កម្រងរូបភាពប្រចាំឆ្នាំ២០១៥

១៣ ធ្នូ ២០១៥

អ្នកពន្លត់អគ្គិភ័យស្វែងរកអ្នកនៅរស់រានមានជីវិតពីការបាក់ដី នៅក្នុងកំទេចកំទីនៃអគារបែកបាក់ក្នុងក្រុង Shenzhen ខេត្ត Guangdong ប្រទេសចិន នៅថ្ងៃទី២១ ខែធ្នូ ឆ្នាំ២០១៥។

បវរកញ្ញាចក្រវាឡប្រចាំឆ្នាំ២០១៤ Paulina Vegas ផ្ទេរមកុដពីបវរកញ្ញាកូឡុំប៊ី Ariadna Guterrez (ឆ្វេង) ទៅបវរកញ្ញាហ្វីលីពីន Pia Alonzo Wurtzbach (ស្តាំ) ដែលឈ្នះការប្រកួតបវរកញ្ញាចក្រវាឡឆ្នាំ២០១៥ នៅក្នុងទីក្រុង Las Vegas រដ្ឋ Navada នៅថ្ងៃទី២០ ខែធ្នូ ឆ្នាំ២០១៥។ មុនដំបូងបវរកញ្ញាកូឡុំប៊ីត្រូវបានប្រកាសជាអ្នកឈ្នះ ប៉ុន្តែពិធីករ Steve Harvey បាននិយាយថាលោកបានប្រកាសខុសនៅពេលអានកាតព័ត៌មាន។

នៅក្នុងរូបថតផ្តល់ដោយអង្គការអវកាស NASA នៅថ្ងៃទី១៨ ខែធ្នូ ឆ្នាំ២០១៥ បង្ហាញពីរូបថតដែលយានអវកាសរបស់អង្គការ NASA ឈ្មោះ Lunar Reconnaissance Orbiter បានថតជាប់ អំពីទិដ្ឋភាពភពផែនដីមើលពីយានអវកាសនេះ នៅលើកន្លងរបស់ព្រះចន្ទ។

មន្រ្តីម្នាក់ពិនិត្យមើលភស្តុតាងនៅក្បែរឡានដែលស្ថិតនៅក្នុងការវាយប្រហារកាលពីថ្ងៃពុធនៅក្នុងទីក្រុង San Bernardio រដ្ឋ California នៅថ្ងៃទី៣ ខែធ្នូ ឆ្នាំ២០១៥។ អាជ្ញាធរកំពុងធ្វើការដើម្បីកំណត់មូលហេតុ ដែលបុរសម្នាក់និងស្រ្តីម្នាក់បើកការបាញ់ប្រហារនៅឯពិធីជប់លៀងថ្ងៃឈប់សម្រាករបស់សហការីខ្លួន នៅភាគខាងត្បូងរដ្ឋ California ដោយបានសម្លាប់មនុស្ស១៤នាក់ ហើយរបួស១៧នាក់។ ការវាយប្រហារនោះហាក់បីដូចជាបានរៀបចំផែនការទុកមុន។

សត្វស្វាស៊ីផ្លែឈើពីចានដែលកាន់ដោយអ្នករៀបចំកម្មវិធីម្នាក់ឈ្មោះ Yongyuth Kitwattananusorn ក្នុងអំឡុងពិធីបុណ្យប្រចាំឆ្នាំ «អាហារប៊ូហ្វេសម្រាប់សត្វស្វា (Monkey Buffet Festival)» នៅក្នុងវត្ត Pra Prang Sam Yot ខេត្ត Lopburi ភាគខាងជើងទីក្រុងបាងកក នៅថ្ងៃទី២៩ ខែវិច្ឆិកា ឆ្នាំ២០១៥។

កីឡាការនីស៊្វីស Micaela Widmer ប្រកួតនៅក្នុងវិញ្ញាសារស្រីនៃការប្រកួតពានរង្វាន់កីឡារំអិលលើទឹកកក ពិភពលោក (Skeleton World Cup) ក្នុងក្រុង Altenberg ភាគខាងកើតប្រទេសអាល្លឺម៉ង់ នៅថ្ងៃទី២៧ ខែវិច្ឆិកា ឆ្នាំ២០១៥។

នៅក្នុងរូបថតដែលបញ្ចេញដោយការិយាល័យព័ត៌មានរដ្ឋ Espirito Santo បង្ហាញពីទិដ្ឋភាពពីលើអាកាសនៃទន្លេ Doce ដែលត្រូវបានជន់លិចដោយសារធាតុពុល បន្ទាប់ពីទំនប់រុករករ៉ែមួយដែលគ្រប់គ្រងដោយក្រុមហ៊ុន Brazilian Vale SA និង Australian BHP Biliton Ltd បានផ្ទុះកាលពីដើមខែ។ សារធាតុទាំងនោះបានហូរចូលសមុទ្រអាត្លង់តិក ក្នុងរដ្ឋ Espirito Sant o ប្រទេសប្រេស៊ីល នៅថ្ងៃទី២៤ ខែវិច្ឆិកា ឆ្នាំ២០១៥។

អ្នករបាំជាមួយនឹងការសម្តែង Pilobolus នៅក្នុងការហាត់សមមួយសម្រាប់ការសម្តែងបើកឆាកនៃការសម្តែងសិល្បៈ Pilobolus ឈ្មោះ « Shadowland (ដែនដីស្រមោល)» នៅឯមជ្ឈមណ្ឌលសម្តែងសិល្បៈ 'NYU Skirball for the Performing Arts' នៅក្នុងទីក្រុងញូវយ៉ក នៅថ្ងៃទី២០ ខែវិច្ឆិកា ឆ្នាំ២០១៥។

ហ្វូងសត្វស្លាបហោះហើរ ខណៈពេលជើងហោះហើរយន្តហោះ Delta airlines ចុះចតនៅឯព្រលានយន្តហោះ អន្តរជាតិ Reagan ក្នុងរដ្ឋធានីវ៉ាស៊ីនតោន នៅថ្ងៃទី១៨ ខែវិច្ឆិកា ឆ្នាំ២០១៥។

ជួរទឹកកកកកជាជួរប៉ុន្មានអ៊ីញបន្ថែមលើផ្លាកសញ្ញាទិសដៅ នៅកំពូលភ្នំ Adams កំពស់ ៥៧៧៤ ហ្វូត
ជាភ្នំដែលខ្ពស់ជាងគេទី២នៅក្នុងរដ្ឋ New England នៅភាគខាងជើងនៃ New Hampshire សហរដ្ឋអាមេរិក នៅថ្ងៃទី១៧ ខែវិច្ឆិកា ឆ្នាំ២០១៥។

សមាជិកកងពន្លត់អគ្គីភ័យបារាំងជួយសង្គ្រោះអ្នករងរបួសម្នាក់នៅក្បែរកន្លែងប្រគុំតន្រ្តី Bataclan បន្ទាប់ពីមានការបាញ់ប្រហារនៅក្នុងទីក្រុងប៉ារីស ប្រទេសបារាំង នៅថ្ងៃទី១៣ ខែវិច្ឆិកា ឆ្នាំ២០១៥។ មានមនុស្សយ៉ាងហោចណាស់១៣០នាក់ត្រូវបានសម្លាប់នៅក្នុងការវាយប្រហារជាច្រើនកន្លែង។

កសិករម្នាក់ឈ្មោះ Zhang Xianping ជិះលើសត្វជ្រូករបស់លោកឈ្មោះ «Big Precious (ធំវិសេស)» នៅក្នុងក្រុងZhangjiakou ខេត្ត Hebei ប្រទេសចិន នៅថ្ងៃទី២ ខែវិច្ឆិកា ឆ្នាំ២០១៥។

ផ្សែងអព្ទនៅជុំវិញដើមឈើនារដូវស្លឹកឈើជ្រុះ និង ទេសភាពស្ពាន Rakotzbruecke ក្នុងឧទ្យាន Rhododendronpark Kromlau ភាគខាងកើតប្រទេសអាល្លឺម៉ង់ នៅថ្ងៃទី២៧ ខែតុលា ឆ្នាំ២០១៥។

កូនសិស្សជាច្រើនពាន់នាក់ហ្វឹកហាត់ក្បាច់គុន Taichi នៅលើទីលានហាត់នៃវិទ្យាល័យមួយ ដើម្បីបំបែកកំណត់ពិភពលោក Guinness លើផ្នែក ការបង្ហាញសិល្បៈគុនធំជាងគេបំផុត នាពេលថ្ងៃស្រទុំមួយ ក្នុងក្រុង Jiaozuo ខេត្ត Henan ប្រទេសចិន នៅថ្ងៃទី១៨ ខែតុលា ឆ្នាំ២០១៥។

បុរសម្នាក់និងក្មេងស្រីម្នាក់ជ្រកភ្លៀងយកស្លឹកចេកគ្របខ្លួនពីភ្លៀង នៅតំបន់សមុទ្រមួយជាយក្រុង Colon City ប្រទេសប៉ាណាម៉ា (Panama) នៅថ្ងៃទី១៧ ខែតុលា ឆ្នាំ២០១៥។

មនុស្សម្នាមើលថ្ងៃលិចពីលើសណ្ឋាគារ Marina Bay Sands ក្នុងប្រទេសសិង្ហបុរី នៅថ្ងៃទី៥ ខែតុលា ឆ្នាំ២០១៥។

នៅក្នុងរូបថតដែលមិនបានបញ្ជាក់ថ្ងៃថតដែលបញ្ចេញដោយអង្គការគ្រូពេទ្យគ្មានព្រំដែន (MSF) កាលពីថ្ងៃទី៣ ខែតុលា ឆ្នាំ២០១៥ បង្ហាញពីបុគ្គលិកពេទ្យនៃអង្គការនេះកំពុងព្យាបាលជនស៊ីវិលអាហ្វហ្គានីស្ថាន ដែលរងរបួសដោយសារការវាយប្រហារពីក្រុមតាលីបង់ នៅឯមន្ទីរពេទ្យរបស់អង្គការ MSF នៅក្នុងក្រុង Kunduz។ ការវាយប្រហារតាមអាកាសទៅលើមន្ទីរពេទ្យក្នុងទីក្រុង Kunduz ដោយធ្វើឲ្យគ្រូពេទ្យនៃអង្គការនេះ៣នាក់ស្លាប់ និងរាប់សិបនាក់រងរបួស នេះបើតាមអង្គការសប្បុរសធម៌មួយនេះឲ្យដឹង ហើយកងកម្លាំងសហរដ្ឋអាមេរិកអាចស្ថិតនៅពីក្រោយការវាយប្រហារនេះ។

ចន្ទគ្រាសលើបាតុភូតព្រះចន្ទ supermoon ក្នុងក្រុង Burbank រដ្ឋកាលីហ្វ័រញ៉ា នៅថ្ងៃទី២៧ ខែកញ្ញា ឆ្នាំ២០១៥។

សម្តេចប៉ាប ហ្វ្រង់ស៊ីសផ្តើមពិធីសូត្រធម៌រួម (Mass) នៅខាងក្រៅព្រះវិហារ Basilica of the National Shrine Immaculate Conception នៅថ្ងៃទី២៣ ខែកញ្ញា ឆ្នាំ២០១៥។

ទូកនេសាទមួយត្រូវបានបក់មកលើដីគោកក្នុងកំពង់ផែ Coquimbo ចម្ងាយ៤៤៥គីឡូម៉ែត្រពីទីក្រុង Santiago ក្នុងអំឡុងពេលយប់ដែលមានរញ្ជួយផែនដីនៅក្នុងប្រទេសឈីលី នៅថ្ងៃទី១៧ ខែកញ្ញា ឆ្នាំ២០១៥។ មនុស្សមួយលាននាក់ត្រូវបានជម្លៀសចេញពីផ្ទះសម្បែង បន្ទាប់ពីរញ្ជួយផែនដីកម្រិត ៨,៣ រ៉ិចទ័រ បានកើតឡើងនៅក្នុងសមុទ្រប៉ាស៊ីហ្វិក សម្លាប់មនុស្សយ៉ាងហោចណាស់១២នាក់ និងបង្កឲ្យមានរលកយក្សស៊ូណាមិនៅតាមបណ្តោយឆ្នេរភាគខាងជើង។

Treasury Secretary Steven Mnuchin walks past a display of the U.S. national debt as he testifies to the House Financial Services Committee on "The Annual Report of the Financial Stability Oversight Council," on Capitol Hill in Washington.

រថយន្តឆ្លុះមើលឃើញផ្ទៃខាងក្នុងរបស់ក្រុមហ៊ុន ZF ដែលបំពាក់ដោយប្រព័ន្ធសន្តិសុខផ្សេងមួយ ត្រូវបានដាក់តាំងបង្ហាញនៅថ្ងៃទី២នៃពិព័រណ៌ឡាន Frankfurt Auto Show IAA ប្រទេសអាល្លឺម៉ង់ នៅថ្ងៃទី១៦ ខែកញ្ញា ឆ្នាំ២០១៥។

ប៉ូលិសត្រូវបានគេគប់ស៊ុតលើ ខណៈពេលដែលកសិករនិងអ្នកចិញ្ចឹមគោនៅទូទាំងទ្វីបអ៊ឺរ៉ុបចូលរួមបាតុកម្ម អំពាវនាវឲ្យមានការជួយលើទំនិញដែលលក់បានតម្លៃថោកតែការចំណាយថ្លៃ នៅខាងក្រៅការប្រជុំជាបន្ទាន់របស់រដ្ឋមន្រ្តីកសិដ្ឋាននៃសហភាពអ៊ឺរ៉ុប នៅឯទីស្នាក់ការកណ្តាលក្រុមប្រឹក្សាសហភាពអ៊ឺរ៉ុប ក្នុងទីក្រុងព្រុចសែល ប្រទេសបែលហ្ស៊ិក នៅថ្ងៃទី៧ ខែកញ្ញា ឆ្នាំ២០១៥។

ប៉ូលិសតួកកីម្នាក់ឈរក្បែរសាកសពជនភៀសខ្លួនជាកុមារម្នាក់ឈ្មោះ Aylan Shenu នៅលើឆ្នេរសមុទ្រ Bodrum ភាគខាងត្បូងប្រទេសតួកគី នៅថ្ងៃទី២ ខែកញ្ញា ឆ្នាំ២០១៥ បន្ទាប់ពីទូកមួយដែលដឹកជនភៀសខ្លួនបានលិចខណៈពេលឆ្លងទៅកោះ Kos របស់ប្រទេសក្រិក។

ប៉ូលិសជួយសហការីរងរបួស ក្នុងអំឡុងពេលប៉ះទង្គិចជាមួយសកម្មជនរបស់គណបក្សជ្រុលនិយមអ៊ុយក្រែន នៅមុខសភា ក្នុងទីក្រុងគាវ (Kyiv) នៅថ្ងៃទី៣១ ខែសីហា ឆ្នាំ២០១៥។

ភ្លើងឆេះព្រៃ TePee ត្រូវបានគេប្រទះឃើញកំពុងឆាបឆេះពីស្ពាន Manning ខណៈដែលភ្លើងឆេះនេះរាលដាលឆ្លងទន្លេ Salmon ថតដោយទីភ្នាក់ងារព្រៃឈើសហរដ្ឋអាមេរិក នៅថ្ងៃទី២៩ ខែសីហា ឆ្នាំ២០១៥។ ផ្ទៃដីមួយផ្នែកប្រហែល២៩គីឡូម៉ែត្រការេនៃទន្លេ Salmon ភាគខាងកើតនៃព្រំដែនរដ្ឋ Oregon ត្រូវបានបិទ ចំពោះការអុំទូកលេងនិងស្ទូចត្រី ដោយសារតែភ្លើងឆេះព្រៃ TePee Spring។ ភ្លើងបានឆាបឆេះព្រៃលើសពី៣១៦ គីឡូម៉ែត្រការេនៃព្រៃឧទ្យានជាតិ Payette និងដើមឈើដែលនៅជុំវិញនោះ។

កីឡាករជាតិ Jamaica ឈ្មោះ Usain Bolt ត្រូវបានបុកដោយអ្នកថតវីដេអូដែលឈរលើម៉ាស៊ីនដើរដោយខ្លួនឯង Segway បន្ទាប់ពីកីឡាករនេះបានឈ្នះវិញ្ញាសាររត់ចម្ងាយបុរស២០០ម៉ែត្រ នៅក្នុងការប្រកួត IAAF World Championships លើកទី១៥ នៅពហុកីឡាដ្ឋានជាតិ ក្នុងទីក្រុងប៉េកាំង នៅថ្ងៃទី២៧ ខែសីហា ឆ្នាំ២០១៥។

ប្រជាជនយកទ្រព្យសម្បត្តិរបស់ពួកគេឆ្លងកាត់ទន្លេ Tachira ដែលជាព្រំដែនទន្លេរវាងវ៉េណេស៊ុយអេឡា (Venezuela) និង កូឡុំប៊ី (Colombia) នៅក្បែរភូមិ Villa del Rosario នៅថ្ងៃទី២៥ ខែសីហា ឆ្នាំ២០១៥។

ជនភៀសខ្លួនម្នាក់អោបក្មេងប្រុសម្នាក់ នៅពេលដែលពួកគេត្រូវជាប់គាំងកណ្តាលប៉ូលិសបង្ក្រាបបាតុកររបស់ប្រទេសម៉ាសេដ្ឋាន (Macedonia) និងក្រុមជនភៀសខ្លួន ក្នុងពេលប៉ះទង្គិចនៅក្បែរស្ថានីយរថភ្លើង Idomeni នៅព្រំដែនភាគខាងជើង ប្រទេសក្រិក។ ពួកគេត្រូវរង់ចាំការអនុញ្ញាតពីប៉ូលិសប្រទេសម៉ាសេដ្ឋានដើម្បីឆ្លងព្រំដែនពីប្រទេសក្រិកទៅម៉ាសេដ្ឋាន នៅថ្ងៃទី២១ ខែសីហា ឆ្នាំ២០១៥។

ផ្សែងផុលចេញពីកន្លែងដែលរងការផ្ទុះមួយ ដែលបានធ្វើឲ្យឆេះខូចខាតរថយន្តថ្មីនៅឃ្លាំងមួយនៅក្រុងកំពង់ផែ Tianjin ភាគឦសានប្រទេសចិន។ ការផ្ទុះធំៗនៅសង្កាត់ទីតាំងឃ្លាំងនោះបានបញ្ជូនដុំភ្លើងធំៗចូលទៅក្នុងមេឃយប់ងងឹតដោយធ្វើឲ្យមានពន្លឺពាសពេញនៅទីក្រុងកំពង់ផែនោះ នេះបើយោងទៅតាមក្រុមមន្រ្តី និងអ្នកបានឃើញហេតុការណ៍។

អ្នកទស្សនាម្នាក់កាន់ឆ័ត្រដើរកាត់សួនផ្កា lavender នៅក្នុងសួនមួយក្នុងក្រុង Shenyang ខេត្ត Liaoning ភាគឦសានប្រទេសចិន នៅថ្ងៃទី១២ ខែសីហា ឆ្នាំ២០១៥។

ក្មេងស្រីជាតិស៊ីរីរងរបួសម្នាក់យំនៅក្នុងកន្លែងព្យាបាលបណ្តោះអាសន្នមួយ ក្នុងតំបន់ដែលគ្រប់គ្រងដោយក្រុមឧទ្ទាមនៅតំបន់ Douma ភាគខាងកើតនៃរដ្ឋធានី Damascus បន្ទាប់ពីការវាយប្រហារតាមអាកាសដោយកងកម្លាំងរដ្ឋាភិបាល នៅថ្ងៃទី១២ ខែសីហា ឆ្នាំ២០១៥។

ក្មេងប្រុសម្នាក់ហែលទឹកនៅក្នុងទឹកជំនន់ នៅភូមិ Kyaut Ye នៅក្បែរតំបន់ទីប្រជុំ Hinthada ក្បែរតំបន់ដីសណ្ត Irrawaddy Delta ក្នុងប្រទេសមីយ៉ាន់ម៉ា។

កីឡាករអ៊ីតាលី Andrea Baldini (ស្តាំ) និងកីឡាកររុស្ស៊ី Artur AKhmatkhuzin ក្នុងអំទ្បុងពេលប្រកួតដណ្តើមយកមេដោយមាសលើការប្រកួតគុណដាវបុរសថ្នាក់ពិភពលោក កាលពីថ្ងៃទី១៩ ខែកក្កដា ឆ្នាំ២០១៥។

រូបថតនេះទទួលបានពីក្រុមហ៊ុន Red Bull បង្ហាញពីការលោតមុជទឹកពីកំពស់ ២៧ម៉ែត្ររបស់កីឡាករជនជាតិម៉ិចស៊ិក Jonathan Paredes ក្នុងចំណោតទី៥នៃព្រឹត្តិការណ៍ Red Bull Cliff Diving World Series នាកោះ Islet Franco do Campo ក្នុងតំបន់ Azores ប្រទេសព័រទុយហ្គាល់។

កីឡាករប្រណាំងឡាន Austin Dillon បើកឡានលេខ៣ Bass Pro Shops Chevrolet ស្ថិតនៅក្នុងឧបទ្ទវហេតុមួយ នៅក្នុងការប្រកួតពាន NASCAR Sprint Cup Series នៅក្នុងក្រុង Daytona Beach រដ្ឋ Florida សហរដ្ឋអាមេរិក នៅថ្ងៃទី៦ ខែកក្កដា ឆ្នាំ២០១៥។

កូនតោដែលទើបនឹងកើតអង្គុយនៅក្បែរមេរបស់ពួកវានៅក្នុងតំបន់ Khutani នៅក្នុងតំបន់អភិរក្ស Junagadh នៅក្នុងទីក្រុងរដ្ឋ ហ្គូដ្យារ៉ាត (Gujarat )។ (រូបភាពដោយឧទ្យានជាតិ Gir និងអ្នកអភិរក្សព្រៃ Sandeep Kumar ជនជាតិឥណ្ឌា)

ជនចំណាកស្រុកដែលត្រូវបានគេប្រទះឃើញនៅលើទូកឯសមុទ្រ ប្រមូលទឹកភ្លៀងនៅឯជំរុំជនភៀសខ្លួនបណ្ណោះអាសន្នមួយនៅក្បែរតំបន់ Kanyin Chaung ខាងក្រៅសង្កាត់ Maungdaw ភាគខាងជើងរដ្ឋ Rakhine ប្រទេសមីយ៉ាន់ម៉ា នៅថ្ងៃទី៤ ខែមិថុនា ឆ្នាំ២០១៥។ ពួកគេត្រូវបានគេឃើញអណ្តែតនៅលើសមុទ្រ Andaman ក្នុងទូកនេសាទដែលផ្ទុកមនុស្សលើសចំណុះមួយ។

ផ្ទះលើទូកមួយចតនៅទឹករាក់មួយកន្លែងនៅជ្រលងមួយនៅក្បែរអាងទឹក Lake Powell រដ្ឋ Arizona
សហរដ្ឋអាមេរិក នៅថ្ងៃទី២៦ ខែឧសភា ឆ្នាំ២០១៥។

បុរសម្នាក់ប្រើទូរស័ព្ទដៃរបស់គាត់ពេលជិះសត្វអូដ្ឋកាត់ចរាចរណ៍ដ៏មមាញឹកកណ្តាលក្រុងគែរ (Cairo) ប្រទេសអាហ្ស៊ីប នៅថ្ងៃទី២០ ខែឧសភា ឆ្នាំ២០១៥។

តារាចម្រៀង Rihannaមកដល់សារមន្ទីរ Metropolitan Museum of Art Costum Institiuteនៅក្នុងពិធីបើកសម្ភោធ «China: Through the Looking Glass» នៅក្នុងសង្កាត់ Manhattan ក្រុងញូវយ៉ក នៅថ្ងៃទី៤ ខែឧសភា ឆ្នាំ២០១៥។

ក្រុមអ្នកជួយសង្គ្រោះកាយកំទេចកំទីចេញ ខណៈពេលពួកគេស្វែងរកជនរងគ្រោះពីការរញ្ជួយផែនដីនៅតំបន់ Bhaktapur ក្បែរទីក្រុងកដ្ឋមណ្ឌូ (Kathmandu) ប្រទេសនេប៉ាល់ នៅថ្ងៃទី២៦ ខែមេសា ឆ្នាំ២០១៥។ ការរញ្ជួយផែនដីកម្រិត ៧,៨រ៉ិចទ័រ បានអង្រួនរដ្ឋធានីនិងតំបន់ Kathmandu Valley ដែលមានមនុស្សរស់នៅច្រើន ធ្វើឲ្យមានការខូចខាតធ្ងន់ធ្ងរដោយផ្តួលរំលំជញ្ជាំងផ្ទះនិងអគារជាច្រើន នេះបើតាមការឲ្យដឹងពីមន្រ្តី។ មានមនុស្សលើសពី៩០០០នាក់បានស្លាប់។

ទិដ្ឋភាពពីតំបន់ Puerto Varas ភាគខាងត្បូងប្រទេសឈីលី បង្ហាញពីផ្សែងកំអែលភ្នំភ្លើង Calbuco ហោះឡើងក្រាស់ នៅថ្ងៃទី២៣ ខែមេសា ឆ្នាំ២០១៥។

ស្រ្តីម្នាក់លំហែកាយនឹងកម្តៅថ្ងៃនៅលើច្រាំងទន្លេ Yenisei ក្រោមសីតុណ្ហភាព ១៣ អង្សារ នៅខណ្ឌ Taiga ខាងក្រៅទីក្រុង Krasnoyarsk ប្រទេសរុស្ស៊ី នៅថ្ងៃទី៦ ខែមេសា ឆ្នាំ២០១៥។

អ្នកកាន់ទុក្ខតម្រង់ជួរគ្នាដើម្បីគោរពសពអតីតនាយករដ្ឋមន្រ្តី Lee Kuan Yew នៅសភា ក្នុងប្រទេសសិង្ហបុរី ថ្ងៃទី២៨ ខែមិនា ឆ្នាំ២០១៥។ លោកស្លាប់នៅអាយុ៩១ឆ្នាំ កាលពីថ្ងៃទី២៣ ខែមិនា។

ប៉ូលិសវាយបាតុករជានិស្សិតម្នាក់នៅក្នុងអំពើហិង្សាមួយក្នុងតំបន់ Letpadan នៅថ្ងៃទី១០ ខែមិនា ឆ្នាំ២០១៥។ ប៉ូលិសមីយ៉ាន់ម៉ាបានវាយនិស្សិតនឹងដំបង ហើយឃុំខ្លួនពួកគេខ្លះ នៅពេលដែលប៉ូលិសបានបំបែកហ្វូងបាតុករជាង២០០នាក់ ដែលបានប្រឈមនឹងកងកម្លាំងសន្តិសុខអាស់រយៈពេលជាងមួយសប្តាហ៍ នេះបើតាមការឲ្យដឹងពីអ្នកឃើញព្រឹត្តិការណ៍របស់ Reuters ម្នាក់។ ក្រុមនិស្សិតតវ៉ាអំពីសេចក្តីព្រាងច្បាប់អប់រំ ដែលពួកគេនិយាយថារឹតត្បិតឯករាជ្យភាពនៃការសិក្សា។

រូបថតពីលើអាកាសបង្ហាញពី មនុស្សជាច្រើនដើរជានិមិត្តរូបឆ្លងកាត់ស្ពាន Edmund Pettus Bride ក្នុងក្រុង Selma រដ្ឋ Alabama នៅថ្ងៃទី៨ ខែមិនា ឆ្នាំ២០១៥ ដើម្បីរំឭកខួបទី៥០នៃថ្ងៃ Bloody Sunday ដែលជាថ្ងៃដើរក្បួនដើម្បីបានសិទ្ធស៊ីវិល ហើយបាតុករទាំងនោះត្រូវបានប៉ូលិសវាយនិងប្រើឧស្ម័នបញ្ចេញទឹកភ្នែកនៅលើស្ពាននោះ។

លោក Arthur ឈរជាមួយឆ្កែរបស់លោកឈ្មោះ Cody នៅអំឡុងពេលថ្ងៃទីមួយនៃពិធីបង្ហាញ Crufts Dog Show ក្នុងទីក្រុង Birmingham ផ្នែកកណ្តាលប្រទេសអង់គ្លេស នៅថ្ងៃទី៥ ខែមិនា ឆ្នាំ២០១៥។

ការសម្តែងលើអាកាសដោយយន្តហោះ នៅឯពិធី Australian International Airshow នៅមូលដ្ឋានអាកាស Avalon ក្នុងក្រុង Lara ភាគនិរតីនៃទីក្រុង Melbourne ប្រទេសអូស្រ្តាលី នៅថ្ងៃទី២៤ ខែកុម្ភៈ ឆ្នាំ២០១៥។

ប៉ូលិសម៉ាល់ឌីវ (Maldives) ព្យាយាមរុញលោកអតីតប្រធានាធិបតី Mohamed Nasheed ខណៈពេលលោកមកដល់តុលាការនៅថ្ងៃទី២៣ ខែកុម្ភៈ ឆ្នាំ២០១៥។ តុលាការក្នុងប្រទេសម៉ាល់ឌីវនឹងសម្រេចថា តើឲ្យអតីតប្រធានាធិបតីនៅក្រៅឃុំឬអត់ បន្ទាប់ពីមានការចាប់ខ្លួនដ៏គួរឲ្យភ្ញាក់ផ្អើលមួយ ពីបទភេរវកម្ម។

ក្មេងៗស្លៀកសំលៀកបំពាក់បុរាណចិន សម្រាប់ថ្ងៃចូលឆ្នាំចិន នៅក្នុងទីក្រុងហុងកុង នៅថ្ងៃទី១៧ ខែកុម្ភៈ ឆ្នាំ២០១៥។

កូនសត្វបក្សីមួយក្បាលលូកចូលមាត់មេវាដើម្បីស៊ីចំណី ក្នុងតំបន់ព្រៃលិចទឹក Wakodahatchee Wetlands នៅឯឆ្នេរ Delray រដ្ឋ Florida សហរដ្ឋអាមេរិក នៅថ្ងៃទី១០ ខែកុម្ភៈ ឆ្នាំ២០១៥។

ប៉ូលិសអ៊ុយក្រែនម្នាក់បោះស្លាកសញ្ញាទៅលើរបងមួយដែលកំពុងឆេះ ក្រោយអ្នកប្រយុទ្ធកងវរសេនាតូចស្ម័គ្រចិត្តអ៊ុយក្រែន Aydar ដុតសម្បកកង់ឡាននៅក្លោងទ្វារចូលក្រសួងការពារអ៊ុយក្រែន នៅក្នុងទីក្រុងគាវ នៅថ្ងៃទី២ ខែកុម្ភៈ ឆ្នាំ២០១៥ ដើម្បីការពារកុំឲ្យមានការរំសាយកងវរសេនាតូចរបស់ពួកគេ។

អ្នកចូលរួមប្រកួតម្នាក់គ្រវីក្បាលដើម្បីឲ្យទឹកចេញពីក្បាល នៅក្នុងការប្រកួតបុរសខ្លាំងនៅក្នុងភូមិ Perton នៅភាគកណ្តាលប្រទេសអង់គ្លេស នៅថ្ងៃទី១ ខែកុម្ភៈ ឆ្នាំ២០១៥។

លោក Dexter Newcomb ចាប់ផ្តើមសម្អាតផ្ទះរបស់លោកនៅក្នុងក្រុង Scituate រដ្ឋ Massachusetts នៅថ្ងៃទី២៨ ខែមករា ឆ្នាំ២០១៥ បន្ទាប់ពីព្យុះទឹកកកបានធ្វើឲ្យតំបន់របស់លោកគ្របដណ្តប់ទៅដោយទឹកកក និងខ្សាច់។

ស្រ្តីកុម្ម៉ង់ដូកងកម្លាំងសន្តិសុខព្រំដែនប្រទេសឥណ្ឌាម្នាក់ រត់ចេញពីផ្សែងក្រាស់មួយ នៅក្នុងសមយុទ្ធមួយនៅឯបន្ទាយហ្វឹកហាត់ Kharkan នៅទីក្រុង Hoshiarpur ចម្ងាយ៦០គីឡូម៉ែត្រពីទីក្រុង Jalandhar នៅថ្ងៃទី១៣ ខែមករា ឆ្នាំ២០១៥។

អ្នកដើរក្បួនបានលើផ្ទាំងរូបផ្គុំគ្នាជាភ្នែករបស់លោក Stephane Charbonnier ជានិពន្ធនាយកនៃកាសែត Charlie Hebdo ខណៈពេលដែលប្រជាពលរដ្ឋបារាំងរាប់រយនាក់ចូលរួមក្នុងការដើរក្បួនសាមគ្គីភាព នៅលើផ្លូវជាច្រើនក្នុងទីក្រុងប៉ារីស នៅថ្ងៃទី១១ ខែមករា ឆ្នាំ២០១៥។ ការដើរក្បួនរបស់ប្រជាពលរដ្ឋបារាំងនេះក៏ត្រូវបានចូលរួមដោយមេដឹកនាំបរទេសរាប់សិបនាក់ នៅក្នុងការគោរពដែលមិនធ្លាប់មានពីមុនមកដល់ជនរងគ្រោះដែលបានស្លាប់នៅក្នុងការបាញ់ប្រហារនៅក្នុងការិយាល័យកាសែតចេញផ្សាយប្រចាំសប្តាហ៍ Charlie Hebdo ការស្លាប់របស់ប៉ូលិសស្រីនៅតំបន់ Montrouge និងការចាប់ចំណាប់ខ្មាំងនៅឯហាងលក់គ្រឿងទេសអាហារជ្វីព នៅតំបន់ Porte de Vincennes ។

នៅក្នុងរូបភាពមួយនៅក្នុងវីដេអូនៅថ្ងៃទី៦ ខែមករា ឆ្នាំ២០១៥ ចេញផ្សាយដោយសារព័ត៌មាន Al-Youm al-Saabi បង្ហាញពីរូបប៉ូលិសអេហ្ស៊ីបម្នាក់បានប៉ើងឡើង ខណៈពេលដែលលោកព្យាយាមដោះគ្រាប់បែកមួយនៅខាងក្រៅប៉ុស្តិ៍យាមមួយនៅក្នុងទីក្រុងគែរ (Cairo)។ ប៉ូលិសរូបនោះបានស្លាប់ ហើយក្រុមជ្រុលនិយមជីហាត (jihadist) បានចេញមុខទទួលខុសត្រូវ នេះបើតាមការឲ្យដឹងពីប៉ូលិស។ មានបុគ្គលិកបីនាក់ក៏ត្រូវបានរងរបួសនៅពេលគ្រាប់បែកដែលលាក់នៅក្នុងផើងផ្កា បានផ្ទុះនៅក្បែរស្ថានីយប៉ូលិសនៅលើផ្លូវ Al-Harram។

ជនជាតិន័រវែសម្នាក់ឈ្មោះ Anders Jacobsen សំកាំងនៅកណ្តាលអាកាស ខណៈពេលលោតសាកល្បងនៅដំណាក់កាលទី៣នៃការប្រកួតជិះស្គីពីលើកំពូលភ្នំចំនួន៤ នៅទីក្រុង Innsbruck ប្រទេសអូទ្រីស នៅថ្ងៃទី៣ ខែមករា ឆ្នាំ២០១៥។

មនុស្សម្នាអង្គុយនៅក្បែររថយន្តដឹកទំនិញលើសចំណុះមួយ នៅជំរំ Madama ក្បែរព្រំដែនជាប់ប្រទេសលីប៊ី នៅថ្ងៃទី១ ខែមករា ឆ្នាំ២០១៥។