រូបភាពជុំវិញពិភពលោក ០៥ សីហា ២០១៨
ប៉ូលិសសហព័ន្ធរបស់អេត្យូពីឃាត់ខ្លួនស្ត្រីម្នាក់ដែលសង្ស័យពីបទកាន់អាវុធផ្ទុះនៅក្នុងពិធីស្វាគមន៍លោក Jawar Mohammed សកម្មជន និងមេដឹកនាំចលនា Oromo Protests ដែលមានមូលដ្ឋាននៅសហរដ្ឋអាមេរិក នៅក្នុងក្រុង Addis Ababa ប្រទេសអេត្យូពី។
ព្រះអាទិត្យរះនៅពីក្រោយព្រះវិហារ St. Paul's Cathedral និងឧបករណ៍ស្ទួច នៅពេលព្រឹកព្រលឹមមួយនៅក្នុងក្រុងឡុងដ៍។
លោក Andy Jones មកពីសហរដ្ឋអាមេរិកលោតជ្រមុជទឹកពីលើបឹង Lake Lucerne ដែលមានកម្ពស់២៧ម៉ែត្រ នៅក្នុងវគ្គផ្តាច់ព្រ័ត្រនៃការប្រកួតលោតជ្រមុជទឹក Red Bull Cliff Diving នៅក្នុងក្រុង Sisikon ប្រទេសស្វ៊ីស កាលពីថ្ងៃទី៤ ខែសីហា ឆ្នាំ២០១៨។
អ្នកជំងឺជាច្រើនស្ថិតនៅខាងក្រៅមន្ទីរពេទ្យរដ្ឋមួយនៅក្បែរក្រុង Denpasar កោះបាលី ប្រទេសឥណ្ឌូណេស៊ី បន្ទាប់ពីមានគ្រោះរញ្ជួយដីដ៏ខ្លាំងមួយនៅក្បែរកោះ Lombok។
កងកម្លាំងសន្តិសុខរបស់វ៉េណេស៊ុយអេឡាយាមអគារ Bolivar Avenue ទីដែលរដ្ឋាភិបាលនិយាយថា មានការប្រើដ្រូនបំពាក់ដោយគ្រឿងផ្ទុះ នៅក្បែរលោកប្រធានាធិបតីវ៉េណេស៊ុយអេឡា Nicolas Maduro នៅក្នុងក្រុង Caracas ប្រទេសវ៉េណេស៊ុយអេឡា កាលពីថ្ងៃទី៤ ខែសីហា ឆ្នាំ២០១៨។
មនុស្សម្នាប្រមូលផ្តុំគ្នានៅក្បែរកន្លែងកើតហេតុនៃការធ្លាក់រថយន្តពីរគ្រឿងចូលទៅក្នុងប្រហោងមួយនៅលើផ្លូវក្នុងក្រុង Harbin ខេត្ត Heilongjiang ប្រទេសចិន កាលពីថ្ងៃទី៤ ខែសីហា ឆ្នាំ២០១៨។
បុរសម្នាក់លេងស្គីទឹកនៅលើបឹង Blauer See នៅក្នុងក្រុង Garbsen ប្រទេសអាល្លឺម៉ង់។
លោក Alex Schenck កាន់ធុងទឹកមួយ ក្នុងពេលពន្លត់អគ្គិភ័យ ដើម្បីជួយផ្ទះរបស់លោក ខណៈដែលភ្លើងឆេះព្រៃ Ranch Fire កំពុងឆាបឆេះលើផ្លូវ New Long Valley Rd ក្នុងរដ្ឋ California កាលពីថ្ងៃទី៤ ខែសីហា ឆ្នាំ២០១៨។
នេះជាទិដ្ឋាភាពពីលើអាកាសនៅពីលើឆ្នេរមួយនៅជាប់បឹង Silbersee ក្នុងពេលពេលរលកកម្តៅរយៈពេលយូរមួយនៅអឺរ៉ុបកណ្តាល នៅក្នុងក្រុង Haltern ប្រទេសអាល្លឺម៉ង់ កាលពីថ្ងៃទី៤ ខែសីហា ឆ្នាំ២០១៨។
កីឡាការនី Jodie Kenny របស់អូស្ត្រាលីវាយកូនបាល់មួយនៅក្នុងពេលប្រកួតកូនបាល់ hockey មួយរវាងអូស្ត្រាលី និងអេស្ប៉ាញ សម្រាប់ពានរង្វាន់ Women's Hockey World Cup ២០១៨ នៅមជ្ឈមណ្ឌល Lee Valley Hockey and Tennis Centre នៅក្នុងក្រុងឡុងដ៍ ប្រទេសអង់គ្លេស។
ហាងទំនិញក្នុងស្រុកមួយបានអញ្ជើញអតិថិជនរបស់ខ្លួនឲ្យគេងសម្រាកលេងដើម្បីឲ្យត្រជាក់ខ្លួន នៅពេលដែលមានរលកកម្តៅនៅក្នុងក្រុង Helsinki ប្រទេសហ្វាំងឡង់ កាលពីថ្ងៃទី៤ ខែសីហា ឆ្នាំ២០១៨។
កូនគោមួយក្បាលបោលទៅរកអ្នកទស្សនាដែលឈរនៅតាមផ្លូវ ក្នុងពេលរត់ប្រណាំងគោ នៅក្នុងក្រុង Pillaro ប្រទេសអេក្វាទ័រ កាលពីថ្ងៃទី៤ ខែសីហា ឆ្នាំ២០១៨។