រូបភាពជុំវិញពិភពលោក ៣១ សីហា ២០១៨
បាតុករជនជាតិប៉ាឡេស្ទីនបង្ហាញប្រតិកម្មខណៈដែលប៉ូលិសព្រំដែនអ៊ីស្រាអែល បោះគ្រាប់បែកសំឡេង ក្នុងពេលធ្វើបាតុកម្មប្រឆាំងនឹងការសាងសង់សំណង់របស់អ៊ីស្រាអែល នៅភូមិ Ras Karkar ជិតក្រុង Ramallah ក្នុងតំបន់ West Bank។
លោកស្រី Cindy McCain ភរិយារបស់សមាជិកព្រឹទ្ធសភា John McCain ឈរក្បែរមឈូសរបស់លោក នៅពេលលោកត្រូវបានគេដាក់នៅក្នុងអាគារ Rotunda របស់សហរដ្ឋអាមេរិក នៅរដ្ឋធានីវ៉ាស៊ីនតោន។
កូនសិស្សទាហានម៉ាឡេស៊ី កាន់ទង់ជាតិក្នុងថ្ងៃបុណ្យជាតិនៅទីក្រុង Putrajaya នៅជាយក្រុងគូឡាឡាំពួ។
តារាសម្ដែងនិងតារាចម្រៀង Lady Gaga (ឆ្វេង) និងតារាសម្ដែង Bradley Cooper ថតរូបនៅពេលមកដល់កម្មវិធីដាក់បញ្ចាំងភាពយន្ត «តារាបានប្រសូត្រហើយ» ក្នុងកម្មវិធីបុណ្យភាពយន្តលើកទី៧៥ នៅទីក្រុង Venice ក្នុងប្រទេសអ៊ីតាលី។
លោក Louis Farrakhan (ឆ្វេង) លោក Al Sharpton, លោក Jesse Jackson និងអតីតប្រធានាធិបតីសហរដ្ឋអាមេរិក ប៊ិល គ្លីនតុន (Bill Clinton) ចូលរួមក្នុងពិធីបុណ្យសពតារាចម្រៀងនិងអ្នកនិពន្ធ Aretha Franklin នៅវិហារ Greater Grace ក្នុងទីក្រុង Detroit។
មនុស្សម្នាព្យាយាមឡើងជិះឡានក្រុង ក្រោយពេលសេវាដឹកជញ្ជូនក្រោមដីបានផ្អាកដំណើរការដោយសារតែដាច់ចរន្តអគ្គិសនី នៅទីក្រុងការ៉ាកាស ប្រទេសវេណេស៊ុយអេឡា។
ប៉ូលិសក្រុង La Joya ម្នាក់ឈរនៅមុខយុវជនអាយុ ១៨ឆ្នាំម្នាក់ដែលដេកដួលរងរបួសដោយសារគ្រោះថ្នាក់ចរាចរណ៍ នៅពេលគាត់ដឹកមនុស្ស២នាក់ និងស្ត្រីម្នាក់ដែលបានចូលមកសហរដ្ឋអាមេរិកដោយខុសច្បាប់ ចេញពីព្រំដែនប្រទេសម៉ិកស៊ិក ក្នុងទីក្រុង Penitas រដ្ឋតិចសាស។
រថភ្លើងល្បឿនលឿនដែលត្រូវបានគេបើកសម្ពោធកាលពីថ្មីៗនេះ កំពុងសាកល្បងដំណើរការដោយចេញដំណើរពីក្រុង Yancheng ក្នុងខេត្ត Jiangsu និងក្រុង Lianyungang ប្រទេសចិន។