល់កម្មវិធីកសាងសមត្ថភាពជួយដល់ប្រទេសកំពុងអភិវឌ្ឍន៍ឲ្យទទួលបានប្រយោជន៍ពីការប្រើកម្មសិទ្ធិបញ្ញានេះ៕