រូបភាពជុំវិញពិភពលោក ២ សីហា ២០១៦
លោកនាយករដ្ឋមន្រ្តី Lee Hsien Loong របស់សិង្ហបុរីប្រើប្រាស់ទូរស័ព្ទដៃរបស់លោកដើម្បីថតរូបក្មេងស្រីម្នាក់ នៅពេលអ្នកដទៃទៀតឈរមើលក្នុងពិធីស្វាគមន៍ថ្នាក់រដ្ឋមួយនៅសេតវិមាន ក្នុងរដ្ឋធានីវ៉ាស៊ីនតោន។
កម្មករម្នាក់ដាក់ទឹកថ្នាំពណ៌ក្រហមចូលទៅក្នុងដបនៅកន្លែងធ្វើការមួយក្នុងក្រុង Kolkata ប្រទេសឥណ្ឌា។ ថ្នាំពណ៌នេះមានឈ្មោះ Alta ដែលស្រ្តីហិណ្ឌូប្រើជាមួយកប្បាសនៅចុងជើងក្នុងពេលរៀបអាពាហ៍ពិពាហ៍ និងពិធីសាសនាផ្សេងៗ។
កប៉ាល់នេសាទជាច្រើនចតនៅកំពង់ផែមួយ នៅពេលដែលព្យុះ Nida បានបោកបក់ក្រុង Guangzhou ខេត្ត Guangdong ប្រទេសចិន កាលពីថ្ងៃទី១ ខែសីហា ឆ្នាំ២០១៦។
រថក្រោះ T-72 ដែលប្រតិបត្តិដោយកងកម្លាំងម្នាក់របស់កាហ្សាក់ស្ថានបាញ់ទៅលើគោលដៅមួយក្នុងពេលប្រកួតបាញ់រថក្រោះ Tank Biathlon ដែលជាផ្នែកមួយនៃការប្រកួតប្រជែងកងទ័ពអន្តរជាតិសម្រាប់ឆ្នាំ២០១៦ (International Army Games 2016) ក្នុងប្រទេសរុស្ស៊ី។
មនុស្សម្នាមើលទៅខាងក្នុងរថភ្លើងល្បឿនលឿន Talgo ក្នុងពេលដំណើរការសាកល្បង នៅស្ថានីយរថភ្លើងមួយនៅក្នុងក្រុង Mumbai ប្រទេសឥណ្ឌា។
មនុស្សម្នាដើរនៅលើវេទិកាមើលទេសភាពមួយនៅក្នុងក្រុង Zhangjiajie ខេត្ត Hunan ប្រទេសចិន កាលពីថ្ងៃទី១ ខែសីហា ឆ្នាំ២០១៦។
នេះជាទិដ្ឋភាពនៃកន្លែងចុងក្រោយនៃទន្លេមួយនៅក្នុងក្រុង Rio de Janeiro ប្រទេសប្រេស៊ីល។
នាង Dariadna Corujo ត្រៀមបោះខ្សែដើម្បីទាក់កូនគោមួយ ក្នុងព្រឹត្តិការណ៍ប្រកួតជិះសេះដែលគេបង្កើតឡើង នៅកសិដ្ឋានមួយនៅក្នុងក្រុង Sancti Spiritus កណ្តាលប្រទេសគុយបា។
ក្មេងប្រុសអារ៉ាប់នៅអ៊ីស្រាអែលលោតចូលសមុទ្រមេឌីទែរ៉ាណេពីជញ្ជាំងបុរាណមួយ នៅភាគខាងជើងនៃប្រទេសអ៊ីស្រាអែល។