រូបភាពជុំវិញពិភពលោក ២៣ សីហា ២០២០
អ្នកគាំទ្រក្រុមប្រឆាំងដែលកាន់ទង់ជាតិបេឡារុសចាស់ៗប្រមូលផ្តុំគ្នានៅទីលានឯករាជ្យនៅក្នុងក្រុង Minsk ប្រទេសបេឡារុស។
អ្នកនេសាទរៀបចំសំណាញ់របស់ពួកគេ បន្ទាប់ពីនេសាទរួច នៅក្នុងក្រុង Shamlapur ប្រទេសបង់ក្លាដែស។
ស្ត្រីម្នាក់លាងភ្នែករបស់ខ្លួន បន្ទាប់ពីត្រូវឧស្ម័នទឹកភ្នែកនៅក្នុងបាតុកម្មមួយប្រឆាំងនឹងការរើសអើងជាតិសាសន៍នៅក្នុងក្រុង Portland រដ្ឋ Oregon កាលពីថ្ងៃទី២២ ខែសីហា ឆ្នាំ២០២០។
អ្នកប្រកួតម្នាក់លោតទៅក្នុងទឹកទន្លេ Vltava នៅក្នុងការប្រកួតលោតជ្រមុជទឹកកម្ពស់ខ្ពស់នៅក្នុងក្រុង Prague សាធារណរដ្ឋឆែក កាលពីថ្ងៃទី២២ ខែសីហា ឆ្នាំ២០២០។
មនុស្សម្នាសប្បាយរីករាយនឹងការមើលព្រះអាទិត្យលិចនៅបឹង Sasyk-Sivash ក្បែរភូមិ Pryberezhne តំបន់គ្រីមៀ កាលពីថ្ងៃទី២២ ខែសីហា ឆ្នាំ២០២០។
អ្នកស្ម័គ្រចិត្តម្នាក់ជ្រមុជទឹករូបសំណាកព្រះគនេសនៅក្នុងអាងទឹកសិប្បនិម្មិតមួយនៅក្នុងក្រុង Mumbai ប្រទេសឥណ្ឌា។
រូបភាពនេះបង្ហាញពីការថតរូបមួយរបៀបដែលអាចចាប់យកពន្លឺយន្តហោះដែលកំពុងចុះចតនៅអាកាសយានដ្ឋានមួយនៅក្នុងក្រុង Frankfurt ប្រទេសអាល្លឺម៉ង់។
ស្ត្រីម្នាក់ពាក់ម៉ាសថតរូបនៅផ្សារទំនើបមួយនៅក្នុងក្រុងប៉េកាំង ប្រទេសចិន។