រូបភាពជុំវិញពិភពលោក ១៦ សីហា ២០២០
មនុស្សម្នាចូលរួមនៅក្នុងការតវ៉ាមួយប្រឆាំងនឹងលទ្ធផលបោះឆ្នោតប្រធានាធិបតី ដោយទាមទារឱ្យលោកប្រធានាធិបតី Alexander Lukashenko ចុះចេញពីតំណែង និងការដោះលែងអ្នកទោសនយោបាយ នៅក្នុងក្រុង Minsk ប្រទេសបេឡារុស។
ទិដ្ឋាភាពពីលើអាកាសនេះបង្ហាញពីការកំពប់ប្រេងនៃនាវា MV Wakashio នៅក្បែរឧទ្យាន Blue Bay Marine Park ក្នុងប្រទេសម៉ូរីស (Mauritius)។
និស្សិតគាំទ្រលទ្ធិប្រជាធិបតេយ្យលើកម្រាមដៃចំនួន៣ ដែលជាសញ្ញានៃការមិនចុះចាញ់ នៅក្នុងការប្រមូលផ្តុំមួយនៅក្នុងក្រុងបាងកក ប្រទេសថៃ។ ក្រុមបាតុកម្មបានបង្កើនសម្ពាធលើរដ្ឋាភិបាលថៃដើម្បីឱ្យរដ្ឋាភិបាលធ្វើតាមការទាមទាររបស់ពួកគេ គឺធ្វើការរៀបចំការបោះឆ្នោតថ្មីមួយ ធ្វើវិសោធនកម្មរដ្ឋធម្មនុញ្ញ និងបញ្ចប់ការបំភិតបំភ័យដល់អ្នករិះគន់។
អ្នកមានជំនឿដើរកាត់ព្រៃមួយនៅក្បែរព្រះវិហារ Maria Vesperbild នៅក្នុងការដើរក្បួនពន្លឺមួយ កាលពីថ្ងៃទី១៥ ខែសីហា ឆ្នាំ២០២០ នៅក្នុងក្រុង Ziemetshausen ប្រទេសអាល្លឺម៉ង់។
មនុស្សម្នារីករាយនៅក្នុងការប្រគុំតន្រ្តី Hello Chongli-Thaiwoo Midi Music Season ដែលធ្វើឡើងនៅក្នុងក្រុង Chongli ក្នុងខេត្ត Hebei នៅភាគខាងជើងនៃប្រទេសចិន។
កីឡាករប្រណាំងឡាន Lewis Hamilton មកពីចក្រភពអង់គ្លេសបោះពានរបស់លោកទៅលើ បន្ទាប់ពីការប្រកួត Formula One Grand Prix នៅទីលានប្រកួត Barcelona Catalunya ក្នុងក្រុង Montmelo ប្រទេសអេស្ប៉ាញ។
ប្រព័ន្ធចាប់មីស៊ីល Iron Dome បាញ់កម្ទេចមីស៊ីល នៅពេលគ្រាប់រ៉ុក្កែតត្រូវបានគេបាញ់ពីក្រុង Gaza ឆ្ពោះទៅប្រទេសអ៊ីស្រាអែល។
បាតុករអ៊ីស្រាអែលម្នាក់កាន់ផ្កា នៅពេលនាងដេកនៅលើផ្លូវក្នុងបាតុកម្មមួយប្រឆាំងនឹងលោកនាយករដ្ឋមន្ត្រី Benjamin Netanyahu នៅក្បែរនិវេសនដ្ឋានរបស់នាយករដ្ឋមន្ត្រីនៅក្នុងក្រុង Jerusalem កាលពីថ្ងៃទី១៥ ខែសីហា ឆ្នាំ២០២០។
គ្រាប់បាល់មួយស្ថិតនៅលើផ្លូវដើរ នៅពេលដែលបុគ្គលិករើសគ្រាប់បាល់របស់ក្រុម Arizona Diamondbacks មើលការប្រកួត baseball ទល់នឹងក្រុម San Diego Padres កាលពីថ្ងៃទី១៥ ខែសីហា ឆ្នាំ២០២០ នៅក្នុងក្រុង Phoenix រដ្ឋ Arizona សហរដ្ឋអាមេរិក។
រន្ទះបាញ់កើតឡើងនៅលើស្ពាន San Francisco-Oakland Bay Bridge ខណៈដែលព្យុះបោកបក់កាត់ក្រុង Oakland រដ្ឋ California សហរដ្ឋអាមេរិក។