រូបភាពជុំវិញពិភពលោក ២៩ សីហា ២០១៨
ស្ត្រីម្នាក់បានមកដល់សន្និសីទកាសែតមួយសម្រាប់ IFA ដែលជាកម្មវិធី សម្រាប់ការតាំងបង្ហាញពាណិជ្ជកម្មឈានមុខគេរបស់ពិភពលោកសម្រាប់គ្រឿងអេឡិចត្រូនិចនិងគ្រឿងបរិក្ខាក្នុងផ្ទះ នៅទីក្រុងបែរឡាំងប្រទេសអាល្លឺម៉ង់។
ស្រ្តីម្នាក់ត្រូវបានគេជះទឹកប៉េងប៉ោះកិនអំឡុងពិធីបុណ្យ«Tomatina» ក្នុងទីក្រុង Bunol ប្រទេសអេស្ប៉ាញ។
ទាហានបានកំទេចចម្ការកញ្ឋាមួយនៅក្បែរទីក្រុង La Rumorosa រដ្ឋ Baja California ប្រទេសម៉ិកស៊ិក កាលពីថ្ងៃទី២៨ ខែ សីហា ឆ្នាំ ២០១៨។
នាង Sabri Nur Dhabitah និងនាង Ng Yan Yee ប្រកួតក្នុងវគ្គលោកទឹកកម្ពស់៣ម៉ែត្រផ្នែកនារីអំឡុងកីឡាអាស៊ី២០១៨ក្នុងទីក្រុងហ្សាការតាប្រទេសឥណ្ឌូណេស៊ី។
សត្វឃ្មុំជាច្រើនបានហោះមករោមលើរទេះនំប៉័ងប្រហិតនៅ Times Square ក្នុងបុរីញូវយ៉ក កាលពីថ្ងៃទី២៨ ខែសីហា ឆ្នាំ ២០១៨។ យោងតាមប៉ូលិស សត្វឃ្មុំជាង៣ម៉ឺនក្បាល បានមកប្រមូលផ្តុំនៅលើឆ័ត្ររបស់រទេះអាហារនេះ។ គេមិនដឹងថាអ្វីដែលបានទាក់ទាញឃ្មុំទាំងនេះទេ។ ប៉ូលិសនៃបុរីញូវយ៉កបានរុំព័ទ្ធផ្លូវ៤៣ នៅវិថីទី៧ ខណដែលនាយកដ្ឋានពិនិត្យឃ្មុំ មកបូមសត្វទាំងនេះដាក់ធុង ដែលនឹងប្រើរយៈពេលបូម២០នាទីទើបអស់។
ប្រជាជនក្នុងទីក្រុងញូវយ៉កគេចពីឃ្មុំនៅ Times Square កាលពីថ្ងៃទី២៨ សីហា ឆ្នាំ ២០១៨។
អ្នកនេសាទត្រីចុះពីទូកហើយយកត្រីទៅលក់នៅផ្សារ នៅច្រាំងទន្លេ Brahmaputra ទីក្រុង Guwahati ប្រទេសឥណ្ឌា។
អ្នកនេសាទត្រីចុះពីទូកហើយយកត្រីទៅលក់នៅផ្សារ នៅច្រាំងទន្លេ Brahmaputra ទីក្រុង Guwahati ប្រទេសឥណ្ឌា។
ប៉ូលិសម្នាក់ចាប់ខ្លួនអ្នកគាំទ្រក្លឹបកីឡាករបាល់ទាត់ Santos ម្នាក់អំឡុងការប្រកួតជាមួយនឹងក្រុមមកពីក្លឹប Independiente ក្នុងទីក្រុង Sao Paulo ប្រទេសប្រេស៊ីលកាលពីថ្ងៃទី២៨ ខែ សីហា ឆ្នាំ ២០១៨។
ប្រជាជនដើរកាត់រថយន្តមួយគ្រឿង ដែលម្ចាស់របស់រថយន្តនិយាយថាត្រូវបានខូចខ្ទិចខ្ទីអំឡុងការប៉ះទង្គិចរវាងប៉ូលិសនិងក្រុមក្មេងអន្ធពាលញៀនថ្នាំ ក្នុងទីក្រុង Rio de Janeiro ប្រទេសប្រេស៊ីលកាលពីថ្ងៃទី២៨ ខែ សីហា ឆ្នាំ ២០១៨។
ក្រុមទាហាននេប៉ាល់ ឈរយាមមុននឹងប្រមុខរដ្ឋនានាមកដល់ក្នុង កិច្ចប្រជុំកំពូលគំនិតផ្តួចផ្តើមនៃឈូងសមុទ្របេងហ្គាល់សម្រាប់កិច្ចសហប្រតិបត្តិការបច្ចេកទេសនិងសេដ្ឋកិច្ចពហុវិស័យលើកទី៤នៅអាកាសយានដ្ឋានអន្តរជាតិ Tribhuvan ក្នុងទីក្រុង Kathmandu។