រូបភាពជុំវិញពិភពលោក ១៨ សីហា ២០១៩
សាច់ញាតិម្នាក់ស្រែកយំនៅក្បែរក្តារមឈូសរបស់ជនរងគ្រោះនៃការបំផ្ទុះគ្រោះបែកនៅអគាររៀបអាពាហ៍ពិពាហ៍ក្នុងក្រុង Dubai មួយ ក្នុងពិធីបុណ្យសពដ៏ធំមួយនៅក្នុងក្រុងកាប៊ុល ប្រទេសអាហ្វាហ្គានីស្ថាន។ ក្រុមរដ្ឋឥស្លាមក្នុងប្រទេសអាហ្វហ្គានីស្ថានបានអះអាងទទួលខុសត្រូវលើការបំផ្ទុះគ្រាប់បែកនោះ ដែលបានសម្លាប់មនុស្សយ៉ាងហោចណាស់៦៣នាក់ និង១៨៣នាក់រងរបួស។
ក្រុមបាតុករប្រមូលផ្តុំគ្នានៅឧទ្យាន Victoria Park ក្នុងក្រុងហុងកុង។ មនុស្សរាប់ពាន់នាក់បានទៅកាន់ឧទ្យាន Victoria Park ដើម្បីចូលរួមបាតុកម្មមួយដែលអ្នករៀបចំសង្ឃឹមថា ជាបាតុកម្មសន្តិភាពសម្រាប់ប្រជាធិបតេយ្យនៅក្នុងដែលដីស្វយ័តរបស់ចិនមួយនេះ។
បព្វជិតហិណ្ឌូផ្លាស់ទីលំនៅទៅកាន់ទួលមានសុវត្ថិភាពនៅមាត់ទន្លេ Ganges នៅពេលដែលទឹកទន្លេ Ganges និងទន្លេ Yamuna កើនឡើងយ៉ាងខ្លាំង នៅក្នុងរដូវភ្លៀងមូសុងនៅក្នុងតំបន់នេះ ក្នុងក្រុង Allahabad ប្រទេសឥណ្ឌា។
បុគ្គលិកម្នាក់ពិនិត្យមើលនាវាដឹកប្រេងថ្មីមួយរបស់អ៊ីរ៉ង់ឈ្មោះ Adrian Darya នៅទល់មុខឆ្នេរសមុទ្រនៃដែនដី Gibraltar។ ដែនដី Gibraltar បានបដិសេធការទាមទាររបស់អាមេរិកក្នុងការរឹបអូសនាវានេះ នៅពេលមានជម្លោះការទូត ខណៈដែលនាវានេះរៀបនឹងចាកចេញពីដែនដី Gibraltar បន្ទាប់ពីត្រូវបានគេឃាត់ទុកអស់ជាច្រើនសប្តាហ៍។
បុរសស៊ីរីម្នាក់បីសាកសពក្មេងម្នាក់នៅកន្លែងវាយប្រហារតាមអាកាសមួយនៅក្នុងភូមិ Deir Sharqi នៅជាយក្រុង Maaret al-Numan ខេត្ត Idlib ប្រទេសស៊ីរី កាលពីថ្ងៃទី១៧ ខែសីហា ឆ្នាំ២០១៩។
សមាជិកអង្គការ Proud Boys និងបាតុករស្តាំនិយមផ្សេងទៀតដើរក្បួនកាត់ស្ពាន Hawthorne នៅក្នុងការប្រមូលផ្តុំមួយដែលមានឈ្មោះថា «បញ្ចប់ភេរវកម្មក្នុងស្រុក» នៅក្នុងក្រុង Portland រដ្ឋ Oregon សហរដ្ឋអាមេរិក កាលពីថ្ងៃទី១៧ ខែសីហា ឆ្នាំ២០១៩។
ក្រុមអ្នករាំសម្តែងរបាំ Thengul ក្នុងពិធីប្រារព្ធទិវាឯករាជ្យជាតិលើកទី៧៤របស់ឥណ្ឌូណេស៊ី នៅវិមានប្រធានាធិបតី ក្នុងក្រុងហ្សាការតា កាលពីថ្ងៃទី១៧ ខែសីហា ឆ្នាំ២០១៩។
អ្នករស់នៅតំបន់អនាធិបតេយ្យស្វែងរករបស់របរពួកគេនៅក្នុងផេះ បន្ទាប់អគ្គិភ័យបានឆាបឆេះផ្ទះរបស់ពួកគេនៅក្នុងក្រុង Dhaka ប្រទេសបង់ក្លាដែស កាលពីថ្ងៃទី១៧ ខែសីហា ឆ្នាំ២០១៩។
បុរសម្នាក់ឡើងទៅយករង្វាន់របស់ខ្លួននៅក្នុងការប្រកួតឡើងបង្គោលខ្លាញ់ ដែលជាផ្នែកមួយនៃពិធីប្រារព្ធទិវាឯករាជ្យជាតិ នៅឆ្នេរ Ancol ក្នុងក្រុងហ្សាការតា ប្រទេសឥណ្ឌូណេស៊ី កាលពីថ្ងៃទី១៧ ខែសីហា ឆ្នាំ២០១៩។
លោក Benji Brand ដែលជាអ្នកជិះក្តារលើទឹកមកពីរដ្ឋ Hawaii សហរដ្ឋអាមេរិកហាត់សម មុនពេលជិះក្តារលើទឹក នៅភូមិ Teahupoo លើកោះ Tahiti ដែនដីបារាំង។
កីឡាករ Vito Schnabel ប្រកួតរត់ប្រណាំងលើកទី១ សម្រាប់ពានរង្វាន់ FIS Grasski World Championships ក្នុងក្រុង Marbachegg ប្រទេសស្វ៊ីស កាលពីថ្ងៃទី១៧ ខែសីហា ឆ្នាំ២០១៩។
អ្នកស្ម័គ្រចិត្តឈរនៅក្បែរកូនសត្វក្រៀលនៅពេលព្រឹកព្រលឹម មុនពេលប្រលែងទៅក្នុងបឹងទឹកប្រៃ នៃជម្រកធម្មជាតិ Fuente de Piedra ប្រទេសអេស្ប៉ាញ កាលពីថ្ងៃទី១៧ ខែសីហា ឆ្នាំ២០១៩។